Ejekel 16:6 - Maktub gə́ To gə Kəmee

⁶ Neḛ n’dəs péd mbɔri’g ndá n’ooi dan məsi’d gə́ wai mbəgə-mbəgə ndá n’ulai m’pana: Maji kari si kəmba dan məsi’g ya! N’ulai m’pana: Maji kari si kəmba dan məsi’g ya.

Ejekel 16:6 ပူးပေါင်းရင်းမြစ်များ

Esai 14:19

Nɛ i lé d’ilai əw Ɓó mee bwa-dubi’g el Asəna gə barkəmkag gə́ d’ə̰jee bəḭ-bəḭ bèe ləm, Asəna gə dəwje gə́ tɔs dee gə kiambas tɔl dee tɔr né rɔ dee’g Ɓa tɔs dee tila dee dɔ kɔri-ərje gə́ mee bwa’g ləma, Asəna gə nin gə́ tubá naŋg gə gɔl dee bèe ləm tɔ.

Esai 51:23

M’a kulá ji deḛ gə́ to njékula kəm sí ndooje’g, Deḛ gə́ d’ula sí kédé pana: Rogoje naŋg ar sí njaaje dɔ sí’g! Seḭ a telje gir sí kaareeje To asəna gə naŋg bèe ləm, Asəna gə kila-rəw gə́ dəwje njaa keneŋ bèe ləm tɔ.

Ejekel 16:22

Dan néraije gə́ to kḛji lai lé ləm, gə kaiya raije ləm tɔ lé i ar məəi olé dɔ ndəaje gə́ i nai ne ŋgon loo gə́ i to ne gə kudi dum ar rɔi to ne kari péd-péd ləm, loo gə́ i aw rogo dan məsi’g ləm tɔ lé el.

Ejekel 16:5

Dəw kára kara ila kəmee dɔi’g oo ne kəmtondoo ləi mba ra ne səi né kára mbuna néje’g neelé el. Nɛ ndɔ kojii’g ya d’undai d’ilai wala mbata d’ooi gə́ né gə́ to kḛji.

Ejekel 16:7

Neḛ n’ar bula ləi ḭ dɔ maree’d gə́ kédé-kédé to gə́ muje gə́ mee wala’g bèe. Ndá rɔi oso dɔ maree’d gə́ kédé-kédé ari ra ne tɔg ləm, gə tel maji péd-péd ləm tɔ, i uba mbà ləm, yiŋga dɔi ŋgal pɔ-pɔ ləm tɔ. Nɛ kudi to dum ɓa ləm, rɔi to kari péd-péd ləm tɔ.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Matiyo 5:13

Seḭ toje kad gə́ dɔ naŋg nee. Nɛ ɓó lé kad gə́ rii lé tel rii el ndá see ɗi ɓa d’a ra ne karee tel rii gogo ɓəi wa. Yee neelé maji sané kɔ kar dəwje njaa dɔ’g ɓó kəm ra ne né el ŋga.

Tagə́maji gə́ Ja̰ ndang 5:25

Ma m’ula sí təsərə, kàr kar njé gə́ d’wəi d’oo ndu Ŋgon-Ala lé a gə teḛ ləm, teḛ mba̰ ləm tɔ. Ndá deḛ gə́ d’oo lé d’a si gə kəmə lé ya.

Néra Njékaḭkulaje 7:34

Neḛ n’oo kəmtondoo lə koso-dəwje lə neḛ gə́ d’isi Ejiptə ləm, n’oo ndu no̰je lə dee ləm tɔ ndá neḛ n’ree gə mba kɔm dee tar. Ɓasinè aw n’a gə kulai Ejiptə’g ya.

Njé gə́ Rɔmə 9:15

Mbata yeḛ ula Moyis pana: Yeḛ gə́ neḛ ndigi kwa səa noji lé ndá n’a kwa səa noji ləm, yeḛ gə́ neḛ ndigi koo kəmtondoo ləa ndá n’a koo kəmtondoo ləa nja ləm tɔ.

Tel tura Godndu 9:4

Loo gə́ Ala lə sí gə́ Njesigənea̰ a tuba dee no̰ sí’g ndá maji kar sí paje meḛ sí’g pajena: To néra gə́ gə dɔ najee lə sí ɓa Njesigənea̰ ar sí j’a̰dje ne mee ɓee’g neelé paje bèe el, mbata to gə goo meeyèr lə ginkoji dəwje gə raŋg neelé ɓa Njesigənea̰ tuba dee ne no̰ sí’g gə mbəa.

Ǝbrəje 10:29

Nɛ ɓəd ɓa see yeḛ gə́ njaa dɔ Ŋgon-Ala’g lé ləm, oo məs manrɔ gə́ aree to ne dəw gə́ to gə kəmee lé oo gə́ né el ləma, ila ndɔl dɔ Ndil gə́ njenoji’g ləm tɔ ndá yeḛ gə́ ra togə́bè lé see tuji gə́ a koso dəa’g lé a kur dɔ maree’g nee el wa.

Loo gə́ killa rea kəm Ja̰’g 14:20

Deḛ mbula kandə nduú neelé gaŋg ɓee-boo’g raga ndá məs ɓa ula yaa̰, wa ta kundaje loo-tɔ-kḛgəlé’g mbiriri saar ar kuruloo tɔl-dɔg gə dəa tɔl-misa̰.