Ejekel 17:14 - Maktub gə́ To gə Kəmee

¹⁴ gə mba kar ɓeeko̰ ula dəa aw ŋguna-ŋguna lal ti rəa ləm, gə mba karee aa ne dɔ manrɔ ləa ila ne koji dɔ’g ləm tɔ.

Ejekel 17:14 ပူးပေါင်းရင်းမြစ်များ

Jeremi 38:17

Yen ŋga Jeremi ula Sedesias pana: Njesigənea̰, Ala gə́ njeboo-néje gə́ to Ala lə Israɛlje lé pa togə́bè pana: Ɓó lé i aw ɔm gə ŋgan-mbaije lə mbai gə́ Babilɔn na̰’d ndá i a kaji ləm, ɓee-boo neelé d’a roo el ləma, i seḭ gə njémeekəije ləi a síje kəmba ləm tɔ.

Nɔ̰-ndôo gə́ wɔji dɔ Jerusalem 5:10

Ɓó gə́ ra sí yaa̰ lé Ar ndar rɔ sí nədə To gə́ né gə́ d’ula pər bṵda’g bèe.

Ejekel 17:6

Kag neelé ra tɔg tel to kag-nduú gə́ alè nɛ ŋgal ɓa ŋgal el. Barkəmeeje tel gə́ rɔ niŋgatə̰də’g ndá ŋgiraje to gelee’g, tɔɓəi yee tel to kag-nduú gə́ barkəmee tuba ar barkəmeeje tɔ yèŋgè-yèŋgè.

Ejekel 29:14

N’a tel gə Ejiptəje gə́ d’aw sə dee ɓee-ɓər’g lé ree sə dee ndá n’a ree sə dee mee ɓee gə́ Patros gə́ to ɓee gə́ gin dee ḭ keneŋ tɔɓəi lé neelé ɓa d’a tum gin ɓeeko̰ gə́ kul kwɔji-kwɔji keneŋ tɔ.

Ejekel 29:15

Yee a to ɓeeko̰ gə́ əḭ el unda mareeje ndá yee a tel kur dɔ ginkoji dəwje gə raŋg’g el ŋga ləm, n’a rəm sə dee mba kar dee dum dɔ ginkoji dəwje gə raŋg el ŋga ləm tɔ.

Tel tura Godndu 28:43

Dəw-dɔ-ɓeeje gə́ d’a si mbuna sí’g lé d’a kḭ kur dɔ sí’d gə́ kédé-kédé ndá seḭ lé seḭ a rəmje gogo gə́ kédé-kédé tɔ.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.

1 Samel 2:7

Njesigənea̰ ar dəw tel to njendoo ləm, Yeḛ ar dəw to bao ləm tɔ. Yeḛ ar dəw ula dəa ləm, Yeḛ ar dəw unda dəa tar ləm tɔ.