Ejekel 10:22 - Maktub gə́ To gə Kəmee

²² Loo gə́ kəm dee’g to tana gə deḛ gə́ m’oo dee mbɔr baa gə́ Kebar’g lé ya, rɔ kunda lə dee to togə́bè ya pai-pai ndá to deḛ ya. Nana kara njaa njoroŋ gə́ nea̰’g nea̰’g tɔ.

Ejekel 10:22 ပူးပေါင်းရင်းမြစ်များ

Ejekel 1:1

Mee ləb gə́ njekɔm’g rɔ-munda lé gə ndɔ mi lə naḭ gə́ njekɔm’g sɔ lé ndá, loo gə́ m’isi mbuna ɓərje’g mbɔr baa’d gə́ ria lə Kebar lé ndá, kəm dara teḛ am m’oo némḭdije gə́ d’ḭ rɔ Ala’g lé.

Ejekel 1:10

Deḛ lai lé loo gə́ kəm dee’g to tana gə kəm dəw bèe ləm, deḛ sɔ lai lé loo gə́ kəm dee gə́ dɔkɔl to tana gə kəm toboḭ bèe ləm, deḛ sɔ lai lé loo gə́ kəm dee gə́ dɔgel to tana gə kəm bɔ maŋg bèe ləma, deḛ sɔ lai lé loo gə́ kəm dee gə́ kára to tana gə kəm niŋgatə̰də bèe ləm tɔ.

Ejekel 1:12

Nana kara njaa dana njoroŋ gə́ nea̰’g-nea̰’g, deḛ d’aw loo gə́ ndil ɓa ɔs dee gə́ keneŋ ndá loo gə́ d’aw njaa lé deḛ turu rɔ dee el.

Ejekel 1:9

Bag dee wa na̰ rib-rib, loo gə́ d’aw njaa lé, deḛ turu rɔ dee el, nɛ nana kara njaa njoroŋ gə́ nea̰’g ya.

Ejekel 10:11

Loo gə́ d’aw tar lé ndá d’askəm kaḭ kəm deḛ gə́ kédé gə dəb dee gə́ sɔ lé lai ya, lal turu rɔ dee ya, nɛ deḛ d’aḭ loo gə́ dɔ dee to njoroŋ gə́ keneŋ ɓó turu rɔ dee loo gə́ deḛ d’aw d’aḭ tar lé el.

Ejekel 10:21

Deḛ kára-kára lai lé kəm dee sɔ-sɔ ləm, bag dee sɔ-sɔ ləma, né gə́ to asəna gə ji dəw bèe to gel bag dee’g bag dee’g ləm tɔ.

Ejekel 11:1

Ndil lé unm aw səm tarəwkəi’g lə Njesigənea̰ gə́ to bər gə́ tel təa par gə́ bər. Ndá aa oo, dəwje rɔ-joo-gir-dee-mi d’isi tarəw gə́ loo-kandə-kəi’g, tɔɓəi ma m’oo Jaasania, ŋgolə Ajur gə Pelatia, ŋgolə Benaja deḛ gə́ to mbaije lə koso-dəwje lé mbuna dee’g lé.

Ejekel 43:3

Némḭdi neelé to asəna gə yee gə́ m’oo loo gə́ Ala ree gə mba tuji ɓee-boo lé, tɔɓəi némḭdije neelé to d’asəna gə njé gə́ m’oo ta baa gə́ Kebar’g tɔ. Bèe ɓa m’oso rəb m’dəb kəm naŋg.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.