Ejekel 10:18 - Maktub gə́ To gə Kəmee

¹⁸ Néronduba lə Njesigənea̰ ḭ tarəwkəi’g par gə́ naŋg aw aar dɔ Nékundaje gə́ dara’g lé.

Ejekel 10:18 ပူးပေါင်းရင်းမြစ်များ

Gḭ-Néje 3:24

Togə́bè ɓa yeḛ tuba ne Adam bèe tɔɓəi yeḛ unda Nékundaje gə́ dara par gə́ bər lə loo-ndɔ gə́ Edḛ’g lé. Nékundaje gə́ dara neelé d’wa kiambas gə́ taa pər bilim-bilim ji dee’g ndá, deḛ biri tar widi-widi mba ŋgəm ne rəw gə́ wɔji dɔ kag-kəmə lé.

2 Mbaije 2:11

Loo gə́ d’aw njaa na̰’d d’wɔji ne na̰ ta bèe-bèe ndá aa ooje, kundaje gə́ rɔ dee ndɔḭ wər-wər to gə́ pər bèe ndɔr pusu gə́ ndɔḭ wər-wər to gə́ pər bèe gaŋg ne mbuna dee dana. Ndá lel-mal un Eli səḛ aw səa dara.

Pakɔsje 18:10

Yeḛ rəm gə dara yèm risi uru ne naŋg Ar mum daa na̰ gə ndəree gin gɔlee’g.

Pakɔsje 18:11

Yeḛ uba Nékunda gə́ dara si dəa’g nar ne tar, Tɔɓəi yeḛ nar dɔ bag lel’g ləm tɔ.

Pakɔsje 99:1

Njesigənea̰ lé o̰ ɓee, Dəwje ndəb ne pəd-pəd, Yeḛ si dɔ kalimbai gə́ to dɔ Nékundaje gə́ dara’g lé tar ndoi Ar naŋg yə ne ɓugu-ɓugu.

Jeremi 6:8

Dəwje gə́ Jerusalem, Taaje tandooje ləm Nà m’a kɔr rɔm rɔ sí’g, Kar ɓee lə sí tel to dɔdilaloo ləm, Gə ɓee gə́ dəw si keneŋ el ləm tɔ!

Ejekel 28:14

Kédé i to Nékunda gə́ dara gə́ njekaḭ bada gə́ naji bagi, neḛ n’undai ndá n’ari to dɔ mbal’g lə Ala gə́ to gə kəmee, i njaa mbuna kɔr mbalje gə́ taa pər gəgəgə’g.

Ejekel 41:16

Kəi gə́ to gə kəmee doi par gə́ mée’g ləm, gə loo-Kandə-tarəwje gə́ raga ləm, gə mbuna looje ləm, gə kəmbolèje gə́ d’ila ba̰də lar keneŋ ləma, gə loo njaaje gə́ gugu gir kəije gə́ rɔd dɔ na̰ loo munda gə́ to no̰ mbuna looje’g ləm tɔ lé d’o̰ gir deḛ lai gə kag. Un kudee naŋg saar teḛ kəmbolèje gə́ d’udu’g lé

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Ejekel 8:6

Ndá yeḛ ulam pana: Ma ŋgon-dəw lé see m’oo né gə́ deḛ ra gə́ to boo-néje gə́ mina̰ gə́ gel-bɔje lə Israɛl d’isi ra loo gə́ nee’g gə mba kar neḛ n’ya̰ ne loo lə neḛ gə́ to gə kəmee neelé wa. Nɛ m’a koo boo-néraje gə́ mina̰ gə́ raŋg ya tɔɓəi.

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

Njéga̰g-Rəwtaje 19:27

Teḛ gə ndɔ ndá ŋgabeeje ḭta ɔr tarəwkəi teḛ raga mba kun rəw ləa kaw. Nɛ aa oo, gamla-dené ləa lé to naŋg tereŋ tarəwkəi’g ar jiaje to tarəwkəi’g.