Ejekel 16:52 - Maktub gə́ To gə Kəmee

⁵² I gə́ ila ta dɔ ŋgakɔḭje gə́ dené’g lé, maji kari taa rɔkulee dɔi’g mbata kaiya raije gə́ i ar ndɔlee wa ne dɔi unda dee-deḛ ləm, ar néra dee tel to né gə́ kari ba mbɔr néraije’g ləm tɔ, maji kari si gə kəm sɔḭ ləm, taa rɔkulee dɔi’g ləm tɔ mbata i ar néra ŋgakɔḭje gə́ dené tel to né gə́ kari ba.

Ejekel 16:52 ပူးပေါင်းရင်းမြစ်များ

Gḭ-Néje 38:26

Juda oo néje neelé gə́ kea̰-yeḛ ya ndá yeḛ pana: Dené neelé to dəw gə́ gelee godo undam-ma ya. Mbata m’aree taa ŋgonəm gə́ Sela el. Ndá Juda lé tel gəree gogo el ŋga.

1 Mbaije 2:32

Njesigənea̰ a kar ta məsee nai dəa-yeḛ’g ya mbata yeḛ tɔl dəwje joo gə́ to njémeekarabasurje ləm, gə́ maji d’undá ləm tɔ ndá yeḛ tɔl dee gə kiambas lal kar bɔm Dabid oo taree: to Abner, ŋgolə Ner, ɓé-njérɔje gə́ Israɛl ləm, gə Amasa, ŋgolə Jeter, ɓé-njérɔje gə́ Juda ləm tɔ.

Jeremi 23:40

N’a kɔm rɔkul gə́ to gə no̰ dɔ sí’g ləm, n’a kar kəm sɔḭ gə́ meḛ dəwje a kwəi dɔ’g el ya saar wa kəm sí gə no̰ ləm tɔ.

Jeremi 3:11

Njesigənea̰ ulam pana: kila koji el lə Israɛlje lé to gə́ né el kəm’g loo gə́ m’oo néra Judaje gə́ to njéhulaije lé.

Jeremi 31:19

Loo gə́ j’undaje rɔ sí ɓad rɔi’g ndá Jeḛ n’tel j’waje ndòo rɔ sí ləm, Loo gə́ kəm sí inja dɔ néramajelje’g Le sí ndá jeḛ n’kundaje kaar sí ndai-ndai ləm tɔ, Rɔkul gə kəm sɔḭ wa kəm sí Mbata rɔkul né gə́ jeḛ n’raje Gə́ basa gə́ lə sí lé wa dɔ sí.

Jeremi 51:51

Rɔ sí kul loo gə́ j’oo ta tajikil ləm, Sɔḭ wa kəm sí Loo gə́ dəw-dɔ-ɓeeje ree Mee loo’g lə Njesigənea̰ Gə́ to gə́ kəmee ləm tɔ.

Ejekel 16:47

Rəw-kaw dee-deḛ ba ɓa i njaa keneŋ el ləm, néra deeje gə́ mina̰ ba ɓa i ra el ləm tɔ mbata to gə́ lam ba ɓəi, nɛ i lé ar néraije to né gə́ ndum oso lud rəw-kabije’g lai ya.

Ejekel 16:48

Neḛ n’to njesikəmba! Mbaidɔmbaije gə́ Njesigənea̰ ɓa pa bèe, Sɔdɔm, ŋgokɔḭ gə́ dené deḛ gə ŋganeeje gə́ dené lé ra né gə́ i seḭ gə ŋganije gə́ dené raje el.

Ejekel 16:53

N’a tel gə njé’g lə deḛ gə́ d’aw sə dee ɓee-ɓər’g ree sə dee, njé’g lə Sɔdɔm gə ka̰ ŋganeeje gə́ dené gə́ d’wa dee ɓər ləm, gə njé’g lə Samari gə ka̰ ŋganeeje gə́ dené gə́ d’wa dee ɓər ləma, gə njé’g ləi gə́ d’wa dee ɓər ləm tɔ,

Ejekel 16:54

gə mba kari taa rɔkulee dɔi’g ləm, gə mba kar rɔkul wa ne kəmi dɔ néje lai gə́ i ra ləm tɔ, yee ɓa i a to ne négɔl mée mbata lə dee.

