Ejekel 11:22 - Maktub gə́ To gə Kəmee

²² Nékundaje gə́ dara naji bag dee ar gɔl pusuje d’aw sə dee na̰’d ndá rɔnduba lə Ala lə Israɛlje aar dɔ dee’g tar.

Ejekel 11:22 ပူးပေါင်းရင်းမြစ်များ

Ejekel 1:28

Né gə́ ndogó ɔr jol-jol gə́ gugu dəa sub lé kunda rɔ ləa to asəna gə ŋgaoburandi gə́ teḛ dan kil-lə-ndi ndɔ kər’g lə ndi bèe, yee ɓa to né gə́ ndaji rɔnduba lə Njesigənea̰. Loo gə́ m’oo né neelé ndá m’oso m’dəb kəm naŋg ləm, m’oo ndu dəw gə́ pa ne ta ləm tɔ.

Ejekel 10:19

Nékundaje gə́ dara lé naji bag dee ndá d’uba naŋg kəm’g ya d’ḭ d’aw gə gɔl pusuje na̰’d. Deḛ d’aar naŋg takəi’g lə Njesigənea̰ gə́ to par gə́ bər lé ndá nérɔnduba lə Ala lə Israɛlje aar dɔ dee’g tar.

Ejekel 10:4

Rɔnduba lə Njesigənea̰ ḭ dɔ Nékundaje gə́ dara’g aw par gə́ tarəwkəi’g par gə́ naŋg. Mum taa mee kəi lé pəl-pəl ar rɔnduba lə Njesigənea̰ ndogó ɔr loo jol-jol mee gadloo’g lé.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Ejekel 9:3

Néronduba lə Ala lə Israɛlje ḭ dɔ Nékunda gə́ dara’g loo-kaaree gə́ kédé lé aw par gə́ tarəwkəi’g par gə́ naŋg, tɔɓəi yeḛ ɓar dəw gə́ ula kubu gə́ d’ṵji gə kúla palégal rəa’g lé ləm, gə ula néndaŋ-maktub ndar’d gə́ tɔ ne ɓəree lé ləm tɔ.