Ejekel 1:27 - Maktub gə́ To gə Kəmee

²⁷ Tɔɓəi ma m’oo né gə́ to asəna gə larkas gə́ d’usu d’aree ndɔḭ wər-wər to gə́ pər bèe ndá dəw neelé si danee’g aree ndogó gugu dəa sub, un kudee loo gə́ to asəna gə rḛgee bèe par gə́ tar ləm, gə loo gə́ to asəna gə rḛgee bèe par gə́ naŋg lé ma m’oo né gə́ to asəna gə pər bèe ləm, gə né gə́ ndogó ɔr jol-jol ləm tɔ gugu dəa sub.

Ejekel 1:27 ပူးပေါင်းရင်းမြစ်များ

1 Sôrta Gḭka-Israɛlje 16:27

Boo-ronduba gə ro̰doolé keḭ-keḭ to kea̰ ləm, Siŋgamoŋ gə rɔlel taa loo-siée pəl-pəl ləm tɔ.

Pakɔsje 50:3

Ala lə sí lé si ree Ɓó yeḛ si dɔ mundu el, Loo gə́ nea̰’g lé pər o̰ kənənə-kənənə ləm, Loo gə́ gugu dəa sub lé kara lel-boo ula mbḭ-mbḭ ləm tɔ.

Pakɔsje 97:2

Kil lə ndi gə loo gə́ ndul njudu-njudu lé D’aḭ dəa sub ləm, Meekarabasur gə néra gə́ gə dɔ najee lé ɓa To gə́ gin kalimbai ləa ləm tɔ.

Teḛ-Raga 24:17

Kəm Israɛlje’g lé rɔnduba lə Njesigənea̰ to asəna gə pər gə́ o̰ bilim-bilim bèe sém mbal gə́ tar.

Ejekel 1:4

Ma m’aa loo gərərə ndá aa oo, lel ḭ gigigi ləm, gə kil-lə-ndi gə́ ḭ udu loo pḛ-pḛ ləma, gə pər gə́ tɔ na̰ ar ndogó ləa ɔr loo jol-jol ləm tɔ lé ḭ par gə́ dɔgel ree. Ŋgaw danee ndɔḭ to gə́ larkas gə́ d’usu d’aree ndɔḭ wər-wər gə́ ḭ dan pər’d bèe.

Ejekel 8:2

Ma m’aa loo gərərə ndá aa oo, né teḛ asəna gə dəw bèe, un kudee rḛgee’g saar teḛ naŋg lé to asəna gə pər ləm, un kudee rḛgee’g saar teḛ tar to asəna gə né gə́ ndɔḭ wər-wər to gə́ larkas gə́ d’usu d’aree ndɔḭ bèe ləm tɔ.

Habakuk 3:4

To asəna gə lookàr gə́ ndogó wərərə bèe, Kṵjee kara ḭ meḛ jia’g, Lée neelé ɓa siŋgamoŋ ləa ḭ keneŋ.

Tel tura Godndu 4:24

Mbata Ala lə sí gə́ Njesigənea̰ lé to pər gə́ roo loo ləm, to Ala gə́ kəmee əḭ mba njé’g ləa ləm tɔ.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Ǝbrəje 12:29

mbata Ala lə sí lé to pər gə́ roo loo ya.