Ǝbrəje 9:3 - Maktub gə́ To gə Kəmee

³ No̰ kubu-gaŋg-mee-kəi gə́ njekɔm’g joo lé dəb kəi-kubu-kiŋga-na̰ gə́ ɓaree kəi gə́ to gə kəmee doi lé to keneŋ

Ǝbrəje 9:3 ပူးပေါင်းရင်းမြစ်များ

1 Mbaije 6:16

Deḛ gaŋg rudu kəi gə́ to gə kəmee as kəmkil dəw rɔ-joo tɔs kag-sɛdrəje gə́ tɔl dee keneŋ, un kudee naŋg saar aw ne kaar kəi gə́ tar ndá deḛ d’ya̰ ne loo mba ra ne kəi gə́ to gə kəmee gə́ to loo gə́ to gə kəmee doi lé tɔ.

1 Mbaije 8:6

Njékinjanéməsje d’un sa̰duk-manrɔ lə Njesigənea̰ lé d’aw d’unda loo’g ləa gə́ to kəi gə́ to gə kəmee doi gel bag néndaji Nékundaje gə́ dara’g.

2 Sôrta Gḭka Israɛlje 3:14

Deḛ ra kubu gaŋg ne mee kəi gə́ to bədələ ləm, gə ndul piro-piro ləma, gə kas njir-njir ləm tɔ, kubu neelé d’ṵji gə kúla palégal ndá deḛ ndaji Nékundaje gə́ dara lé keneŋ tɔ.

Teḛ-Raga 40:21

Deḛ d’aw gə sa̰duk kɔrgoota neelé mee kəi-kubu-si-Ala’g tɔɓəi deḛ tɔ pal-kubu-gaŋg-mee kəi d’aree ɔn dɔ sa̰duk kɔrgoota, to gə́ Njesigənea̰ un ne ndia ar Moyis lé ya.

Teḛ-Raga 40:3

D’a kunda sa̰duk ka̰ kɔrgoota keneŋ ləm, d’a kila pal-kubu-gaŋg-mee-kəi nea̰’g ləm tɔ.

Esai 25:7

Ndá dɔ mbal’g neelé yeḛ a tuji kubu-kwa-ndòo Gə́ o̰ kəm dəwje lai lé pugudu ləm, Gə pal-kubu gə́ ɔn dɔ ginkoji dəwje gə raŋg lai lé ləm tɔ.

Ejekel 41:4

Yeḛ wɔji duu kəi gə́ to gə kəmee ndá ŋgalee as kəmkil dəw rɔ-joo ləm, tadee as kəmkil dəw rɔ-joo ləm tɔ, tɔɓəi yeḛ ulam pana: Loo neelé ɓa to loo gə́ to gə kəmee doi ya.

Bula lə Israɛlje 4:5

Loo gə́ d’a gə kḭ mba kaw ndá Aaro̰ gə ŋganeeje gə́ diŋgam d’a ree kɔr kubu gaŋg mee kəi lé ndá d’a kila kubu neelé dɔ sa̰duk kɔrgoota’g,

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,

Ǝbrəje 6:19

Ta neelé gə́ j’unda meḛ sí yel gə́ dɔ’g lé to asəna gə riŋgi-to gə́ kədərə kaw-kaw gə́ jeḛ n’reḛ́ keneŋ rḛ́-rḛ́, yee ɓa jeḛ woḭ ne mbuna kubu gə́ a teḛ sə sí njal mee kəi gə́ to gə kəmee’g

Ǝbrəje 9:7

Nɛ ŋgon kəi gə́ no̰ maree’g lé ŋgɔ-njekinjanéməs nja kára ba kiao ɓa andə keneŋ gɔl kára mee ləb kára-kára lé. Yeḛ aw gə məs mba kuga ne kaiya ləa-yeḛ ləm, gə ka̰ koso-dəwje ləm tɔ. Ɓó lé məs godo ndá yeḛ a kaw keneŋ el.

Ǝbrəje 9:8

Yee ɓa Ndilmeenda tɔji sí ar sí j’oo gao, loo gə́ kəi-kubu gə́ dɔtar nai keneŋ ɓəi ndá rəw-kaw mee kəi gə́ to gə kəmee doi lé to ne tag el ɓəi.