Ejekel 16:23 - Maktub gə́ To gə Kəmee

²³ Gə goo néra meeyèrje ləi lai lé meeko̰, meeko̰ a koso dɔi’g, Mbaidɔmbaije gə́ Njesigənea̰ ɓa pa bèe.

Ejekel 16:23 ပူးပေါင်းရင်းမြစ်များ

Jeremi 13:27

Neḛ n’oo mɔdkaiyaje ləi Gə ndui gə́ ɓar asəna gə ndu no̰ lə kunda bèe ləm, Gə néraije gə́ to kḛji asəna gə néra kaiya-dené Gə́ i ra dɔ looje gə́ ndəw’g gə mee ndɔje’g ləma, N’oo néraije gə́ mina̰ ləm tɔ. Meeko̰ a koso dɔi-i Jerusalem’g See saar ndɔ gə́ ra ɓa i a tila gə́ tila Mba kɔr won rɔi ɓəi wa.

Ejekel 13:18

M’a pana: Mbaidɔmbaije gə́ Njesigənea̰ pa togə́bè pana: Meeko̰ a koso dɔ denéje gə́ njékɔs gajije kar dəwje lai nim dɔ kuru ji dee’gje ləm, gə dɔ njékṵji kubu gə́ wɔilɔje kar njé gə́ ŋgal əsé njé gə́ gwɔji d’ila dɔ dee’g mba karee to gum kwa dəwje lé ləm tɔ! See seḭ ə̰jije meḛ sí’g pajena: A kwaje koso-dəwje lə neḛ ŋga lal kwa sí-seḭ wa.

Ejekel 13:3

Mbaidɔmbaije gə́ Njesigənea̰ pa togə́bè pana: Meeko̰ a koso dɔ njéteggintaje gə́ to mbəje, deḛ gə́ ndolè goo ta gə́ to meḛ dee-deḛ’g ɓó d’oo ne né kára kara el!

Ejekel 16:22

Dan néraije gə́ to kḛji lai lé ləm, gə kaiya raije ləm tɔ lé i ar məəi olé dɔ ndəaje gə́ i nai ne ŋgon loo gə́ i to ne gə kudi dum ar rɔi to ne kari péd-péd ləm, loo gə́ i aw rogo dan məsi’g ləm tɔ lé el.

Ejekel 16:24

I unda kəije gə́ ka̰ ra kaiya keneŋ ləm, i ra looje gə́ ndəw gə looje lai ləm tɔ,

Ejekel 2:10

Yeḛ tudu maktub nee nɔm’g ndá ta no̰je, gə ta kim rɔje, gə ta no̰ sii mbigi-mbigije ɓa ndaŋg mée’g tereŋ ləm, gə giree’g tereŋ ləm tɔ.

Ejekel 24:6

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee-boo gə́ njekilaməs’g! Yee to asəna gə jo-lar gə́ wɔməs gə́ ɔr el lé bèe! Odo kɔr daje gə́ keneŋ lé kára-kára gə goo na̰ goo na̰ Ɓó ɔr kəm dee el.

Soponi 3:1

Meeko̰ a koso dɔ Jerusalem’g, Ɓee-boo gə́ to njékalta gə njera né gə́ mina̰ ləm, Ɓee-boo gə́ njekula kəm dəwje ndòo ləm tɔ!

Matiyo 11:21

Ndɔl a koso dɔi’g, i ɓee gə́ Korajḭ! ndɔl a koso dɔi’g, i ɓee gə́ Besayida. Némɔrije gə́ deḛ ra mbuna sí’g lé ɓó lé deḛ ra mee ɓeeje gə́ Tir gə Sido̰ togə́bè ndá d’a kwa ne ndòo rɔ dee si gə kubu-kwa-ndòo ɓa rɔ dee’g ləw ba ŋga ləm, kəm dee a kwa ne kor kor-kor ləm tɔ.

Loo gə́ killa rea kəm Ja̰’g 12:12

Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.

Loo gə́ killa rea kəm Ja̰’g 8:13

Ma m’aa loo gərərə ndá m’oo gir bag magəra gə́ nar tar lé ɓar kib-kib, yee pata gə ndia gə́ boi wəl pana: Meeko̰, meeko̰, meeko̰ a koso dɔ dəwje gə́ d’isi dɔ naŋg nee gə goo ndu to̰to̰je gə́ raŋg munda gə́ kuraje lə Ala gə́ dara d’a gə kar dee ɓar ɓəi lé.