Ejekel 12:23 - Maktub gə́ To gə Kəmee

²³ Gelee gə́ nee ɓa maji kam m’ula dee m’pana: Mbaidɔmbaije gə́ Njesigənea̰ pa togə́bè pana: N’a kar gel gosotaje lə dee neelé gaŋg ŋgəji, d’a pa taree mee ɓee gə́ Israɛl gogo el ŋga. Nɛ maji kam m’ula dee m’pana: Ndɔje d’isi d’aw gə́ nee dəb ndá némḭdije lai d’a kaw lée’g béréré.

Ejekel 12:23 ပူးပေါင်းရင်းမြစ်များ

Pakɔsje 37:13

Mbaidɔmbaije kogo njemeeyèr lé Mbata yeḛ oo to gə́ ndɔ ləa si ree dəb ŋga.

Esai 28:22

Ɓasinè maji kar sí ya̰je rɔ sí dan nékula sul dɔ’g el nà banelə kúla gə́ d’wa sí ne lé a ŋgəŋ ŋgəŋ-ŋgəŋ. Mbata ta tuji ɓeeje lai lé to njaŋg mba̰, ma m’oo taree rɔ Mbaidɔmbaije gə́ Njesigənea̰ gə́ njeboo-néje’g.

Ejekel 12:25

Mbata neḛ Njesigənea̰ n’a pata ndá ta gə́ neḛ m’pa lé a kaw lée’g béréré ɓó kuree a kəw el. Tɔgərɔ ya mee ndɔje lə sí-seḭ gel-bɔje gə́ toje njékɔsta-rəwje lé n’a pata ndá n’a karee aw lée’g béréré ya, Mbaidɔmbaije gə́ Njesigənea̰ ɓa pa bèe.

Ejekel 16:44

Aa ooje, deḛ gə́ njépa gosotaje lé d’a pa gosota nee kwɔji ne dɔi pana: Néra ko̰ ŋgon to bèe lé ndá néra ŋgonee gə́ dené kara to togə́bè ya tɔ.

Ejekel 18:3

Neḛ n’to njesikəmba! Mbaidɔmbaije gə́ Njesigənea̰ pa njaŋg pana: Seḭ a kooje loo pa gosota nee mee ɓee gə́ Israɛl el ŋga.

Ejekel 7:2

I ŋgon-dəw lé ta gə́ Mbaidɔmbaije gə́ Njesigənea̰ pa wɔji ne dɔ dəwje gə́ Israɛl lé ɓa nee: Aa ooje, rudee un ɗiao ŋga! Rudee si ree dɔ kum naŋg gə́ sɔ’g lé ŋga!

Joɛl 2:1

Imje to̰to̰ mee ɓee gə́ Sio̰’g! Arje ndia ɓar ɔr loo lɔi-lɔi Dɔ mbal’g ləm gə́ to gə kəmee! Maji kar dəw-mee-ɓeeje lai d’unda bala tigi-tigi! Mbata ndɔ lə Njesigənea̰ si ree, Yee nai dəb ba ŋga.

Soponi 1:14

Ndɔ gə́ boo lə Mbaidɔmbaije to dəb, To dəb ya, a teḛ kalaŋ ba ya, Ndu gə́ wɔji dɔ ndɔ lə Njesigənea̰ lé ɓar Ndá bao-rɔje kara no̰ wəl gə kəm ɓəl.

Matiyo 24:34

Ma m’ula sí təsərə, ŋgaka síje d’a nai naŋg nee gə kəm dee ya ɓəi ɓa né neelé a teḛ dɔ dəwje’g ya.