Ejekel 1:26 - Maktub gə́ To gə Kəmee

²⁶ Dɔ dara gə́ tar gə́ ɔn dɔ dee lé né kára to keneŋ tana gə mbal gə́ ɓaree sapir gə́ ndajee gə́ kalimbai, tɔɓəi dɔ né gə́ ndajee gə́ kalimbai lé né teḛ keneŋ asəna gə dəw gə́ d’unda dɔ’g tar ndoi bèe.

Ejekel 1:26 ပူးပေါင်းရင်းမြစ်များ

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

Pakɔsje 45:6

Ndo̰ ɓandaŋgje ləi adə njal-njal, Koso-dəwje d’a toso naŋg gɔli’g ləm, Ndo̰ ɓandaŋgje ləi lé d’a tɔs ɓəŋgərə njéba̰je lə mbai ləm tɔ.

Teḛ-Raga 24:10

Deḛ d’oo Ala lə Israɛlje, loo gə́ gel gɔlee’g to asəna gə né gə́ ra gə jər sapir gə́ ndogó jol-jol bèe ləm, asəna gə dara gə́ tḭja péd-péd bèe ləm tɔ.

Esai 54:11

I ɓee-boo gə́ Jerusalem gə́ némeeko̰ rai Ar lel-boo ɓirii nɛ dəw kára kara gə́ njegɔli godo lé! Aa oo, m’a ra néra ma̰dje ləi gə kɔr mbalje ləi ləm, M’a tum geli gə jər sapir ləm tɔ.

Esai 6:1

Mee ləb kwəi’g lə mbai Ojias lé, ma m’oo Mbaidɔmbaije gə́ si dɔ kalimbai gə́ to tar sab, ar ta kubu ləa gə́ ŋgal yududu taa loo mee kəi-Ala’g pəl-pəl.

Ejekel 1:22

Loo gə́ dɔ nékundaje’g neelé né gə́ to asəna gə dara gə́ ndɔḭ mbənənə-mbənənə to keneŋ asəna gə jər gə́ ria lə kristal bèe ndá un loo dɔ dee’g tar lad-lad.

Ejekel 1:5

Loo gə́ dana bab lé nékundaje sɔ gə́ d’aw kəmba gə́ to tana gə dəwje teḛ keneŋ.

Ejekel 10:1

Ma m’aa loo gərərə ndá aa oo, pən-loo gə́ tar gə́ to dɔ Nékundaje gə́ dara’g lé né gə́ to asəna gə mbal gə́ ɓaree sapir bèe to keneŋ. Tɔɓəi né gə́ to asəna gə kalimbai bèe to dɔ dee’g tar.

Ejekel 43:6

Ma m’oo ndu dəw gə́ ɓar mee kəi’g pa səm ta ndá dəw kára aar mbɔrm’g tɔ.

Ejekel 43:7

Yeḛ ulam pana: Ma ŋgon-dəw lé loo gə́ neelé to loo kunda kalimbai lə neḛ keneŋ ləm, lée neelé n’a kila dabla gɔl neḛ keneŋ ləm tɔ, n’a si keneŋ mbuna Israɛlje’g saar-saar gə no̰. Gel-bɔje lə Israɛl gə mbaije lə dee d’a kula sul dɔ ri neḛ gə́ to gə kəmee gə néra dee gə́ mina̰ gə nin mbaije lə dee gə́ dubu dee dɔ looje gə́ ndəw’g el ŋga.

Ejekel 8:2

Ma m’aa loo gərərə ndá aa oo, né teḛ asəna gə dəw bèe, un kudee rḛgee’g saar teḛ naŋg lé to asəna gə pər ləm, un kudee rḛgee’g saar teḛ tar to asəna gə né gə́ ndɔḭ wər-wər to gə́ larkas gə́ d’usu d’aree ndɔḭ bèe ləm tɔ.

Loo gə́ killa rea kəm Daniel’g 10:18

Yen ŋga nékunda gə́ to tana gə dəw lé tel ɔrɔ rɔm gɔl kára tɔɓəi ɓa am siŋgam ɓəi.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Jakari 6:13

Yeḛ a tel kunda kəi lə Njesigənea̰ gə́ to gə kəmee ya. Tɔɓəi yeḛ a kɔm nétɔjije gə́ wɔji dɔ rɔnduba lé rəa’g, Yeḛ a si dɔ kalimbai’g ləa gə mba ko̰ɓee ləm, Yeḛ a to njekinjanéməs dɔ kalimbai’g ləma, Kankəm kɔm na̰’d gə́ maji ɔr njoroŋ A to mbuna dee-deḛ’g joo bɔr ləm tɔ.

Matiyo 25:13

Maji kar sí síje kəmba mbata seḭ gərje ndəa əsé kàree el.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Ǝbrəje 1:8

Nɛ aa ooje, ta gə́ yeḛ ula Ŋgonee lé ɓa nee: Ǝi Ala, kalimbai ləi to saar gə no̰. Kag-mbai gə́ ka̰ ko̰ɓee ləi lé ɓa to kag-mbai gə́ ka̰ meekarabasur.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 8:1

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.

Jujé 5:13

Loo gə́ Juje teḛ mbɔr Jeriko’g dəb ndá yeḛ un kəmee gə́ tar oo ne diŋgam kára gə́ aar nea̰’g gə kiambas gə́ yeḛ ɔr sɔlee’g jia’g. Yeḛ aw rəa’g dəjee pana: See i lé to gə́ ka̰ síjeḛ əsé ka̰ njéba̰je lə sí wa.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

Loo gə́ killa rea kəm Ja̰’g 1:13

Dəw gə́ to tana gə ŋgon-dəw bèe aar dan kag pər-ndɔje’d gə́ siri lé. Yeḛ ula kubu gə́ ŋgal dururu njal teḛ gɔlee’g naŋg ləm, wa kaaree gə ndar gə́ ra gə larlɔr ləm tɔ.

Loo gə́ killa rea kəm Ja̰’g 14:14

Ma m’aa loo ndá aa ooje ndi pélé dara ndá dəw gə́ si keneŋ lé to asəna gə Ŋgon-dəw, dɔgugu larlɔr to dəa’g ləm, marm gə́ adə làm-làm to jia’g tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

Loo gə́ killa rea kəm Ja̰’g 5:13

Nékundaje lə Ala gə́ gə ri dee ri dee mbuna dara’g ləm, gə dɔ naŋg nee ləm, gə gin naŋg’d ləm, gə dan baa-boo-kad’g ləma, gə néje gə́ gə ria-ria gə́ to keneŋ ləm tɔ lé ma m’oo ndu dee ɓar pana: Yeḛ gə́ si kalimbai’g ləm, Gə Ŋgonbad ləm tɔ lé Maji kar dɔ ri dee ai səgərə-səgərə ləm, Maji kar ta pidi gə riɓar gə rɔnduba gə siŋgamoŋ To ka̰ dee gə ləb dee ləb dee saar gə no̰.