Ejekel 16:3 - Maktub gə́ To gə Kəmee

³ M’a kulá pana: Mbaidɔmbaije gə́ Njesigənea̰ pata togə́bè ar Jerusalem pana: Ɓee gə́ unda geli gə ɓee-kojii lé to ɓee gə́ Kana̰ ya, bɔbije to dəw gə́ Amɔr ləm, kɔinje to gə́ ginkoji’g lə Het ləm tɔ.

Ejekel 16:3 ပူးပေါင်းရင်းမြစ်များ

Gḭ-Néje 11:25

Naɔr lé si kəmba ləbee tɔl gə dəa dɔg giree-jinaikara (119) goo ndɔ koji Tera’d ya, ndá yeḛ oji ŋganje gə́ diŋgam gə njé gə́ dené ləm tɔ.

Gḭ-Néje 11:29

Abram gə Naɔr taa denéje, ri dené lə Abram to Sarai, ri dené lə Naɔr to Milka, yeḛ to ŋgolə Haran, Haran lé to bɔ Milkaje ləm gə bɔ Jiskaje ləm tɔ.

Gḭ-Néje 15:16

Ŋgakaije gə́ njekɔm’g sɔ lé d’a tel ree loo gə́ nee’g gogo ɓəi. Mbata néra Amɔrje gə́ ndɔji pɔdɔdɔ lé nai ɓəi ɓó teḛ lai el ɓəi.

1 Mbaije 21:26

Yeḛ ra né gə́ mina̰ aree al dɔ loo, aw ne goo magə-poleje’g to gə́ Amɔrje gə́ Njesigənea̰ tuba dee no̰ Israɛlje’g bèe.

2 Mbaije 21:11

Mbata Manasə, mbai gə́ Juda ra néje gə́ mina̰ gə́ nee ləm, mbata yeḛ ra néje gə́ majel aree ur dɔ ka̰ Amɔrje lai gə́ ra nea̰’g kédé ləma, mbata yeḛ ɔs Judaje ya kara ar dee ra kaiya gə goo magəje ləa ləm tɔ,

Esdras 9:1

Loo gə́ rudu néje neelé un ɗiao mba̰ ndá ŋgan-mbaije ree rɔm’g pana: Dəwje gə́ Israɛl ləm, gə njékinjanéməsje gə Ləbije ləm tɔ lé d’unda rɔ dee ɓəd mbuna dəw-mee-ɓeeje’g neelé el ləm, ndá deḛ ndaji ne néra deeje gə́ mina̰ gə́ to kḛji gə́ to néra Kana̰je ləm, gə Hetje ləm, gə Peresje ləm, gə Yebusje ləm, gə Amo̰je ləm, gə Moabje ləm, gə Ejiptəje ləma, gə Amɔrje ləm tɔ.

Nehemi 9:7

I Njesigənea̰, Ala nja ɓa mbər Abram Aree unda loo mee ɓee gə́ Ur, gə́ to ɓee lə Kaldeje teḛ Tɔɓəi i unda ria lə Abrakam tɔ.

Esai 1:10

Seḭ mbaije gə́ néra sí Wa bwà ka̰ njé gə́ Sɔdɔm lé Ooje ta lə Njesigənea̰! Seḭ koso-dəwje gə́ néra sí Wa bwà ka̰ njé gə́ Gɔmɔr lé Urje mbi sí dɔ godndu Ala’g lə sí!

Esai 43:27

Bɔ síje gə́ dɔtar ra kaiya ləm, Njékun dɔ taje lə sí lai gə́ ŋgɔm lé d’ḭ səm d’ɔs ta ləm rəw ləm tɔ.

Ejekel 16:2

Ma ŋgon-dəw lé maji kam m’ar ɓee gə́ Jerusalem gər néreaje gə́ mina̰ jɔmri-jɔmri lé.

Ejekel 16:4

Ndɔ kojii’g lé d’inja kúla kumi el ləm, ndogi mán mba kar rɔi àr el ləm, d’usi gə kad el ləma, ɓirii gə kubu el ləm tɔ.

Ejekel 16:45

I to ŋgon mee kɔḭ gə́ njekɔs ŋgabeeje gə ŋganeeje rəw, i to ŋgoko̰ ŋgakɔḭje gə́ dené gə́ d’ɔs ŋgaw deeje gə ŋgan deeje rəw tɔ. Kɔḭje to ginkoji lə Het ləm, bɔbije to dəw gə́ Amɔr ləm tɔ.

Ejekel 21:30

Ŋga i njekaa dɔ dəb ɓeeko̰ gə́ Israɛl gə́ to njekila ndɔl dɔ loo’g gə njemeeyèr lé kàree gə́ wɔji dɔi teḛ mba̰ kar rudu néra kori-kori ləi un ɗiao ŋga!

Matiyo 11:24

Ma nja m’ula sí, ndɔ gaŋg-rəwta lé ta gə́ a kwa dɔi a kur dɔ ka̰ Sɔdɔm’g.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Lugu 3:7

Yeḛ ula dəwje gə́ bula digi-digi gə́ ree rəa’g mba karee ra dee batɛm lé pana: Seḭ ŋgan li-meewaije lé see na̰ ɓa wɔji sí loo kaḭ oŋg gə́ a ree lé wa.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

Tel tura Godndu 20:17

Seḭ a tujije koso-dəwje lai pugudu-pugudu, Hetje ləm, gə Amɔrje, gə Kana̰je ləm, gə Peresje ləm, gə Hebje ləma, gə Yebusje ləm tɔ, to gə́ Ala lə sí gə́ Njesigənea̰ un ne ndia ar sí

Tel tura Godndu 7:1

Loo gə́ Ala lə sí gə́ Njesigənea̰ a kar sí a̰dje mee ɓee gə́ seḭ a gə kaw taaje gə́ ne ka̰ sí gə goo tuba gə́ yeḛ a tuba ginkoji dəwje gə raŋg no̰ sí’g lé, deḛ gə́ to Hetje ləm, gə Girgasije ləm, gə Amɔrje ləm, gə́ Kana̰je ləm, gə Peresje ləm, gə Hebje ləma, gə Yebusje ləm tɔ, ginkojije gə́ siri neelé deḛ bula yaa̰ d’unda sí ləm, siŋga dee to yaa̰ ur dɔ ka̰ sí-seḭ’g ləm tɔ,

Jujé 13:4

un kudee dɔkɔl lé ɓee lə Kana̰je lai ləm, gə Meara gə́ to ka̰ Sido̰je saar teḛ ne Apek, saar teḛ ne rəw-nim-ɓee’g lə Amɔrje ləm tɔ,

Jujé 24:14

Ɓasinè, maji kar sí ɓəlje Njesigənea̰ ləm, raje né areeje gə meekarabasur gə ŋgonkoji ləm tɔ. Arje magəje gə́ ka síje-je ra né d’ar dee kel tura-baa gə́ nu mee ɓee gə́ Ejiptə lé godo mbuna sí’g ndá raje né arje Njesigənea̰ ɓa.

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.