Ejekel 14:9 - Maktub gə́ To gə Kəmee

⁹ Ɓó lé njetegginta ya̰ loo ar dee su kəmee ɓa un ta pa ndá to neḛ Njesigənea̰ ya ɓa n’su kəm njetegginta neelé, n’a kula ji neḛ ndiŋ gə́ dəa’g ndá n’a tujee ne mbuna koso-dəwje’g lə neḛ gə́ Israɛl.

Ejekel 14:9 ပူးပေါင်းရင်းမြစ်များ

2 Sôrta Gḭka Israɛlje 18:22

Nɛ ɓasinè aa oo, Njesigənea̰ ula ndil gə́ njetaŋgɔm lé ta njéteggintaje lai gə́ d’aar lée’g neelé. Bèe ɓa Njesigənea̰ pa ne ta né gə́ majel gə́ a teḛ dɔi’g lé tɔ.

Maktub gə́ wɔji dɔ Jɔb 12:16

Siŋgamoŋ gə kunda kəmkàr dɔ rɔ’g to kea̰, Yeḛ gə́ ndəm rəw əsé ar mareeje ndəm rəw kara yeḛ dum dɔ dee joo bɔr.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 63:16

Lée togə́bè kara i ɓa to bɔ síje Mbata Abrakam gər sí el ləm, Israɛl kara gər sí el ləm tɔ. I Njesigənea̰ ɓa to bɔ síje Un kudee ləw-ləw ba lé Rii lə njekoga dɔ sí.

Esai 66:4

Ma kara m’a kɔr kəm né gə́ a tuji dee ləm, M’a kar néje gə́ a kar dee ɓəl lé Teḛ dɔ dee’g ləm tɔ, Mbata ma m’ɓar-ɓar Nɛ dəw kára kara ilam’g el ləm, Ma m’pata Nɛ d’oo ta ləm el ləm tɔ, Nɛ deḛ ra néje gə́ to majel kəm’g ləm, Deḛ d’ɔr kəm né gə́ taa kəm el ɓa ra ləm tɔ.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 14:15

Gelee gə́ nee ɓa Njesigənea̰ pata nee wɔji ne dɔ njéteggintaje gə́ tegginta gə ria lal karee ula dee ləm, deḛ gə́ pa pana: Dəw a koo kiambas əsé ɓoo-boo mee ɓee’g neelé el ləm tɔ lé pana: Njéteggintaje neelé d’a kwəi yoo-kiambas ləm, gə yoo ɓoo-boo ləm tɔ.

Jeremi 4:10

Ma m’pana: Ǝi Mbaidɔmbaije gə́ Njesigənea̰! Kédé i su kəm koso-dəwje nee Gə ɓee gə́ Jerusalem ya pana: D’a si dan meelɔm’g. Nɛ d’isi ta yoo-kiambas’g.

Jeremi 6:14

Deḛ tɔ ta doo lə koso-dəwje ləm Gə goo rəbee el Ndá pana: Meelɔm! Meelɔm! Nɛ meelɔm godo,

Jeremi 6:15

D’a si gə rɔkul Mbata deḛ ra né gə́ mina̰, Rɔkul ra dee el ləm, sɔḭ wa kəm dee el ləm tɔ, Gelee gə́ nee ɓa d’a koso na̰’d Gə deḛ gə́ d’oso lé ləm, M’a tɔs dee tila dee Loo gə́ m’a kar bo̰ néra dee ɔs ta dee’g ləm tɔ, Njesigənea̰ ɓa pa bèe.

Ejekel 13:9

N’a rɔ gə njéteggintaje gə ji neḛ, deḛ gə́ némḭdije lə dee to néje gə́ gə mḭdé-mḭdé ba ləm, ginta tegje lə dee to taŋgɔmje ləm tɔ, d’a godo loo-mbo̰-dɔ-na̰’g lə koso-dəwje lə neḛ ləm, d’a ndaŋg ri dee mee maktub’g lə gel-bɔje lə Israɛl el ləma, d’a kandə mee ɓee gə́ Israɛl el ləm tɔ. Yee ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Ejekel 14:10

Togə́bè ɓa néra gə́ kori-kori lə dee lé d’a kuba pəree, ta gə́ a kwa dɔ njetegginta lé a kaw na̰’d béréré gə ka̰ yeḛ gə́ njedəjee ta lé to

Ejekel 14:5

Yee gə́ bèe ɓa gel-bɔje lə Israɛl gə́ d’uba neḛ d’ya̰ neḛ d’aw goo magə-poleje’g lə deḛ lai lé meḛ dee ɓa a kwa dee gə ta.

Ejekel 16:27

Bèe ɓa aa oo, neḛ n’ula ji neḛ ndiŋ gə́ dɔi’g ndá né gə́ neḛ n’wɔji ne dɔi lé n’ɔr təa tɔɓəi neḛ n’ubai n’ya̰’i ji njéba̰je’g ləi gə́ to ŋgalə Pilistije gə́ dené gə́ d’isi gə rɔkul mbata lə panjaai gə́ to rɔkul lé mba kar dee ra səi né gə́ meḛ dee ndigi.

Ejekel 20:25

Neḛ n’ar dee godnduje gə́ to maji sur el ləm, gə ndukunje gə́ d’askəm si ne kəmba el ləm tɔ.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Jakari 13:3

Ɓó lé dəw tegginta ya ɓəi ndá bɔbeeje gə kea̰je gə́ d’ojee lé d’a kulá pana: I a si kəmba el mbata i pa taŋgɔm gə ri Njesigənea̰. Bèe ɓa bɔbeeje gə kea̰je gə́ d’ojee lé d’a kundá tɔlee loo gə́ yeḛ aar gə mba tegginta lé.