Ǝbrəje 9:4 - Maktub gə́ To gə Kəmee

⁴ ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.

Ǝbrəje 9:4 ပူးပေါင်းရင်းမြစ်များ

1 Mbaije 7:50

Bai-gelje gə́ ka̰ togo rɔ gə kiaje Gə baije gə ka-larje gə əb-pər gə́ ra gə larlɔr gə́ àr ŋgad-ŋgad, Kula larje gə́ ka̰ tɔ tabidi-rəwkəije gə́ ra gə larlɔr Mbata mée gə́ kəi gə́ to tarəwkəi gə́ to gə kəmee doi ləm, Gə mbata tabidi rəw-kəi gə́ to tarəwkəi lə kəi-si-Ala gə́ to gə kəmee ləm tɔ.

1 Mbaije 8:21

Ma m’gɔl loo neelé mbata sa̰duk-manrɔ lə Njesigənea̰ to keneŋ, to manrɔ gə́ yeḛ man ar bɔ síje-je loo gə́ yeḛ ar dee d’unda ne loo mee ɓee gə́ Ejiptə teḛ lé tɔ.

1 Mbaije 8:9

Né gə́ raŋg to mee sa̰duk-manrɔ’g lé el nɛ bəgərə mbalje joo gə́ Moyis ɔm dee keneŋ dɔ mbal gə́ Oreb’g, loo gə́ Njesigənea̰ man rəa keneŋ ar Israɛlje ndəa gə́ d’unda ne loo mee ɓee gə́ Ejiptə teḛ lé ɓa to keneŋ.

2 Sôrta Gḭka Israɛlje 5:10

Né gə́ raŋg to mee sa̰duk-manrɔ’g lé el, nɛ bəgərə mbalje joo gə́ Moyis taa dɔ mbal gə́ Oreb’g, loo gə́ Njesigənea̰ man ne rəa keneŋ ar Israɛlje ndəa gə́ d’unda ne loo mee ɓee gə́ Ejiptə teḛ lé ɓa to keneŋ ya.

Teḛ-Raga 26:33

D’a kila pal-kubu neelé gel nétuga-né-ta-na̰’dje gə́ ra gə larlɔr ndá loo gə́ mee ŋgon kəi gə́ gaŋg gə pal-kubu lé d’a kar dee d’andə gə sa̰duk kɔrgoota lé keneŋ. Pal-kubu neelé a to mba gaŋg ne mee kəi mba kai ne loo gə́ to gə kəmee ɓəd ləm, gə loo gə́ to gə kəmee doi ɓəd ləm tɔ.

Teḛ-Raga 31:18

Loo gə́ Njesigənea̰ tɔl ta ta gə́ yeḛ ula Moyis dɔ mbal’g gə́ Sinai lé bém ndá yeḛ aree bəgərə mbalje gə́ joo gə́ to ka̰ kɔrgoota lé, to bəgərə mbalje gə́ Ala ndaŋg ta keneŋ gə ŋgaw jia-yeḛ nja.

Teḛ-Raga 32:15

Moyis lé ḭ dɔ mbal’g risi ur naŋg ndá bəgərə mbalje gə́ ka̰ manrɔ joo to jia’g: bəgərə mbalje neelé ndaŋg ta keneŋ loo joo ya, ndaŋg mée’g ləm, gə giree’g ləm tɔ.

Teḛ-Raga 34:29

Moyis ḭ dɔ mbal gə́ Sinai risi ur naŋg ndá bəgərə mbalje gə́ joo gə́ ka̰ kɔrgoota lé to jia’g loo gə́ yeḛ risi uru naŋg lé, kwɔji gə́ Moyis wɔji ta gə Njesigənea̰ lé ar dɔ kəmee ndɔḭ ne wər-wər nɛ yeḛ gər el tɔ.

