Ejekel 15:8 - Maktub gə́ To gə Kəmee

⁸ N’a kar ɓee tel to dɔdilaloo mbata deḛ d’uba ndukun lə neḛ d’ya̰, Mbaidɔmbaije gə́ Njesigənea̰ ɓa pa bèe.

Ejekel 15:8 ပူးပေါင်းရင်းမြစ်များ

Teḛ-Raga 21:8

Ɓó lé ɓéeje un ndia gə mba təa gə́ dené ləa nɛ gée gə́ gogo yeḛ taa kəmee el ndá yeḛ a kya̰ loo kar njé’g ləa d’uga dəa, nɛ ndogo ɓa yeḛ a kaskəm kar dəw gə́ raŋg ndogee səa el mbata kuba gə́ yeḛ nja uba ndukun ləa ya̰ lé.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Ejekel 16:1

Njesigənea̰ ulam ta gə rɔtaje nee pana:

Ejekel 17:20

N’a kila ba̰də kaḭ ne dəa ndá yeḛ a koso gum’g lə neḛ. N’a kwá kaw səa Babilɔn ndá lé neelé ɓa n’a gaŋgta kuba goo ndukun ləa kya̰ lé dəa’g.

Ejekel 33:29

Yee ɓa d’a gər ne to gə́ neḛ n’to Njesigənea̰ loo gə́ n’a kar ɓee tel to dɔ nduba ləm, gə dɔdilaloo ləm tɔ gə mbata néje lai gə́ mina̰ gə́ deḛ ra lé.

Ejekel 39:26

Yen ŋga meḛ dee a kwəi dɔ rɔkul-boo’g lə dee ləm, gə dɔ kaltaje lai gə́ deḛ d’al ta neḛ’g loo gə́ deḛ d’isi gə́ majee mee ɓee’g lə dee ar dəw kára kara jɔg dee keneŋ el lé ləm tɔ.

Ejekel 6:14

N’a kula ji neḛ ndiŋ gə́ dɔ dee’g ndá n’a kar ɓee to kari ba péd-péd ləm, a tel to dɔ nduba unda dɔdilaloo gə́ Dibla ləm tɔ. Looje gə́ rara gə́ deḛ d’isi keneŋ lé a to bèe ya. Yee ɓa d’a gər ne to gə́ neḛ n’to Njesigənea̰ ya.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.