Ejekel 17:12 - Maktub gə́ To gə Kəmee

¹² Maji kam m’dəji gel-bɔje gə́ to njékɔsta-rəwje m’pana: See deḛ gər gel né neelé el wa. Maji kam m’ula dee m’pana: Aa ooje, mbai gə́ Babilɔn aw Jerusalem aw wa mbai ləm, gə ŋgan-mbaije ləa ləm tɔ aw sə dee Babilɔn.

Ejekel 17:12 ပူးပေါင်းရင်းမြစ်များ

2 Mbaije 24:20

Néje neelé teḛ togə́bè gə goo oŋg lə Njesigənea̰ gə́ oso dɔ njé gə́ Jerusalem gə njé gə́ Juda mbata yeḛ ndigi kɔs dee nea̰’g rəw tɔ. Tɔɓəi Sedesias ḭ ɔs mbai gə́ Babilɔn lé rəw tɔ.

Teḛ-Raga 12:26

Bèe ɓa loo gə́ ŋgan síje d’a dəji sí pana: See né gə́ seḭ raje lé gelee to ɗi wa.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 3:2

Yeḛ a kɔr bao-rɔ gə njerɔ gə́ keneŋ ləm, Gə njegaŋ-rəwta gə njetegginta Gə njenékoo gə ŋgatɔg ləm,

Esai 39:7

D’a kwa ŋganije gə́ na̰je gə́ d’ḭ məəi’d gə́ i oji dee lé mba kaw tel dee gə́ njekujije kar dee to njékaa dɔ néje mee kəi’g lə mbai gə́ Babilɔn ya.

Jeremi 34:21

M’a kya̰ Sedesias, mbai gə́ Juda, gə ŋgan-mbaije ləa ji njéba̰je’g lə dee ləm, gə meḛ ji deḛ gə́ ndigi kar dee d’wəi ləma, gə meḛ ji njérɔje’g lə mbai gə́ Babilɔn gə́ ɔr rəa rɔ sí’g aw əw lé ləm tɔ.

Jeremi 37:1

Sedesias, ŋgolə Jojias o̰ ɓee tor Jekonia, ŋgolə Jojakim’g. Nebu kadnesar, mbai gə́ babylɔnə ɓa undá gə́ mbai gə́ Juda lé.

Jeremi 52:3

Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g. Yen ŋga Sedesias ḭ ɔs mbai gə́ Babilɔn rəw.

Ejekel 1:2

Loo gə́ naḭ ra ndɔ mi lé, ləbee neelé to ləb gə́ njekɔm’g mi gə́ d’aw ne gə mbai Jojakḭ ɓee-ɓər’g lé ndá,

Ejekel 17:11

Njesigənea̰ ulam ta gə rɔtaje nee pana:

Ejekel 17:3

M’a pa pana: Mbaidɔmbaije gə́ Njesigənea̰ pa togə́bè pana: Nḭgatə̰də gə́ boi gə́ bagee tad gəbəbə un loo lad-lad ar bèlee ɔm pɔ-pɔ gə ndaŋg rɔg-rɔg aw saar teḛ dɔ mbal gə́ Liba̰ aw təd dɔ sém kag-sɛdrə.

Ejekel 2:8

Nɛ ma ŋgon-dəw lé maji kam m’oo ta gə́ n’a gə kulam lé! Maji kam m’to njekɔsta-rəw to gə́ gel-bɔje lə njékɔsta-rəwje neelé el! Maji kam m’teḛ tam m’usɔ ne né gə́ n’a gə karm lé ya.

Ejekel 24:19

Koso-dəwje dəjim pana: Né gə́ m’ra lé see m’a kɔr ginee gə́ wɔji dɔ dee kar dee d’oo el wa.

Ejekel 3:9

N’a kar ŋgo nɔm kədərə to gə́ jər gə́ ɓaree diama̰ bèe ləm, kədərə unda kɔr mbal ləm tɔ. Lée deḛ to gel-bɔje gə́ njékɔsta-rəwje ya kara maji kam m’ɓəl dee el.

Ejekel 37:18

Loo gə́ ŋgalə koso-dəwje ləi d’a dəji pana: See a kɔr gel né neelé kar sí el wa.

Matiyo 13:51

See seḭ gərje ta néje neelé lai ya wa. Deḛ tel d’ilá keneŋ pana: Oiyo!

Matiyo 16:11

Ta gə́ m’ula sí lé wɔji dɔ pil muru el. See ban ɓa kəm sí inja dɔ’g el nja dɔrɔ ɓəi wa. Aaje rɔ sí kər-kər dɔ né gə́ ar nduji ti gə́ ka̰ Parisiḛje gə Saduseḛje lé.

Mark 4:13

Tɔɓəi Jeju dəji dee pana: Ŋga see gosota gə́ nee ya ɓəi seḭ gərje el wa. Ŋga see gosotaje gə́ raŋg lai ndá see seḭ a gərje to gə́ ban ɓəi wa.

Lugu 9:45

Nɛ njékwakiláje gər rəw ta neelé sur el, to ta gə́ to loo-ŋgəḭ’g mbata lə dee ɓəi, nà banelə d’a kḭ gər rəbee. Tɔɓəi deḛ ɓəl kila ɗigi kaaree’g dəjee ne taree tɔ.

Néra Njékaḭkulaje 8:30

Pilibə aiŋgwɔd kəmee gə́ kédé ndá yeḛ oo ndu dəw gə́ Etiopi gə́ si tura ne maktub lə Esai njetegginta lé ndá yeḛ dəjee pana: Né gə́ i tura lé see i gər ginee ya wa.

Tel tura Godndu 6:20

Loo gə́ ŋgan síje d’a dəji sí pana: See tornduje, gə godnduje gə ndukunje gə́ Ala lə sí gə́ Njesigənea̰ ar sí neelé see gelee to ɗi wa.

Jujé 4:21

Yeḛ ula Israɛlje pana: Loo gə́ ŋgan síje d’a dəji sí ndɔ gə́ raŋg pana: Kɔr mbalje gə́ tɔs dee dɔ na̰’d neelé see ginee to ɗi wa.

Jujé 4:6

gə mba karee to gə́ nétɔji mbuna sí’g. Bèe ɓa ndɔ gə́ raŋg loo gə́ ŋgan síje d’a dəji sí pana: Kɔr mbalje gə́ tɔs dee dɔ na̰’d lé see ginee to gə́ ɗi wa ndá,