Ejekel 16:56

See i pata ila dɔ Sɔdɔm, ŋgokɔḭ gə́ dené’g mee ndəa gə́ i aw ti ne rɔi

Ejekel 16:63

gə mba kar məəi olé ne dɔ ndɔje gə́ dəs’g ɓó gə kar rɔkul wa ne kəmi ləm, gə mba kari oo loo teḛ tai ja̰ pata el ŋga ləm tɔ gə mba kar kəm sɔḭ wa kəmi loo gə́ n’a kar mee neḛ oso lemsé dɔ néje lai gə́ i ra lé, Mbaidɔmbaije gə́ Njesigənea̰ ɓa pa bèe.

Ejekel 32:24

Lée nee ɓa mbai gə́ Elam to keneŋ ar njé’g ləa gə́ bula digi-digi gugu dɔ dɔɓaree sub, deḛ lai lé d’wəi yoo-kiambas ya. Deḛ to njépole-magəje gə́ d’aw gin naŋg’d gə́ bər lé deḛ gə́ to njékɔm ɓəl-boo mee ɓee’g lə njé gə́ d’isi kəmba ndá deḛ d’aw gə rɔkul-boo lə dee rɔ njé gə́ dubu dee bwa-dɔɓar’g.

Ejekel 36:15

N’a kari oo ta rɔkulje gə́ ginkoji dəwje gə raŋg pa ne səi el ləm, koso-dəwje d’a kila rɔkul-boo dɔi’g el ləm tɔ, i a tuji ginkoji dəwje ləi el ŋga, Mbaidɔmbaije gə́ Njesigənea̰ ɓa pa bèe.

Ejekel 39:26

Yen ŋga meḛ dee a kwəi dɔ rɔkul-boo’g lə dee ləm, gə dɔ kaltaje lai gə́ deḛ d’al ta neḛ’g loo gə́ deḛ d’isi gə́ majee mee ɓee’g lə dee ar dəw kára kara jɔg dee keneŋ el lé ləm tɔ.

Ejekel 44:13

D’a tibi mbɔr neḛ gə mba ra kula loo-nékinjaməs’g lə neḛ el ləm, d’a tibi mbɔr looje lə neḛ gə́ to gə kəmee əsé gə looje lə neḛ gə́ to gə kəmee doi el ləm tɔ, nérɔkul gə́ boo gə néje gə́ mina̰ gə́ deḛ ra lé d’a kuba pəree ya.

Ojee 10:6

Ala neelé d’a kunee kaw səa Asiri Gə mba kar mbai Jareb gə́ nénoji. Kəm sɔḭ a kwa kəm Eprayimje ləm, Israɛlje kara d’a si dan rɔkul’g Mbata né gə́ deḛ d’wɔji-kwɔji ra lé ləm tɔ.

Lugu 6:37

Gaŋje ta dɔ mar síje’g el ndá Ala kara a gaŋgta dɔ sí’g el tɔ, ilaje ta dɔ mar síje’g el ndá Ala a kila ta dɔ sí’g el tɔ, ɔrje ta dɔ mar síje’g ndá Ala a kɔr ta dɔ sí’g tɔ.

Njé gə́ Rɔmə 1:32

Godndu Ala gə́ pana: Nana ɓa gə́ ra néje gə́ togə́bè lé a kas yée ya lé deḛ gər gao ya nɛ deḛ nja ra née ləm, mar deeje gə́ ra néje neelé kara deḛ ndigi sə dee ya ləm tɔ.

Njé gə́ Rɔmə 2:10

Deḛ gə́ ra némaji lé d’a si dan rɔnduba’g gə dan riɓar’g gə dan meekulɔm’g ləm tɔ, Jibje kédé ɓa Grekje ɓəi!

Njé gə́ Rɔmə 6:21

See kó sí to kó gə́ banwa. Ko sí neelé rɔ sí kul ne ɓasinè. Mbata loo kɔs bo̰ lə néje neelé to yoo ya.

1 Samel 24:17

Loo gə́ Dabid tɔl taje ləa gə́ yeḛ ula Sawul neelé bém ndá Sawul pana: See to ndui-i ya wa, ŋgonəm Dabid! Ndá Sawul tel ɔr ndia gə́ tar wəl gə no̰ tɔ.