Teḛ-Raga 37:25

Yeḛ ra loo-tuu-né gə́ ə̰də sululu dɔ’g gə kag-akasia, ŋgalee as kəmkil dəw kára ləm, tadee as kəmkil dəw kára ləm tɔ, yee to dɔmbul tɔɓəi dəree gə́ tar as kəmkil dəw joo tɔ. Dɔ kumeeje gə́ ḭta lé rḛdə dee na̰’d gə loo-tuu-né lé ya.

Teḛ-Raga 39:35

Gə sa̰duk ka̰ kɔrgoota gə kunda kagje gə́ wɔji dəa ləm, gə kidatea ləm,

Teḛ-Raga 40:3

D’a kunda sa̰duk ka̰ kɔrgoota keneŋ ləm, d’a kila pal-kubu-gaŋg-mee-kəi nea̰’g ləm tɔ.

Ləbije 16:12

Yeḛ a kun əb gə́ kul gə́ taa pər gəgəgə rusu gə́ d’ɔr loo-nékinjaməs’g no̰ Njesigənea̰’g lé ləm, gə nduji né gə́ ə̰də sululu as ŋgo jia joo ləm tɔ, yeḛ a kodo néje neelé kaw ne njal gir kubu gə́ gaŋg ne mee kəi gə́ to gə kəmee doi’g lé.

Bula lə Israɛlje 17:10

Ɔrje rɔ sí mbuna koso-dəwje’g neelé ndá m’a gə tuji dee gə́ léegəneeya. Moyis gə Aaro̰ d’oso naŋg bəbərə-bəbərə dəb kəm dee naŋg,

Bula lə Israɛlje 17:5

Yee ɓa to nékolé-mee mbata lə Israɛlje mba kar dəw gə́ rara gə́ to gə́ ginkoji’g lə Aaro̰ el lé a rəm gə́ keneŋ mba tuu né gə́ ə̰də sululu no̰ Njesigənea̰’g el ləm, a to asəna gə Koré gə kudu-dəwje ləa el ləm tɔ gə goo ta gə́ Njesigənea̰ pa gə ndu Moyis.

Bula lə Israɛlje 17:8

Moyis gə Aaro̰ ree d’aar no̰ kəi-kubu-kiŋga-na̰’g.

Tel tura Godndu 9:11

To mee rudu ndɔ’g rɔ-sɔ gə́ dan kàrá gə loondul’g lé ɓa, Njesigənea̰ am bəgərə mbalje joo, gə́ to bəgərəjə gə́ ka̰ manrɔ lé.

Tel tura Godndu 9:9

Loo gə́ ma m’uba dɔ mbal m’aw tar gə mba kaw taa bəgərə mbalje gə́ ka̰ ndaŋg maktub gə́ to bəgərəjə gə́ ka̰ manrɔ gə́ Njesigənea̰ man ne rəa ar sí lé ma m’isi dɔ mbal’g neelé ndɔ rɔ-sɔ dan kàrá gə loondul’g lal ko̰ muru ləm, lal kai mán ləm tɔ,

Loo gə́ killa rea kəm Ja̰’g 11:19

Kəi-Ala gə́ to dara lé təa ɔr to tag, ar sa̰duk-manrɔ gə́ yeḛ man ne rəa lé to raga ndəgəsə. Ndi tel ləm, dəwje d’unda bula ləm, ndi ndaŋg ləm, naŋg yə ɓugu-ɓugu ləma, ndi kwɔji kara ər ɓai-ɓai ləm tɔ.

Loo gə́ killa rea kəm Ja̰’g 8:3

Kura gə́ dara gə́ raŋg ree aar no̰ loo-nékinjaməs’g gə bai-larlɔr jia’g. Deḛ d’aree néje gə́ ə̰də sululu ɓəd-ɓəd gə mba karee tuu dee ne na̰’d gə tamajije lə dəwje lai gə́ to gə kəmee loo-tuu-né gə́ ra gə larlɔr gə́ to no̰ kalimbai’g.