Ejekel 16:10 - Maktub gə́ To gə Kəmee

¹⁰ Neḛ n’ari ula kubuje gə́ d’ɔs ndaji ta’g ləm, n’ula négɔl ndar gə́ ndər gɔli’g ləm tɔ, tɔɓəi neḛ n’tɔ ɓəri gə ta-kubu gə́ d’ṵji gə kúla palégal ləm, n’ila kubu gə́ bḭ-maji dɔi’g ləm tɔ.

Ejekel 16:10 ပူးပေါင်းရင်းမြစ်များ

Gḭ-Néje 41:42

Parao̰ ɔr ŋgama ləa gə́ jia’g ula ji Jisəb’g ləm, yeḛ ula kubu gə́ ra gə kúla palégal rəa’g ləma, ila yeŋgəre larlɔr gwɔsee’g ləm tɔ.

Pakɔsje 45:15

Deḛ ree səa no̰ mbai’g Gə kubuje ləa gə́ d’ɔs təa ləm, Ŋgama̰d mareeje gə́ to njédan géeje’g kara D’aw sə dee rɔi’g ləm tɔ.

Teḛ-Raga 25:5

gə ndar bàl badje gə́ ndiri kas ləm, gə ndar da gə́ mán gə́ ria lə dopḭ ləm, gə kag akasia ləm,

Teḛ-Raga 26:14

Né ka̰ dəb dɔ kəi-kubu’g neelé d’a ra gə ndar bàl badje gə́ ndiri kas ləm, d’a ra né dəb dəa’g gə ndar daje gə́ mán gə́ ɓar dee dopḭje mba kila dəa gə́ tar ləm tɔ.

Teḛ-Raga 26:36

D’a ra pal-kubu mba kila ta kəi-kubu-si-Ala’g ndá d’a ra gə kubu gə́ ndul piro-piro gə kas gəḭ gə kas njir-njir ləm, gə kúla palégal gə́ sorè lé ləm tɔ, a to kubu gə́ d’ɔs gə́ kɔs ya béréré-béréré.

Teḛ-Raga 28:5

Kubuje neelé d’a ra gə kubu gə́ d’ṵji gə kúla palégal gə́ sorè ləma, gə kúla gə́ ra gə larlɔr ləm tɔ.

Gosota-Kəmkàrje 31:22

Yeḛ ṵji bel-kubuje gə́ ndər mbata ləa-yeḛ ləm, Kubuje ləa-yeḛ to kubu gə́ ra gə kúla palégal gə́ maji ləm, Gə ndajee ndul piro-piro ləm tɔ.

Esai 3:23

Gə nékoo-kəmje ləm, gə kubu-kaar gə́ ra gə kúla palégal ləm, Gə jɔg-kula-dɔ’g ləma, gə kubu gə́ ka̰ kila dɔ maree’g ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Ejekel 16:13

Togə́bè ɓa deḛ ɗɔi rɔi gə larlɔr gə larnda ləm, d’ula kubu gə́ d’ṵji gə kúla palégal rɔi’g ləm, gə kubu gə́ bḭ-maji ləma, gə kubuje gə́ d’ɔs ndaji ta’g ləm tɔ. Nduji gə́ ndá léréré ləm, gə ubu tə̰ji ləma, gə ubu ləm tɔ ɓa to gə́ nésɔi. Ma̰də ləi ɔr njal askəm kari to ne dené lə mbai ya.

Ejekel 16:18

I odo kubuje ləi gə́ d’ɔs ndaji ta’g lé ndá i tula rɔ dee’g ləm, i un ubu lə neḛ gə né lə neḛ gə́ ə̰də sululu ar dee ləm tɔ.

Ejekel 16:7

Neḛ n’ar bula ləi ḭ dɔ maree’d gə́ kédé-kédé to gə́ muje gə́ mee wala’g bèe. Ndá rɔi oso dɔ maree’d gə́ kédé-kédé ari ra ne tɔg ləm, gə tel maji péd-péd ləm tɔ, i uba mbà ləm, yiŋga dɔi ŋgal pɔ-pɔ ləm tɔ. Nɛ kudi to dum ɓa ləm, rɔi to kari péd-péd ləm tɔ.

Ejekel 26:16

Ŋgan-mbaije lai gə́ njékaa dɔ dəb ɓeeko̰je gə́ d’isi ta baa-boo-kad’g lé d’ḭ dɔ kalimbaije’g lə dee d’ur naŋg. Deḛ tɔr kubuje lə dee gə́ boi yul-yul rɔ dee’g ləm, deḛ tɔr kubuje lə dee gə́ d’ɔs ndaji ta’g ləm tɔ. Deḛ ɓiri rɔ dee gə ɓəl ndá rəm d’isi naŋg. Ɓəl-boo dəb dɔ dee’g gə mee kàrje lai ləm, ɓəl unda dee badə gaŋg dee mbata né gə́ yeḛ aree teḛ dɔi’g ləm tɔ.

Ejekel 27:16

Aramje lé seḭ sə deeje toje njéndogo gə na̰ néje gə mbata boo-néje ləi gə́ bula. Deḛ to njé ree gə jərje gə́ ri dee lə eskarbuklə ləm, gə kubu gə́ ndiri ndul piro-piro ləm, gə kubu gə́ d’ɔs ndaji təa’g ləma, gə kubu gə́ d’ṵji gə kúla palégal ləm, gə kag gə́ gel mán’d gə́ ɓaree korai ləm, gə jər gə́ kas gə́ ɓaree rubis ləm tɔ.

Ejekel 27:7

Kubu gə́ d’ṵji gə kúla palégal Gə́ d’ɔs ndaji keneŋ gə́ d’ḭ ne Ejiptə lé ɓa To kubu lel batoje ləi ləm, Gə nétɔji ɓee ləi ləm tɔ. Kubuje gə́ ndaŋg lə dee to bədələ Gə kubu gə́ ndiri ndul piro-piro Gə́ d’ḭ ne dɔgoré-looje gə́ Elisa lé D’o̰ ne dɔ nékodoje ləi tɔ.

Lugu 15:22

Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Loo gə́ killa rea kəm Ja̰’g 18:12

Larlɔr ləm, gə larnda ləm, gə mərkwɔjije gə́ tila kas gə́ dum ndogo ləma, gə mərmbaije ləm tɔ, kubu gə́ d’ṵji gə kúla palégal ləm, gə kubu gə́ ndul piro-piro ləm, gə kubu gə́ bḭ-maji ləm, gə kubu gə́ kas njir-njir ləm, gə kagje gə́ gə ria-ria gə́ ə̰də sululu ləm, gə néje gə́ gə ria-ria gə́ deḛ tɔl gə ŋgaŋ kərje ləm, gə néje gə́ gə ria-ria gə́ deḛ tɔl gə́ kagje gə́ gad dee to yaa̰ ləm, gə néje gə́ deḛ léḛ gə́ larkas gə larndul ləma, gə tɔl gə kɔri mbal gə́ tila kas ləm tɔ,

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.