Ejekel 14:3 - Maktub gə́ To gə Kəmee

³ Ma ŋgon-dəw lé dəwje neelé d’wa magəje lə dee meḛ dee’g ləm, d’orè kəm dee sḭ dɔ né gə́ ar dee d’oso dan néra gə́ kori-kori’g lé ləm tɔ. See n’a kya̰ loo kar dee dəji neḛ ta wa.

Ejekel 14:3 ပူးပေါင်းရင်းမြစ်များ

2 Mbaije 3:13

Elije dəji mbai gə́ Israɛl pana: See ta ɗi ɓa to mbuna síjeḛ səi’g wa. Aw rɔ njéteggintaje’g lə bɔbije gə njéteggintaje’g lə kɔinje. Mbai gə́ Israɛl ilá keneŋ pana: Wah! Bèe el mbata Njesigənea̰ ɓar mbaije gə́ munda neelé na̰’d mba kɔm dee ji Moabje’g.

Pakɔsje 101:3

M’a kar némajel kára kara to nɔm’g el, Néra njékaiyaje lé to kḛji kəm’g, Néra deeje lé m’a tibi mbɔree el.

Pakɔsje 66:18

Ɓó lé m’lɔm dɔ néra gə́ kori-kori məəm’g ndá Mbaidɔmbaije a kam né gə́ m’dəjee lé el.

Gosota-Kəmkàrje 15:29

Njesigənea̰ unda rəa ɓad rɔ njémeeyèrje’g, Nɛ yeḛ oo tamaji lə njémeekarabasurje.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Jeremi 21:2

Maji kari dəji Njesigənea̰ ta mbata lə sí mbata Nebukadnesar, mbai gə́ Babilɔn rɔ sə sí. Banelə Njesigənea̰ a ra némɔri ləa kára mba kɔsee ne rəw dɔ sí’g.

Ejekel 11:21

Nɛ deḛ gə́ meḛ dee lel dee dɔ magəje’g lə dee ləm, gə dɔ néra deeje gə́ mina̰’g ləm tɔ lé n’a kar ta néra deeje neelé tel oso dɔ dee’g, Mbaidɔmbaije gə́ Njesigənea̰ ɓa pa bèe.

Ejekel 14:2

Ndá Njesigənea̰ ulam ta gə rɔtaje nee pana:

Ejekel 14:4

Gelee gə́ nee ɓa, maji kam m’pata m’ar dee m’ula dee ne m’pana: Mbaidɔmbaije gə́ Njesigənea̰ pa togə́bè pana: Dəw gə́ rara gə́ ginkoji’g lə Israɛl gə́ wa magə-poleje ləa mée’g ləm, gə orè kəmee sḭ dɔ né gə́ aree oso ne dan néra gə́ kori-kori’g ləa ləm tɔ lé ɓó lé yeḛ ree rɔ njetegginta’g dəjee ta ndá lé magəje ləa bula digi-digi ya kara neḛ Njesigənea̰ nja n’a kilá keneŋ ya.

Ejekel 14:7

Mbata dəw gə́ rara gə́ mbuna gel-bɔje’g lə Israɛl əsé mbuna dəw-dɔ-ɓeeje gə́ d’isi Israɛl gə́ uba neḛ ya̰ neḛ aw wa magəje ləa mée’g ləm, gə orè kəmee sḭ dɔ né gə́ aree oso ne dan néra gə́ kori-kori’g ləm tɔ lé, ɓó lé yeḛ ree rɔ njetegginta’g ulá gə mba karee dəji neḛ ta ndá neḛ Njesigənea̰ nja n’a kilá keneŋ ya.

Ejekel 20:16

ndá n’ra togə́bè mbata deḛ d’uba ndukunje lə neḛ d’ya̰ ləm, d’un goo godnduje lə neḛ el ləma, mbata deḛ d’ila ndɔl dɔ ndɔ-kwa-rɔje’g lə neḛ ləm tɔ mbata meḛ dee ɔr dɔ magəje’g lə dee el.

Ejekel 20:3

Ma ŋgon-dəw lé maji kam m’ula ŋgatɔgje lə Israɛlje m’pana: Njesigənea̰ pa togə́bè pana: See gə mba dəji neḛ ta ɓa seḭ reeje ne nee wa. Mbaidɔmbaije gə́ Njesigənea̰ ɓa pa bèe.

