Ejekel 16:11 - Maktub gə́ To gə Kəmee

¹¹ Neḛ n’ɔm néndamje rɔi’g ləm, n’ɔm niŋga jii’g ləma, n’ila mər-mbai gwɔsi’g ləm tɔ,

Ejekel 16:11 ပူးပေါင်းရင်းမြစ်များ

Gḭ-Néje 24:22

Loo gə́ jambalje d’ai mán mba̰ ndá dəw neelé un ŋgama larlɔr gə́ kwɔi ləa as ŋgan nékwɔji kwɔi-lə-né dɔg ləm, odo nḭgá larlɔrje joo gə́ kwɔi lə dee unda ŋgan nékwɔji kwɔi-lə-né tɔl-tɔl ləm tɔ.

Gḭ-Néje 24:47

Ma m’dəjee m’pana: See yeḛ to ŋgolə nawa. Yeḛ ilam keneŋ pana: Neḛ n’to ŋgolə Betuel gə́ to ŋgolə Naɔr gə Milka. Ma m’ula ŋgama əmee’g ləm, ma m’ula niŋgáje jia’g ləm tɔ.

Gḭ-Néje 24:53

Yen ŋga kura lé teḛ gə néje gə́ ra gə larnda gə larlɔr ləm, gə kubuje ləm tɔ ar Rebeka. Yeḛ ar ŋgokea̰ gə́ diŋgam gə kea̰je nébaoje gə́ lar dee uru kugu tɔ.

Gḭ-Néje 35:4

Deḛ d’odo magəje gə́ dɔ ɓee’g lai gə́ to ji dee’g ləm, gə mbaiŋgiraje gə́ to mbi dee’g ləm tɔ d’ar Jakob. Ndá Jakob iya dee gel kag gə́ ɓaree térébḭtə gə́ to mbɔr Sikem’g dəb.

Gḭ-Néje 41:42

Parao̰ ɔr ŋgama ləa gə́ jia’g ula ji Jisəb’g ləm, yeḛ ula kubu gə́ ra gə kúla palégal rəa’g ləma, ila yeŋgəre larlɔr gwɔsee’g ləm tɔ.

Este 2:17

Mbai lé unda Este dan kəmee’g ur dɔ denéje gə́ raŋg lai ləm, yeḛ taa kəmee rəgm ləma, yeḛ wa səa noji ur dɔ ŋgama̰dje lai gə́ d’aw nea̰’g ləm tɔ. Togə́bè ɓa yeḛ ula ne dɔgugu-mbai dəa’g undá ne gə́ dené ləa tor Basti’g.

Maktub gə́ wɔji dɔ Jɔb 42:11

Yen ŋga ŋgakea̰je gə́ diŋgam gə njé gə́ dené gə baokuraje ləa gə́ kédé lai lé ree rəa’g gə mba kée, tɔɓəi deḛ d’usɔ səa né na̰’d mee kəi’g ləa. Deḛ no̰ səa ləm, deḛ gɔl mée dɔ néje lai gə́ Njesigənea̰ aree teḛ dəa’g ləm tɔ, tɔɓəi nana kara aree ŋgon larnda kára ləm, gə ŋgama larlɔr ləm tɔ.

Teḛ-Raga 32:2

Aaro̰ ula dee pana: Tɔrje mbai ŋgira larlɔrje gə́ to mbi denéje’g lə sí ləm, gə mbi ŋgan síje gə́ diŋgam gə njé gə́ dené’g ləm tɔ lé reeje ne amje.

Teḛ-Raga 35:22

Diŋgamje kara ree to gə́ denéje ree bèe ya, deḛ lai gə́ d’wɔji meḛ dee’g lé d’odo néje gə́ ta ndarje’g ləm, gə mbaiŋgiraje ləm, gə ŋgamaje ləm, gə niŋgáje ləma, gə néje gə́ raŋg ɓəd-ɓəd gə́ ra gə larlɔr ləm tɔ, nana kara ar nékarnoji gə́ to larlɔr gə́ yeḛ ɔr unda gə kəmee ar Njesigənea̰ lé.

Gosota-Kəmkàrje 1:9

Mbata to dɔgugu-noji gə́ ka̰ kula dɔi’g ləm, Gə nékuraje gə́ ka̰ kɔm gwɔsi’g ləm tɔ.

Gosota-Kəmkàrje 25:12

Ta gə́ njekəmkàr pa ne gə dəw gə́ ur mbia oo ta lé To asəna gə mbaiŋgira larlɔr ləm, gə néma̰d gə́ ra gə larlɔr gə́ àr ŋgad-ŋgad bèe ləm tɔ.

Gosota-Kəmkàrje 4:9

Yee a kula dɔgugu-noji dɔi’g ləm, Yee a ɗɔii gə dɔgugu-mbai gə́ maji dum ləm tɔ.

Pa gə́ ur dɔ paje 1:10

Kwojii maji péd-péd mbuna némbije’g ləi ləm, Gwɔbi to ɗḛ́rḛ́g dan mərje’g ləm tɔ.

Pa gə́ ur dɔ paje 4:9

Kɔnanəm, i gə́ ur məəm’g njɔd lé, Rɔlel taa məəm pəl-pəl Loo gə́ i tɔl kəmi mbilao ləm, Kula mər ləi gə́ gwɔbi gə́ i am lé Ar rɔlel taa məəm pəl-pəl ləm tɔ.

