Ejekel 10:10 - Maktub gə́ To gə Kəmee

¹⁰ Kunda rɔ lə gɔl pusuje gə́ sɔ lai lé asəna béréré. Gɔl pusu kára-kára lé to to gə́ né gə́ uba mee maree’g maree’g bèe.

Ejekel 10:10 ပူးပေါင်းရင်းမြစ်များ

1 Mbaije 7:30

Pusu kára ndá ra gɔleeje gə larkas as loo sɔ ləm, gə ŋgawlar ga̰dèje ləm tɔ, tɔɓəi dɔkum looje gə́ sɔ lé négəd bai-togo-rɔje gə́ léḛ lé to keneŋ gel bai-togo-rɔ gə́ boi’g no̰ néndajije gə́ pḛdé gə́ kédé lé tɔ.

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 36:6

Njesigənea̰, meemaji ləi lé taa mee dara pəl-pəl ləm, Meenda londoŋ ləi to yaa̰ aw njal teḛ loo-kil’g lə ndi ləm tɔ.

Pakɔsje 97:2

Kil lə ndi gə loo gə́ ndul njudu-njudu lé D’aḭ dəa sub ləm, Meekarabasur gə néra gə́ gə dɔ najee lé ɓa To gə́ gin kalimbai ləa ləm tɔ.

Ejekel 1:1

Mee ləb gə́ njekɔm’g rɔ-munda lé gə ndɔ mi lə naḭ gə́ njekɔm’g sɔ lé ndá, loo gə́ m’isi mbuna ɓərje’g mbɔr baa’d gə́ ria lə Kebar lé ndá, kəm dara teḛ am m’oo némḭdije gə́ d’ḭ rɔ Ala’g lé.

Ejekel 1:16

Gɔl pusuje neelé ndɔḭ lə dee to to gə́ ka̰ jər gə́ ɓaree krijɔlitə bèe ləm, deḛ sɔ lai lé to d’asəna ləma, loo kunda rɔ dee gə kuburu rɔ dee lé to asəna gə gɔl pusu gə́ tula mee na̰’d ləm tɔ.

Ejekel 10:11

Loo gə́ d’aw tar lé ndá d’askəm kaḭ kəm deḛ gə́ kédé gə dəb dee gə́ sɔ lé lai ya, lal turu rɔ dee ya, nɛ deḛ d’aḭ loo gə́ dɔ dee to njoroŋ gə́ keneŋ ɓó turu rɔ dee loo gə́ deḛ d’aw d’aḭ tar lé el.

Ejekel 10:9

Ma m’aa loo gərərə ndá aa oo, gɔl pusuje sɔ to mbɔr Nékundaje gə́ dara’g lé: Nékunda gə́ dara gə́ rara kara gɔl pusu to mbɔree’g-mbɔree’g ya, gɔl pusuje neelé to asəna gə jər gə́ ɓaree krijolitə bèe.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.