Ejekel 1:7 - Maktub gə́ To gə Kəmee

⁷ Gɔl dee aar dana ɗigi-ɗigi ləm, dabla gɔl dee to asəna gə ka̰ ŋgon maŋg bèe ləma, deḛ ndɔḭ to gə́ larkas gə́ d’usu d’aree ndɔḭ wər-wər bèe ləm tɔ.

Ejekel 1:7 ပူးပေါင်းရင်းမြစ်များ

Pakɔsje 104:4

Yeḛ tel lelje lé gə́ njékaḭkulaje ləa ləm, Yeḛ tel ndo̰ pərje lé gə́ kuraje ləa ləm tɔ.

Ejekel 1:13

Kunda rɔ lə nékundaje neelé to asəna gə kɔr pər gə́ taa gəgəgə bèe ləm, to asəna gə pərŋgelje bèe ləm tɔ ndá pər neelé aw mbuna nékundaje’d gə́ yo gə́ nee, ndogó ləa tèl wərə-wərə tɔ.

Ejekel 40:3

Yeḛ ɔr nɔm aw səm lée’g neelé ndá aa oo, dəw gə́ rɔkunda ləa to asəna gə larkas bèe aar keneŋ, kúla palégal gə kag-kwɔji-né to jia’g tɔɓəi yeḛ aar tarəwkəi’g.

Loo gə́ killa rea kəm Daniel’g 10:6

Darea to asəna gə jər gə́ ɓaree krijolitə ləm, ŋgo nea̰ gə kwɔji kəmee ndɔḭ asəna gə ndi gə́ tel ləm, kəmee to asəna gə pərŋgelje ləm, kag jiaje gə gɔleeje to d’asəna gə larkas gə́ d’usu d’aree ndɔḭ ləma, ndia gə́ ɓar lé to asəna gə ndu koso-dəwje gə́ ɓar bèe ləm tɔ.

Ləbije 11:3

Da gə́ rara gə́ mèr gɔlee tɔ ja̰ ləm, ŋgo gɔlee tɔ ja̰ ləma, gə yèl mu ləm tɔ ɓa seḭ a sɔje.

Ləbije 11:47

mba kar sí ɔrje ne kəm njé gə́ mina̰ gə njé gə́ d’àr ɓəd ləm, əsé da gə́ kəm sɔ gə da gə́ kəm sɔ el kara ɓəd ləm tɔ.

Loo gə́ killa rea kəm Ja̰’g 1:15

Gɔlee to asəna gə larkas gə́ léḛ sələlə-sələlə mee ku-bɔrɔ’g bèe ləm, ndia ɓar asəna gə mán-béləm gə́ ula ujuju-ujuju ləm tɔ.