Ejekel 17:16 - Maktub gə́ To gə Kəmee

¹⁶ Neḛ n’to njesikəmba! Mbaidɔmbaije gə́ Njesigənea̰ pa njaŋg pana: Mee ɓee lə mbai gə́ aree o̰ ɓee gə́ yeḛ uba goo ta rɔkubu ləa ya̰ ləm, yeḛ gaŋg kúla manrɔ ləm tɔ ndá yeḛ a kwəi keneŋ mbɔree’g mee ɓee gə́ Babilɔn.

Ejekel 17:16 ပူးပေါင်းရင်းမြစ်များ

2 Samel 21:2

Mbai ɓar koso-dəwje gə́ Gabao̰ mba kula dee ta. Koso-dəwje gə́ Gabao̰ lé to Israɛlje el nɛ to ges Amɔrje gə́ nai ya. Israɛlje d’un ndu dee d’ar dee gə ndu manrɔ nɛ lé bèe kara Sawul ndigi tɔl dee gə́ tɔl ya mbata mal Israɛlje gə Judaje gə́ rəa ŋgwɔd-ŋgwɔd lé.

2 Mbaije 24:17

Yen ŋga mbai gə́ Babilɔn lé unda Matania gə́ to naneeje lé gə́ mbai taa ne tor Jojakḭ ndá yeḛ tel unda ria gə́ raŋg lə Sedesias tɔ.

2 Mbaije 24:20

Néje neelé teḛ togə́bè gə goo oŋg lə Njesigənea̰ gə́ oso dɔ njé gə́ Jerusalem gə njé gə́ Juda mbata yeḛ ndigi kɔs dee nea̰’g rəw tɔ. Tɔɓəi Sedesias ḭ ɔs mbai gə́ Babilɔn lé rəw tɔ.

Pakɔsje 15:4

Dəw gə́ to kḛji lé Yeḛ ée gə kəm dɔbee, Nɛ deḛ gə́ ɓəl Njesigənea̰ lé ɓa Yeḛ ila riɓar dɔ dee’g. Loo gə́ yeḛ un ndia gə rɔkubu ɓa kədərə səa kara Yeḛ pa njaŋg ɓó yeḛ tel gə ndia gogo el.

Teḛ-Raga 20:7

Ala ləi gə́ Njesigənea̰ lé maji kari ɓar ria pəd-pəd as ne loo el, mbata dəw gə́ ɓar ri Njesigənea̰ pəd-pəd as né loo lé yeḛ a lal kar bo̰ nérea ɔs təa’g el.

Teḛ-Raga 8:2

Aaro̰ ula jia ndiŋ dɔ manje gə́ Ejiptə’g, ndá kurkuduje tal taa loo pəl-pəl mee ɓee gə́ Ejiptə.

Jeremi 34:21

M’a kya̰ Sedesias, mbai gə́ Juda, gə ŋgan-mbaije ləa ji njéba̰je’g lə dee ləm, gə meḛ ji deḛ gə́ ndigi kar dee d’wəi ləma, gə meḛ ji njérɔje’g lə mbai gə́ Babilɔn gə́ ɔr rəa rɔ sí’g aw əw lé ləm tɔ.

Jeremi 39:7

Tɔɓəi yeḛ ar dee tɔs kəm Sedesias tɔ ndá deḛ teá gə kúla larkas mba kaw səa Babilɔn.

Jeremi 52:11

Tɔɓəi yeḛ ar dee tɔs kəm Sedesias tɔ ɓa ar dee teá gə kúla larkas. Mbai gə́ Babilɔn aw səa Babilɔn aw ilá daŋgai’g saar as ndɔ kwəi ləa.

Ejekel 12:13

13 N’a kila ba̰də gugu ne dəa sub ndá yeḛ a koso gum’g lə neḛ. N’a kaw səa Babilɔn mee ɓee’g lə Kaldeje nɛ yeḛ a koo ɓee neelé gə kəmee el ndá yeḛ a kwəi keneŋ.

Ejekel 16:59

Mbata Mbaidɔmbaije gə́ Njesigənea̰ pa togə́bè pana: N’a ra səi né to gə́ i ra lé, i gə́ ə̰ji ta rɔkubu bəḭ-bəḭ gaŋg ne kúla manrɔ lé.

Ejekel 17:10

Aa ooje, deḛ meaa̰ mba̰. See a teḛkɔr ya wa. Ɓó lé lel gə́ ḭ bər ree ula dəa’g ndá see a tudu el wa. Yee a tudu dɔ naŋg gə́ yee uba keneŋ lé ya.

Ejekel 17:13

Yeḛ ɔr dəw kára mbuna ginkoji’g lə mbai tɔɓəi yeḛ man rəa aree ləm, yeḛ aree un ndia gə rɔkubu ləm tɔ ndá yeḛ aw gə njé gə́ boo-boo gə́ mee ɓee’g lé

Ejekel 21:23

Njesigənea̰ ulam ta gə rɔtaje nee pana:

Ojee 10:4

Deḛ lé pa taje budu-budu ləm, D’ubu rɔ dee gə taŋgɔm Loo gə́ deḛ man ne rɔ dee d’ar na̰ ləm tɔ. Togə́bè ɓa bo̰ néra dee kara A kuba dee naŋg bus to gə́ kag-táaje Gə́ d’uba dɔ ɓaije gə́ mee ndɔ’g bèe.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Bula lə Israɛlje 30:2

Moyis ula mbaije lə ginkoji Israɛlje pana: Aa ooje, né gə́ Njesigənea̰ un ndia dɔ’g ɓa nee:

Njé gə́ Rɔmə 1:31

Ŋgonkoji to rɔ dee’g nda̰ bèe el ləm, d’unda na̰ dan kəm na̰’d el ləma, d’oo kəmtondoo lə mar deeje el ləm tɔ.

1 Timote 1:10

gə mba kar néra dee gə́ to njékəmndaje ləm, əsé ram-dəwje ləm, əsé njéndogo dəwje ləm, əsé gə njéŋgɔmje ləm, gə njékusu dɔ rɔ deeje ləma, əsé gə dəw gə́ rara ɓa ɔs kankəmta rəw ləm tɔ lé a to raga pai-pai ya.

2 Timote 3:3

D’a to njémeekədərəje ləm, gə njélal koo kəmtondoo lə mar deeje ləm, gə njétədtaŋgɔm kunda ta mar deeje’g ləm, gə njékwaŋgaŋ rɔ deeje el ləm, gə njéra nékərm-kərmje ləma, gə njéba̰je lə dəwje gə́ njéra néje gə́ maji ləm tɔ.

Jujé 9:20

Nɛ aa ooje, né gə́ j’a gə raje sə dee ɓa nee: J’a kya̰ deeje kar dee d’isi kəmba ya gə mba kar oŋg lə Njesigənea̰ oso dɔ sí’g gə mbata lə man gə́ jeḛ manje rɔ sí j’ar dee lé el.