Ejekel 20:31

Loo gə́ seḭ unje nékarje lə sí ləm, seḭ rooje ŋgan síje ləm tɔ lé ndá seḭ arje rɔ sí mina̰ gə magə-poleje lə sí lai ɓogənè ya ɓəi. Ŋga neḛ lé see n’a kya̰ loo kar gel-bɔje lə Israɛl dəji neḛ ta wa. Neḛ n’to njesikəmba! Mbaidɔmbaije gə́ Njesigənea̰ ɓa pa njaŋg pana: N’a kya̰ loo kar sí dəjije neḛ ta nda̰ el.

Ejekel 3:20

Ɓó lé njera né gə́ gə dɔ najee ya̰ goo nérea gə́ gə dɔ najee ra né gə́ majel ndá n’a kiya gum nea̰’g karee wəi ne, mbata m’ndəjee el ndá yeḛ a kwəi dan kaiya’g ləa tɔɓəi dəw a pata gə́ wɔji dɔ néra gə́ gə dɔ najee gə́ yeḛ ra lé el ŋga ndá n’a dəjim goo məsee.

Ejekel 33:30

I ŋgon-dəw lé ŋgalə koso-dəwje ləi d’wɔji na̰ ta kaar ndògo-bɔrɔ’g gə tarəwkəije’g d’wɔji ne dɔi, deḛ d’ula na̰ ta gə́ yo gə́ nee ar nana kara ula ŋgokea̰ pana: Gə́ reeje ooje ta gə́ to ta gə́ ḭ rɔ Njesigənea̰’g.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ejekel 44:12

Mbata deḛ ra kula d’ar dee no̰ magəje’g lə dee ləm, d’ar gel-bɔje lə Israɛl d’oso ne dan kaiya’g ləm tɔ, gelee gə́ nee ɓa neḛ manrɔ neḛ n’un ne ji neḛ gə́ tar dɔ dee’g, Mbaidɔmbaije gə́ Njesigənea̰ pana: Ta néra kori-kori lə dee lé d’a kuba pəree ya.

Ejekel 6:9

Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Ejekel 7:19

D’a sané larndaje lə dee mba̰-rəwje’g ləm, Larlɔr lə dee a tel to né gə́ to kḛji kəm dee’g ləm tɔ. Larnda gə larlɔrje lə dee d’a kaskəm kaji dee Ndɔ boo-oŋg’d lə Njesigənea̰ lé el, D’a kaskəm kiŋga né karee as dee nag el ləm, D’a kas sɔ né kar meḛ dee ndan tub-tub el ləm tɔ, Mbata yee nee ɓa to né gə́ ar dee d’oso ne dan néraje gə́ kori-kori’g lə dee.

Ojee 4:5

Seḭ a kosoje dan kàrá ya ləm, Njetegginta a koso sə sí na̰’d loondul’g ya ləma, M’a tuji ko̰ síje pugudu ya ləm tɔ.

Soponi 1:3

N’a tuji dəwje gə daje ləm, Gə yelje gə ka̰jije gə́ dan baa-boo-kad’g ləma, Gə nérɔkulje gə njémeeyèrje sə dee na̰’d ləm tɔ. N’a kar dəwje gə́ d’isi dɔ naŋg nee d’udu guduru ya, Njesigənea̰ ɓa pa bèe.

Jakari 7:13

Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

Lugu 20:8

Togə́bè Jeju tel ila dee keneŋ pana: Ma kara m’a kula sí ri yeḛ gə́ njekun ndia karm m’ra ne néje neelé el tɔ.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.

Loo gə́ killa rea kəm Ja̰’g 2:14

Nɛ né kára gə́ to gə goo rəbee el lé ma m’ndaŋgi dɔ’g, njé gə́ na̰je gə́ ɓee ləi gə́ d’wa gin Balaam lé taa ta ləa gə́ yeḛ sula ne Balak, aree ila ne Israɛlje kag ar dee d’usɔ nékulje gə́ deḛ d’inja dee gə́ məs d’ar magəje ləm, ar dee ndal mɔdkaiya ləm tɔ.

1 Samel 28:6

Sawul dəji Njesigənea̰ ta ndá Njesigənea̰ ilá ta’g gə ni el ləm, gə néje lə njekinjanéməs gə́ ɓaree urim el ləma, gə ndu njéteggintaje el ləm tɔ.