Ejekel 13:5 - Maktub gə́ To gə Kəmee

⁵ Seḭ aarje mba gɔl kəm ndògo-bɔrɔje gə́ ta̰ lé el ləm, seḭ raje ndògo-bɔrɔ guguje ne dɔ gel-bɔje lə Israɛl mba kaar ne njaŋg loo-rɔ’g mee ndɔ’g lə Njesigənea̰ el ləm tɔ.

Ejekel 13:5 ပူးပေါင်းရင်းမြစ်များ

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Pakɔsje 106:23

Yeḛ pata gə́ wɔji dɔ tuji dee kar dee d’udu ne ya, Nɛ Moyis gə́ to dəw ləa gə́ yeḛ ɔree undá gə kəmee lé Yeḛ aar tar njaŋg nea̰’g Mba karee rəm gə boo-oŋg ləa lé Ɓó gə karee tuji dee ne el.

Pakɔsje 76:7

Loo gə́ i Ala lə Jakob lé tɔji dee jii ndá Njérɔ gə kundaje gə kundaje lə dee na̰’d deḛ toɓi ndələŋ.

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 13:9

Aa ooje, ndɔ lə Njesigənea̰ si ree, To ndɔ néurti, gə ndɔ oŋg, Gə ndɔ meekḭ jugugu To ndɔ gə́ a kar naŋg nee tel to nduba piu-piu ləm, A tuji njékaiyaje lai pugudu-pugudu ləm tɔ.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 27:4

Ma lé oŋg godo məəm’g, Nɛ ɓó lé m’iŋga loo mba rɔ gə kunje gə kun pɔrɔrɔje ndá M’a kaw rɔ sə dee roo deḛ lai dula-dula.

Esai 34:8

Mbata to ndɔ dal ba̰ lə Njesigənea̰ ləm, Gə ləb kuga dɔ ji dee Mbata né gə́ deḛ ra gə Sio̰ ləm tɔ.

Esai 58:12

Njé’g ləi d’a kunda kəi Dɔ gineje gə́ ləw gə́ tuji’g ləm, I a gɔl gineje gə́ ləw karee ḭtar gogo ləm tɔ. D’a ɓari njegɔl kəm ndògo-bɔrɔje gə́ ta̰ ləm, Gə yeḛ gə́ njegɔl rəwje ləma, Gə yeḛ gə́ gɔl ɓee ar dəwje D’isi keneŋ ləm tɔ.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 23:22

Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Jeremi 27:18

Ɓó lé deḛ to njéteggintaje ləm, ta lə Njesigənea̰ nai meḛ dee’g ləm tɔ ndá maji kar dee ra ndòo rɔ Njesigənea̰ gə́ njeboo-néje gə mba kar nékulaje gə́ nai mee kəi’g lə Njesigənea̰ ləm, gə mee kəi’g lə mbai gə́ Juda ləma, gə mee ɓee-boo gə́ Jerusalem ləm tɔ lé d’a kaw ne Babilɔn el.

Ejekel 13:4

Ǝi Israɛlje, njéteggintaje lə sí lé to d’asəna gə tàlje gə́ d’isi dɔ nduba’g bèe.

Ejekel 22:30

Neḛ n’saŋg dəw kára mbuna dee’g gə́ gɔl ndògo-bɔrɔ ləm, gə aar loo-ta̰’g no̰ neḛ’g mbata maji lə ɓee ləm tɔ gə mba kar neḛ n’tujee el, nɛ n’iŋga dəw kára kara el.

Ejekel 30:3

Mbata ndɔ lé aw gə́ nee dəb, ndɔ lə Njesigənea̰ aw gə́ nee dəb ya, to ndɔ gə́ loo dəb rigim, a to kàree lə ginkoji dəwje gə raŋg ya.

Ejekel 7:19

D’a sané larndaje lə dee mba̰-rəwje’g ləm, Larlɔr lə dee a tel to né gə́ to kḛji kəm dee’g ləm tɔ. Larnda gə larlɔrje lə dee d’a kaskəm kaji dee Ndɔ boo-oŋg’d lə Njesigənea̰ lé el, D’a kaskəm kiŋga né karee as dee nag el ləm, D’a kas sɔ né kar meḛ dee ndan tub-tub el ləm tɔ, Mbata yee nee ɓa to né gə́ ar dee d’oso ne dan néraje gə́ kori-kori’g lə dee.

Joɛl 1:15

Ai, ndɔ nee a to ndɔ gə́ ban wa! Mbata ndɔ lə Njesigənea̰ nai dəb ba. Yee a ree asəna gə nétuji gə́ ḭ rɔ Bao-siŋgamoŋ’d.

Joɛl 2:1

Imje to̰to̰ mee ɓee gə́ Sio̰’g! Arje ndia ɓar ɔr loo lɔi-lɔi Dɔ mbal’g ləm gə́ to gə kəmee! Maji kar dəw-mee-ɓeeje lai d’unda bala tigi-tigi! Mbata ndɔ lə Njesigənea̰ si ree, Yee nai dəb ba ŋga.

Malasi 1:9

Ɓasinè lé maji kar sí raje tamaji ta Ala’g lé mba karee oo kəm sí lootondoo’g ya! To seḭ ya ɓa né gə́ togə́bè lé ḭ rɔ sí’g. See yeḛ a kwa sí gə́ rəa’g gə meendakaḭ wa. Njesigənea̰ gə́ njeboo-néje lé ɓa dəji sí togə́bè.

1 Njé gə́ Tesalonikə 5:2

Mbata seḭ lé seḭ gərje gao, ndɔ lə Mbaidɔmbaije lé a kuba sí naŋg bus asəna gə njeɓogo gə́ ree loondul’g bèe.

2 Piɛrə 3:10

Ndɔ lə Mbaidɔmbaije lé a teḛ asəna gə njeɓogo, ndəa lé néje gə́ pən dara’g d’a kaw dɔ na̰’g wur-wur ləm, néje gə́ keneŋ d’a ndiri bura ya njigi-njigi kar pər o̰ deḛ lai ləma, naŋg nee gə kula reaje lai gə́ to keneŋ lé kara d’a roo dula-dula ləm tɔ.

Loo gə́ killa rea kəm Ja̰’g 16:14

Deḛ gə́ ndilje gə́ yèr, deḛ ra nékɔbje d’aw rɔ mbaije gə́ dɔ naŋg nee’g lai mbo̰ dee mba kɔm dee loo-rɔ’g ndɔ boo-oŋg lə Ala yeḛ gə́ njedum dɔ néje lai lé.

Loo gə́ killa rea kəm Ja̰’g 6:17

Mbata boo-oŋg lé kàree teḛ mba̰ ndá see na̰ ɓa askəm kaar dɔ gɔlee’g njaŋg wa.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.