Ejekel 13:2 - Maktub gə́ To gə Kəmee

² Ma ŋgon-dəw lé maji kam m’tegginta m’wɔji ne dɔ njéteggintaje lə Israɛl gə́ d’aw tegginta lé ləm, m’ula dee-deḛ gə́ d’aw tegginta gə́ ḭ meḛ dee-deḛ’g ya ləm tɔ lé m’pana: Maji kar sí ooje ta lə Njesigənea̰!

Ejekel 13:2 ပူးပေါင်းရင်းမြစ်များ

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Esai 1:10

Seḭ mbaije gə́ néra sí Wa bwà ka̰ njé gə́ Sɔdɔm lé Ooje ta lə Njesigənea̰! Seḭ koso-dəwje gə́ néra sí Wa bwà ka̰ njé gə́ Gɔmɔr lé Urje mbi sí dɔ godndu Ala’g lə sí!

Esai 28:14

Seḭ njékula sul dɔ loo’gje Seḭ gə́ o̰je dɔ koso-dəwje gə́ Jerusalem lé Ooje ta lə Njesigənea̰:

Esai 9:15

Deḛ gə́ d’ɔr no̰ koso-dəwje neelé D’ar dee ndəm ləm, Deḛ gə́ d’ya̰ loo d’ar dee d’ɔr no̰ dee lé Deḛ ndəm ne rəw ləm tɔ.

Jeremi 23:2

Gelee gə́ nee ɓa Njesigənea̰, Ala lə Israɛlje pa ne ta togə́bè dɔ njékul koso-dəwje gə́ d’ul dəwje lə neḛ pana: Seḭ saneje badje ləm kad-kad ləm, seḭ tuba deeje ləma, seḭ ooje goo dee el ləm tɔ. Aa ooje, m’a kar bo̰ néra majelje lə sí ɔs ta sí’g. Njesigənea̰ ɓa pa bèe.

Jeremi 27:14

Njéteggintaje gə́ d’ula sí pana: Mbai gə́ Babilɔn a kwa sí ɓər el lé maji kar sí ooje ta lə dee el. Mbata ginta gə́ deḛ teg d’ar sí lé to taŋgɔm.

Jeremi 27:18

Ɓó lé deḛ to njéteggintaje ləm, ta lə Njesigənea̰ nai meḛ dee’g ləm tɔ ndá maji kar dee ra ndòo rɔ Njesigənea̰ gə́ njeboo-néje gə mba kar nékulaje gə́ nai mee kəi’g lə Njesigənea̰ ləm, gə mee kəi’g lə mbai gə́ Juda ləma, gə mee ɓee-boo gə́ Jerusalem ləm tɔ lé d’a kaw ne Babilɔn el.

Jeremi 37:19

See njéteggintaje lə sí gə́ tegginta pana: Mbai gə́ Babilɔn a ree rɔ sə sí-seḭ əsé ɓee nee el lé d’əd ra ɓəi wa.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Nɔ̰-ndôo gə́ wɔji dɔ Jerusalem 4:13

Gelee wɔji ne dɔ kaiya ra njéteggintaje ləa ləm, Gə néra kori-kori lə njékinjanéməsje ləa Gə́ d’ila məs njémeekarabasurje naŋg Kari ba lé ləm tɔ.

Ejekel 13:1

Njesigənea̰ ulam ta gə rɔtaje nee pana:

Ejekel 13:17

Ma ŋgon-dəw lé maji kam m’turu kəm par gə́ dɔ ŋganje gə́ dené’g lə koso-dəwje ləm gə́ d’aw tegginta gə́ ḭ meḛ dee-deḛ’g ya lé ndá m’tegginta m’wɔji ne dɔ dee.

Ejekel 13:3

Mbaidɔmbaije gə́ Njesigənea̰ pa togə́bè pana: Meeko̰ a koso dɔ njéteggintaje gə́ to mbəje, deḛ gə́ ndolè goo ta gə́ to meḛ dee-deḛ’g ɓó d’oo ne né kára kara el!

Ejekel 16:35

Gelee gə́ nee ɓa i Jerusalem gə́ to asəna gə kaiya-dené lé maji kari oo ta lə Njesigənea̰.

Ejekel 22:25

Njéteggintaje lə dee d’ula njuma̰ meḛ na̰’d dan mee ɓee-boo’g neelé. To gə́ toboḭ gə́ inja ne miḭ hər-hər gaŋg ne nékwa ləa lé deḛ kara tɔl dəwje ləm, taa nébaoje gə néje gə́ maji dum gə́ ka̰ dee-deḛ ləma, d’ar bula lə njékəisiŋgaje ḭ dɔ maree’d gə́ kédé-kédé dan mee ɓee-boo’g neelé ləm tɔ.

Ejekel 22:28

Njéteggintaje lə dee rḛdə pɔrɔ gə́ majel keneŋ bèe gə némḭdije lə dee gə́ gə mḭdé-mḭdé ləm, gə boo-taŋgɔmje lə dee ləm tɔ. Deḛ pana: Mbaidɔmbaije gə́ Njesigənea̰ ɓa pa togə́bè! Nɛ Njesigənea̰ ula dee ta kára el.

Ejekel 34:7

Gelee gə́ nee ɓa seḭ njékul dəwje lé, maji kar sí ooje ta lə Njesigənea̰!

Ejekel 34:9

gelee gə́ nee ɓa seḭ njékul dəwje lé maji kar sí ooje ta lə Njesigənea̰!

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Misee 3:6

Gelee gə́ nee ɓa seḭ a síje ne dan loondul’g Ɓó a kooje némḭdije el! Seḭ a síje dan loondul gə́ ndul njudu-njudu’g Ɓó a kooje ndərtaje gə́ wɔji dɔ Njesigənea̰ el! Lookàr a tel to loondul dɔ njéteggintaje’g neelé Asəna gə kàr gə́ ur naŋg bèe.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.