Ǝbrəje 9:7 - Maktub gə́ To gə Kəmee

⁷ Nɛ ŋgon kəi gə́ no̰ maree’g lé ŋgɔ-njekinjanéməs nja kára ba kiao ɓa andə keneŋ gɔl kára mee ləb kára-kára lé. Yeḛ aw gə məs mba kuga ne kaiya ləa-yeḛ ləm, gə ka̰ koso-dəwje ləm tɔ. Ɓó lé məs godo ndá yeḛ a kaw keneŋ el.

Ǝbrəje 9:7 ပူးပေါင်းရင်းမြစ်များ

2 Samel 6:7

Yen ŋga oŋg lə Njesigənea̰ ḭ səa pu dɔ Uja’g ndá Ala undá mbata nérea gə́ to lée’g el lé. Uja wəi lée’g neelé ya mbɔr sa̰duk-manrɔ’g lə Ala.

2 Sôrta Gḭka Israɛlje 33:9

Nɛ Manasə ɓa to njegin kar Judaje gə dəwje gə́ Jerusalem ndəm gə néra gə́ majel gə́ ur dɔ ginkoji dəwje gə raŋg lai gə́ Njesigənea̰ tuji dee no̰ Israɛlje’g lé.

Pakɔsje 19:12

Kura ləi taa ta ndoo keneŋ, Nana ɓa gə́ ra née ndá a kiŋga ne née tɔ.

Pakɔsje 95:10

Koso-dəwje neelé taa rɔm togə́bè as ləbm rɔ-sɔ Am m’ə̰ji dee bəḭ-bəḭ m’pana: To koso-dəwje gə́ meḛ dee ər dee Ar dee gər ne rəwje ləm el.

Teḛ-Raga 30:10

Gɔl kára mee ləb kára-kára lé Aaro̰ a kɔm məs nékinjaməs gə́ wɔji dɔ kaiya dɔ gaji loo-tuu-né’g, məs da gə́ d’inja mba kuga né dɔ kaiya lé ɓa yeḛ aar né togə́bè gɔl kára mee ləb kára-kára mbuna ŋgaka síje’g ya. Yee ɓa a to né gə́ to gə kəmee doi no̰ Njesigənea̰’g tɔ.

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 3:12

Ŋganje ɓa to njékula kəm koso-dəwje ləm ndòo ləm, Denéje ɓa to dəw dɔ deeje ləm tɔ, Seḭ koso-dəwje ləm, deḛ gə́ d’ɔr no̰ sí lé D’ar sí ndəmje ne ləm, Deḛ tuji rəw gə́ seḭ njaaje keneŋ ləm tɔ.

Esai 9:16

Gelee gə́ nee ɓa Mbaidɔmbaije a koo loo kal ne rəa rɔ basaje’g lə dee el ləm, Yeḛ a koo ne kəmtondoo lə ŋganalje gə njékəisiŋgaje lə dee el ləm tɔ, Mbata deḛ lai to njéhulaije ləm, Gə njémeeyèrje ləm tɔ, Ta dəwje lai pata nérɔkulje. Nɛ lé bèe kara oŋg ləa wəi ne bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Ojee 4:12

Koso-dəwje ləm dəji magəje lə dee Gə́ to kagje ba ɓa ta, Tɔɓəi d’ar kag tɔs lə dee ɓa ula dee ta tɔ. Mbata takə̰ji kuba Ala kyá̰ ɓa ar dee ndəm Ndá deḛ d’uba ne Ala lə dee d’yá̰ əw.

Ləbije 16:34

Yee ɓa a to godndu gə́ a to saar gə no̰ mbata lə sí, gɔl kára mee ləb kára-kára’g lé d’a ra né mba kuga ne dɔ kaiya lə Israɛlje gə́ deḛ ra ya. Deḛ ra né gə́ Njesigənea̰ un ndia dɔ’g ar Moyis lé ya.

Ləbije 5:18

Yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ d’a kwɔji gadee ndá a kaw ne rɔ njekinjanéməs’g mba karee to nékinjaməs gə́ wɔji dɔ ta gə́ wa dəa lé. Njekinjanéməs lé a kinja bàl badə neelé mba kuga ne dɔ kaiya gə́ yeḛ ra lal gər gelee ndá ta a kɔr dəa’g ya.

Amɔs 2:14

Dəw gə́ njerɔkwɔilɔ lé a kaskəm kaḭ el ləm, Dəw gə́ njesḭga lé a kaskəm ra né gə siŋgá el ləma, Yeḛ gə́ to bao-rɔ kara a kaji rəa el ləm tɔ.

Bula lə Israɛlje 15:25

Njekinjanéməs a ra né mba kuga ne dɔ kaiya lə koso-dəwje gə́ Israɛl lai ndá mee Ala a koso lemsé dɔ dee’g, mbata deḛ ra kaiya dɔ mbə’g lal gər gelee, tɔɓəi deḛ ree gə nékar lə deḛ gə́ to nékinjaməs gə́ ka̰ roo gə́ wɔji dɔ Njesigənea̰ ləm, gə da-nékinjaməs gə́ ka̰ kuga dɔ kaiya no̰ Njesigənea̰’g ləm tɔ mbata lə kaiya gə́ deḛ ra dɔ mbə’g lal gər gelee lé.

Njé gə́ Epesə 4:18

Kəmkàr lə dee lé loondul dəb dɔ’g rigim ləm, kəmə gə́ ka̰ Ala lé deḛ gər ndiaa el ləm tɔ mbata d’wa meḛ dee kədərə dɔ mbə gə́ nai meḛ dee’g ɓəi.

Ǝbrəje 10:3

Nɛ nékinjanéməsje gə́ deḛ d’inja gə ləb dee ləb dee lé teg ne gel kaiya lə dee wad-wad.

Ǝbrəje 6:19

Ta neelé gə́ j’unda meḛ sí yel gə́ dɔ’g lé to asəna gə riŋgi-to gə́ kədərə kaw-kaw gə́ jeḛ n’reḛ́ keneŋ rḛ́-rḛ́, yee ɓa jeḛ woḭ ne mbuna kubu gə́ a teḛ sə sí njal mee kəi gə́ to gə kəmee’g

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

Ǝbrəje 9:3

No̰ kubu-gaŋg-mee-kəi gə́ njekɔm’g joo lé dəb kəi-kubu-kiŋga-na̰ gə́ ɓaree kəi gə́ to gə kəmee doi lé to keneŋ