Ejekel 12:6 - Maktub gə́ To gə Kəmee

⁶ M’a kun né kila dɔ bagm’g kəm dee’g ya teḛ ne raga gə loo gə́ to piro-piro ndá m’a ko̰kəm gə né ɓó m’a koo naŋg el, mbata neḛ ndigi kam m’to nétɔji mbata gel-bɔje lə Israɛl.

Ejekel 12:6 ပူးပေါင်းရင်းမြစ်များ

2 Samel 15:30

Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

2 Mbaije 7:5

Deḛ d’ḭ gə loo gə́ to piro-piro d’aw loo-si njérɔje gə́ Siri, nɛ loo gə́ deḛ teḛ loo-si njérɔje gə́ Siri mba̰ ndá aa oo, dəw kára kara godo keneŋ.

Maktub gə́ wɔji dɔ Jɔb 24:17

Loo gə́ àr teḛ gə ndɔ to gə́ loo gə́ ndul njudu-njudu mbata lə dee, Mbata deḛ gər néɓəlje gə́ ka̰ yoo lé gao ya.

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Ejekel 12:13

13 N’a kila ba̰də gugu ne dəa sub ndá yeḛ a koso gum’g lə neḛ. N’a kaw səa Babilɔn mee ɓee’g lə Kaldeje nɛ yeḛ a koo ɓee neelé gə kəmee el ndá yeḛ a kwəi keneŋ.

Ejekel 12:5

M’a kɔs kəm ndògo-bɔrɔ kəm dee’g ya mbudu teḛ ne gə néje ləm gə́ raga.

Ejekel 24:24

Ejekiel a to gə́ nétɔji mbata lə sí. Seḭ a raje né kaareeje asəna gə kea̰ béréré. Loo gə́ néje nee a teḛ ndá seḭ a gərje to gə́ neḛ n’to Mbaidɔmbaije gə́ Njesigənea̰ ya.

Ejekel 4:3

Maji kam m’un əb-larndul m’ur tar asəna gə ndògo-lar gə́ d’ila bèe mbuna ma’g gə ɓee-boo lé, m’a tel kəm njoroŋ ndá d’a kaḭ dəa sub gə rɔ ləm, ma kara m’a kaḭ dəa sub gə rɔ ləm tɔ. Maji kar né neelé to nétɔji mbata gel-bɔje lə Israɛl.

Jakari 3:8

Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

1 Samel 28:8

Yen ŋga Sawul tel rəa ɓəd ula kubuje gə́ raŋg rəa’g ndá aw gə dəwje joo. Deḛ ree loondul’g kəi lə dené lé. Sawul ulá pana: Maji kari ɓar ndil dəw gə́ wəi aree pata né gə́ a gə ree am ndá maji kari ɓar dəw gə́ m’a gə kulai ria nee.