Ejekel 13:14 - Maktub gə́ To gə Kəmee

¹⁴ N’a tɔ ndògo-bɔrɔ gə́ seḭ rḛdje bɔrɔ gə́ majel keneŋ ləm, n’a karee unda naŋg rab-rab ləma, gineje gə́ tum kara a to raga ndəgəsə-ndəgəsə ləm tɔ, yee a təd dana guyum ndá seḭ kara a tujije keneŋ pugudu-pugudu tɔ. Yen ɓa seḭ a gərje ne to gə́ neḛ n’to Njesigənea̰ ya.

Ejekel 13:14 ပူးပေါင်းရင်းမြစ်များ

Pakɔsje 11:3

Loo gə́ gin néje lai yə ɓugu-ɓugu ndá See ɗi ɓa njemeekarabasur lé a ra wa.

Njekillamber 3:3

ndɔ tɔl dəwje to keneŋ ləm, ndɔ kaji dəwje to keneŋ ləm tɔ, ndɔ tɔ kəi to keneŋ ləm, ndɔ tel kunda kəi gogo to keneŋ ləm tɔ.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 30:13

Néra kori-kori neelé a kwɔji dɔ sí Asəna gə ndògo-bɔrɔ gə́ ŋgal gə́ ta̰ kédé ɓa aree təd ɓəi Aree teḛ gə́ raga təd kalaŋ gə́ léegəneeya:

Jeremi 14:15

Gelee gə́ nee ɓa Njesigənea̰ pata nee wɔji ne dɔ njéteggintaje gə́ tegginta gə ria lal karee ula dee ləm, deḛ gə́ pa pana: Dəw a koo kiambas əsé ɓoo-boo mee ɓee’g neelé el ləm tɔ lé pana: Njéteggintaje neelé d’a kwəi yoo-kiambas ləm, gə yoo ɓoo-boo ləm tɔ.

Jeremi 23:15

Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 6:15

D’a si gə rɔkul Mbata deḛ ra né gə́ mina̰, Rɔkul ra dee el ləm, sɔḭ wa kəm dee el ləm tɔ, Gelee gə́ nee ɓa d’a koso na̰’d Gə deḛ gə́ d’oso lé ləm, M’a tɔs dee tila dee Loo gə́ m’a kar bo̰ néra dee ɔs ta dee’g ləm tɔ, Njesigənea̰ ɓa pa bèe.

Jeremi 8:12

D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Ejekel 13:15

Togə́bè ɓa n’a kar boo-oŋg lə neḛ aw lée’g béréré dɔ ndògo-bɔrɔ’g ləm, gə dɔ njérḛd bɔrɔ gə́ majel kenḛgje ləm tɔ, ndá n’a kula sí pana: Ndògo-bɔrɔ lé godo ŋga! Deḛ gə́ njérḛd bɔrɔ gə́ majel kenḛgje

Ejekel 13:21

Kubu-kila-doje’g lə sí gə́ wɔilɔ lé n’a til ŋgərərə-ŋgərərə ndá n’a taa koso-dəwje lə neḛ ji sí’g kɔm dee tar. D’a tel to gə́ nékwa lə sí gogo el ŋga, bèe ɓa seḭ a gərje ne to gə́ neḛ n’to Njesigənea̰ ya.

Ejekel 13:23

Seḭ a kooje némḭdije gə́ gə mḭdé-mḭdé lé el ŋga ləm, seḭ a paje ta néje gə́ to gə ndəree ɓəi lé el ŋga ləm tɔ, n’a taa koso-dəwje lə neḛ ji sí’g kɔm dee tar. Bèe ɓa seḭ a gərje ne to gə́ neḛ n’to Njesigənea̰ ya.

Ejekel 13:9

N’a rɔ gə njéteggintaje gə ji neḛ, deḛ gə́ némḭdije lə dee to néje gə́ gə mḭdé-mḭdé ba ləm, ginta tegje lə dee to taŋgɔmje ləm tɔ, d’a godo loo-mbo̰-dɔ-na̰’g lə koso-dəwje lə neḛ ləm, d’a ndaŋg ri dee mee maktub’g lə gel-bɔje lə Israɛl el ləma, d’a kandə mee ɓee gə́ Israɛl el ləm tɔ. Yee ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Ejekel 14:8

N’a tel kəm neḛ gə́ dɔ dəw’g neelé ndá n’a karee to nétɔji ləm, gə nékunda-kogo ləma, n’a karee udu bo̰ mbuna koso-dəwje’g lə neḛ ləm tɔ. Yen ɓa seḭ a gərje ne to gə́ neḛ n’to Njesigənea̰ ya.

Misee 1:6

M’a kar Samari tel to kɔr mbalje Gə́ d’wa kugu loo-ndɔ’g bèe ləm, M’a karee tel to gə́ loo-ma̰a-nduú ləm tɔ, M’a jura kɔr mbalje ləa kəm wəl-loo’g ləm, M’a kar gelee gə́ tum lé to raga ndəgəsə ləm tɔ.

Habakuk 3:13

I unda loo teḛ mba kɔr koso-dəwje ləi kɔm dee tar ləm, Gə mba kaji yeḛ gə́ I wa dəa gə ubu ləm tɔ. I tɔr mburṵ dɔ kəije lə njemeeyèr ləm, I tuji gel kəi saar teḛ ne dɔ kəi’g tar ləm tɔ.

Lugu 6:49

Nɛ yeḛ gə́ oo tapam ɓa ra née el ndá yeḛ to asəna kára ba gə dəw gə́ unda kəi ləa dɔ naŋg’d lal kuru bwa ɓa tum ne ginee. Loo gə́ mán bélm aw ula unda kaar kəi pəji-pəji ndá léegəneeya kəi lé təd kuyum oso naŋg tɔ ndá tuji gə́ oso dɔ kəi’g neelé to tuji gə́ boo ya.