Esai 28:5

Mee ndəa’g neelé Njesigənea̰ gə́ njeboo-néje a to gə́ dɔgugu-ronduba Gə néɗɔi-rɔ mbata lə ges koso-dəwje ləa gə́ nai lé ləm,

Esai 3:19

Gə mbaiŋgiraje, gə niŋgaje gə́ ji dee’g, Gə kubuje gə́ ka̰ konkəm dee ləm,

Esai 3:21

Gə ŋgamaje ləm, gə mbaiŋgiraje gə́ əm’g ləm,

Nɔ̰-ndôo gə́ wɔji dɔ Jerusalem 5:16

Dəwje d’oo sí gə́ né kəm dee’g el ləm! Némeeko̰ gə ban ɓa bèe wa! Mbata jeḛ n’raje kaiya ya.

Ejekel 16:17

I odo néɗɔi-rɔje gə́ maji dum ləi gə́ ra gə larlɔr gə larnda gə́ neḛ n’ari lé ndá i ra ne néndajije gə́ tana gə diŋgamje tɔɓəi i ya̰ ne rɔi yag dan kaiya’g sə dee.

Ejekel 23:40

Tɔɓəi deḛ d’ula kula ɓar diŋgamje gə́ dɔ ɓee gə́ əw’g, d’ula njékaḭkulaje rɔ dee’g ndá aa ooje, deḛ d’ḭ d’ḭ kalaŋ ree tɔ. Gə mbata lə dee-deḛ ndá i ndogo mán ləm, i tɔs pɔrɔ kəmi’g ləma, i ɗɔi rɔi gə néma̰dje ləi ləm tɔ.

Ejekel 23:42

Ndu koso-dəwje gə́ bula digi-digi ɓar gə rɔlel, mbuna koso-dəwje’g neelé deḛ d’ar Sabaje d’ḭ dɔdilaloo’g ree, to deḛ gə́ d’ula niŋgaje ji ŋgako̰ na̰je gə́ dené gə́ joo lé ləm, gə dɔgugu gə́ maji dum dɔ dee’g ləm tɔ.

Loo gə́ killa rea kəm Daniel’g 5:16

Ma m’oo ta ləi to gə́ i askəm kɔr gin taje ləm, gə riba dɔ taje gə́ kədərə gə́ to loo-kiya’g ləm tɔ. Ɓasinè ɓó lé i askəm tura ta nee gə́ ndaŋg ləm, gə kɔr ginee ləm tɔ ndá d’a kula kubu gə́ ndul piro-piro rɔi’g ləm, d’a kila yeŋgəre gə́ ra gə larlɔr gwɔbi’g ləma, i a kiŋga loo-sii gə́ njekɔm’g munda loo-ko̰ɓee’g ləm tɔ.

Loo gə́ killa rea kəm Daniel’g 5:29

Léegəneeya Belsasar un ndia ar dee d’ula kubu gə́ ndul piro-piro rɔ Daniel’g ləm, ar dee d’ila yeŋgəre gə́ ra gə larlɔr gwɔbee’g ləma, ar dee d’ila mber ta gə́ wɔji dəa to gə́ loo-siée a to loo-si gə́ njekɔm’g munda loo ko̰ɓee’g lé ləm tɔ.

Loo gə́ killa rea kəm Daniel’g 5:7

Mbai lé ɔr ndia tar gə no̰ wəl mba kar dee d’ar njétən kéréméje ləm, gə Kaldeje ləma, gə njénékooje ləm tɔ lé ree rəa’g. Tɔɓəi mbai lé un ta ula njékəmkàrje gə́ Babilɔn pana: Nana ɓa gə́ a tura ta gə́ ndaŋg ləm, a kɔr gelee kam ləm tɔ ndá d’a kula kubu gə́ ndul piro-piro rəa’g ləm, d’a kila yeŋgəre gə́ ra gə larlɔr gwɔbee’g ləma, yeḛ a kiŋga loo-siée gə́ njekɔm’g munda loo-ko̰ɓee’g ləm tɔ.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ləbije 8:9

Yeḛ ula dɔgugu dəa’g ndá tɔ mbɔr gə́ ra gə larlɔr no̰ dɔgugu’d gə́ to dɔgugu gə́ to gə kəmee lé, to gə́ Njesigənea̰ un ne ndia aree mba karee ra lé tɔ.

Bula lə Israɛlje 31:50

Togə́bè ɓa jeḛ n’reeje gə nékarnoji mba kar Njesigənea̰, nana kara ɔr néje gə́ ra gə larlɔr gə́ jeḛ j’iŋga lé yeŋgəreje, gə niŋgaje, gə ŋgamaje, gə mbaiŋgiraje, gə nékila gwɔb’g to mba kuga ne dɔ kaiya lə sí no̰ Njesigənea̰’g.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Loo gə́ killa rea kəm Ja̰’g 4:10

Ndá ŋgatɔgje gə́ rɔ-joo-gir-dee-sɔ lé d’unda barmba dəb kəm dee naŋg no̰ yeḛ gə́ si kalimbai’g lé gə́ si gə ləbee-ləbee gə nea̰ d’wá ne meḛ dee’g ləm, deḛ tɔr ne dɔgugu lə dee d’ɔm no̰ kalimbai’g lé ləm tɔ pana:

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

Njéga̰g-Rəwtaje 8:24

Gedeo̰ ula dee pana: M’aw gə ta kára mba dəji sí. Maji kar nana kara mbuna sí’g am ŋgama kára-kára gə́ seḭ taaje gə́ nébanrɔ lé. Njéba̰je lə dee lé d’aw gə ŋgamaje gə́ ra gə larlɔr mbata deḛ to Ismaelje tɔ.