Ejekel 15:3 - Maktub gə́ To gə Kəmee

³ See dəw a tuga kagee ra ne kula wa. See dəw a tuga kagee tɔl təa kula kag-ndɔ naa̰ né keneŋ wa.

Ejekel 15:3 ပူးပေါင်းရင်းမြစ်များ

Jeremi 24:8

M’a kar Sedesias, mbai gə́ Juda ləm, gə ŋgan-mbaije ləa ləm, gə ges dəwje gə́ Jerusalem ləm, gə njé gə́ nai mee ɓee’g nee ləma, gə njé gə́ d’isi mee ɓee gə́ Ejiptə ləm tɔ lé tel to d’asəna gə kandə kodéje gə́ majel gə́ kəm sɔ el mbata majel lə dee lé bèe. Njesigənea̰ ɓa pa bèe.

Ejekel 15:2

Ma ŋgon-dəw lé nduú lé see kagee maji unda kagje gə́ raŋg wa. See barkəmeeje maji d’unda kagje gə́ mee kag-kɔr’g lé wa.

Ejekel 15:4

Aa oo, pər ɓa d’ilá keneŋ mba karee rée dula-dula, pər taa gelee’g ləm, gə dɔ telee’g ləm tɔ ar ŋgawdanee o̰ pər, see a maji kəm ra ne né ya ɓəi wa.

Matiyo 5:13

Seḭ toje kad gə́ dɔ naŋg nee. Nɛ ɓó lé kad gə́ rii lé tel rii el ndá see ɗi ɓa d’a ra ne karee tel rii gogo ɓəi wa. Yee neelé maji sané kɔ kar dəwje njaa dɔ’g ɓó kəm ra ne né el ŋga.

Mark 9:50

Kad lé to né gə́ maji ya, nɛ ɓó lé kad gə́ rii tel rii el ndá see ɗi ɓa seḭ a raje ne mba karee rii gogo ɓəi wa. Maji kar darɔ sí-seḭ nja to gə́ kad ɓó gə́ ɔmje ne meḛ sí na̰’d sad.

Njéga̰g-Rəwtaje 4:21

Jaɛl, dené lə Heber un kag gə́ tɔl dəa gə́ ka̰ ɓər kəi-kubu ləm, gə un mo̰ jia’g ləm tɔ, aw ne jan-jan bèe ndá yeḛ unda kag gə́ tɔl dəa lé kwɔji-kəm Sisera’g unda aree mbudu naŋg. Sisera lé ɓi tɔlee pərəg mbata yeḛ dao yaa̰, ndá Jaəl gə́ dené lə Heber lé un kag gə́ tɔl dəa gə́ ka̰ ɓər kəi-kubu ləm, gə mo̰ jia’g ləm tɔ, aw ne jan-jan bèe ndá yeḛ unda kag gə́ tɔl dəa neelé kwɔji-kəm Sisera’g unda ne aree mbudu andə naŋg mag-mag, bèe ɓa yeḛ wəi ne ya.