Ejekel 15:7 - Maktub gə́ To gə Kəmee

⁷ N’a tel gir neḛ kila k’ar dee, deḛ d’unda loo dan pər’d teḛ nɛ pər a roo dee dula-dula. Bèe ɓa seḭ a gərje ne to gə́ neḛ n’to Njesigənea̰ loo gə́ n’a tel gir neḛ kila k’ar dee lé.

Ejekel 15:7 ပူးပေါင်းရင်းမြစ်များ

1 Mbaije 19:17

Bèe ɓa gə mba kar deḛ gə́ d’a teḛ ta kiambas’g lə Ajael lé Jehu a tɔl dee ya, tɔɓəi deḛ gə́ teḛ ta kiambas’g lə Jehu ndá Elije ɓa a tɔl dee tɔ.

Pakɔsje 34:16

Kəm Njesigənea̰ lé to dɔ njémeekarabasurje’g ya, Mbia kara to tag gə mba koo ne ndu no̰ lə dee tɔ.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Esai 24:18

Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Jeremi 21:10

Mbata neḛ n’orè kəm neḛ sḭ dɔ ɓee-boo’g neelé mba ra səa majel ɓó maji ɓa el, Njesigənea̰ ɓa pa bèe. Ɓee-boo neelé a koso meḛ ji mbai gə́ Babilɔn’g karee rée dula-dula.

Ejekel 11:10

Seḭ a kwəije yoo-kiambas ləm, n’a gaŋgta dɔ sí’g rəw-nim-ɓee gə́ Israɛl ləm tɔ ndá seḭ a gərje to gə́ neḛ n’to Njesigənea̰ ya.

Ejekel 14:8

N’a tel kəm neḛ gə́ dɔ dəw’g neelé ndá n’a karee to nétɔji ləm, gə nékunda-kogo ləma, n’a karee udu bo̰ mbuna koso-dəwje’g lə neḛ ləm tɔ. Yen ɓa seḭ a gərje ne to gə́ neḛ n’to Njesigənea̰ ya.

Ejekel 15:6

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ kag-nduú gə́ to mbuna kagje’d gə́ mee kag-kɔr’g ɓa neḛ n’ilá pər’d n’aree roo dula-dula lé, togə́bè ɓa n’a ra gə njé gə́ Jerusalem bèe ya tɔ.

Ejekel 19:12

Nɛ nduú neelé deḛ tɔree gə boo-oŋg d’ɔm naŋg, Lel gə́ ḭ bər ula keneŋ ar ka̰dee tudu kurum-kurum, Barkəmeeje gə́ siŋ na̰’d siŋ-siŋ təd ləm, Tudu kurum-kurum ləma, Pər roo dee dula-dula ləm tɔ.

Ejekel 20:38

N’a kɔr njékɔsta-rəwje gə deḛ gə́ d’ila ŋgonkoji el mbuna sí’g kunda dee ɓəd, n’a kɔr dee mee ɓee gə́ deḛ to gə́ mbáje keneŋ lé ya nɛ d’a kaw mee ɓee gə́ Israɛl el. Bèe ɓa seḭ a gərje ne to gə́ neḛ n’to Njesigənea̰.

Ejekel 20:42

Seḭ a gərje to gə́ neḛ n’to Njesigənea̰ loo gə́ n’a mbo̰ sí mee ɓee’g lə Israɛlje, mee ɓee gə́ neḛ manrɔ neḛ mba kar bɔ síje-je lé.

Ejekel 20:44

Yen ɓa seḭ a gərje ne to gə́ neḛ n’to Njesigənea̰ loo gə́ n’a ra sə sí né gə mba ri neḛ ɓó gə goo panjaa sí gə́ majel əsé néraje lə sí gə́ mina̰ lé el, əi gel-bɔje lə Israɛl. Mbaidɔmbaije gə́ Njesigənea̰ ɓa pa bèe.

Ejekel 33:29

Yee ɓa d’a gər ne to gə́ neḛ n’to Njesigənea̰ loo gə́ n’a kar ɓee tel to dɔ nduba ləm, gə dɔdilaloo ləm tɔ gə mbata néje lai gə́ mina̰ gə́ deḛ ra lé.

Ejekel 5:8

ndá yee gə́ bèe ɓa Mbaidɔmbaije gə́ Njesigənea̰ pa ne ta togə́bè pana: Aa ooje, neḛ n’aw sə sí gə ta tɔɓəi n’a gə gaŋgta dɔ sí’g kəm ginkoji dəwje gə raŋg’g.

Ejekel 6:7

N’a kar yoo-dəwje to naŋg rib-rib dan sí’g ndá seḭ a gərje to gə́ neḛ n’to Njesigənea̰ ya.

Ejekel 7:4

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí el ləm tɔ. Nɛ n’a kar ta gə́ wɔji dɔ rəw-kaw sí wa dɔ sí ləm, néra sí gə́ mina̰ lé a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰ ya.

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.