Ǝbrəje 9:28 - Maktub gə́ To gə Kəmee

²⁸ togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

Ǝbrəje 9:28 ပူးပေါင်းရင်းမြစ်များ

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Ləbije 10:17

See ban ɓa seḭ sɔje da kuga dɔ kaiya lé mee loo gə́ to gə kəmee’g el wa. To né gə́ to gə kəmee doi ya, tɔɓəi Njesigənea̰ ar sí mba kar sí taaje ne néra kori-korije lə koso-dəwje ɔmje dɔ sí’g ləm, kar sí ugaje ne dɔ dee no̰ Njesigənea̰’g ləm tɔ.

Jakari 14:5

Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.

Bula lə Israɛlje 18:1

Njesigənea̰ ula Aaro̰ pana: I seḭ gə ŋganije, gə ŋgako̰ síje gə́ to gə́ ginkoji’g lə Ləbi səi na̰’d lé ta néra kori-korije gə́ deḛ ra mee kəi-kubu-si-Ala’g lé a kwa dɔ sí-seḭ ya, nɛ néra kori-korije gə́ d’a ra loo kula ra sí gə́ wɔji dɔ loo-nékinjaməs lé taree a kwa dɔ sí-seḭ nja ba.

Bula lə Israɛlje 18:23

Ləbije ɓa d’a ra kula gə́ wɔji dɔ kəi-kubu-kiŋga-na̰ ndá ta néra kori-korije lə dee a kwa dɔ dee-deḛ ya. D’a kiŋga nénduba gə́ wɔji dɔ dee mbuna Israɛlje’g el, yee ɓa a to godndu gə́ a to gə no̰ mbuna ŋgaka síje’d gə́ kédé-kédé ya.

Bula lə Israɛlje 7:33

Bɔ maŋg kára ləm, bàl badə kára ləma, ŋgon badə gə́ ra ləb kára ba ləm tɔ gə mbata nékinjaməs gə́ ka̰ roo,

Matiyo 20:28

Yee gə́ bèe ɓa Ŋgon-dəw ree ne naŋg nee mba ra ne né kar dəwje gə́ dɔ naŋg nee ɓó gə mba kar dəwje gə́ dɔ naŋg nee ɓa ra né d’aree el. Yeḛ ree gə mba kila rəa kɔ gə́ nékoga dɔ dəwje bula ya.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Matiyo 26:28

mbata yee neelé to məsm, yee to məs manrɔ gə́ ula dɔ naŋg nee mbata lə dəwje bula-bula gə nékoga kaiyaje tɔ.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Néra Njékaḭkulaje 1:11

ndá dəji dee pana: Seḭ dəwje gə́ Galile, see ban ɓa aar aaje loo gə́ dara sɔmɔmo̰ bèe wa. Jeju lé gə́ d’unee dan sí’g d’aw səa dara gə́ seḭ éeje lé pia gə́ a gə kḭ dara tel ree nja to kən.

Njé gə́ Rɔmə 3:25

Jeju Kristi lé nja Ala ɔree undá ne gə́ nékinjaməs gə mba kuga ne dɔ kaiya lə deḛ gə́ d’ɔm meḛ dee dəa’g. Yee ɓa Ala ar meekarabasur ləa kila ne kɔd mbata kédé lé yeḛ un kəmee rəw dɔ kaiya’g lə dəwje gə́ ra loo kila mée’g ləa.

Njé gə́ Rɔmə 5:15

Nojikwa lé dum dɔ kalta, mbata to kalta lə dəw kára ba dəwje bula d’wəi ne lé nɛ ɓəd ɓa see noji lə Al, gə noji gə́ yeḛ ar Kristi wa gə dəwje lé see a kal dɔ loo sula el wa.

Njé gə́ Rɔmə 6:10

Mbata kwəi gə́ yeḛ wəi lé yeḛ udu ne bwa-kaiya ya gɔl kára ba kiao gə́ ŋgaŋgee, nɛ tel gə́ yeḛ tel si kəmba lé yeḛ si kəmba mbata lə Ala.

Njé gə́ Rɔmə 8:23

Deḛ neelé ɓa gə kar dee el, nɛ jeḛ gə́ j’isi gə Ndil gə́ tɔl meḛ sí bujuru lé kara jeḛ m’tuma̰ ŋgururu-ŋgururu sə dee na̰’d, ŋgina ne ndɔ gə́ Ala a kuga dɔ darɔ sí tel sí ne gə́ ŋgan ɓaaje ləa.

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,

1 Njé gə́ Kɔrḭtə 1:7

Togə́bè ɓa, loo gə́ seḭ sije pèrèrè ŋginaje ndɔ rɔnduba lə Mbaidɔmbaije lə sí Jeju Kristi lé ndá nénoji gə́ wɔji dɔ sí kára kara lal sí el.

1 Njé gə́ Kɔrḭtə 15:54

Loo gə́ rɔ sí gə́ yɔlé a kun yeḛ gə́ a gə yɔlé el kula rəa’g ləm, rɔ sí gə́ ka̰ naŋg nee a kun yeḛ gə́ a kwəi el kula rəa’g ləm tɔ ndá ta gə́ to mee maktub gə́ to gə kəmee neelé a kaw lée’g béréré ya: Siŋgamoŋ tur dɔ yoo pubug mba̰.

1 Njé gə́ Tesalonikə 1:10

Yee ɓa, seḭ ŋginaje ne Ŋgonee gə́ a gə kḭ dara lé yee ɓa to Jeju gə́ Ala aree unda loo teḛ dan njé gə́ d’wəi’g ləm, yeḛ gə́ ɔr sí dan oŋg gə́ a gə ree lé ləm tɔ.

2 Njé gə́ Tesalonikə 2:1

Ŋgako̰ síje, ta gə́ wɔji dɔ ndɔ tel lə Mbaidɔmbaije lə sí Jeju Kristi lé ləm, gə loo kiŋga gə́ j’a tel kiŋga səa na̰’d ləm tɔ lé jeḛ n’ra ne ndòo rɔ sí’g

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Titə 2:13

Yee ɓa meḛ sí lel sí ar sí j’unda ne meḛ sí yel ŋgina ne ndɔ ndubarɔ lə Ala gə́ boo gə ka̰ Jeju Kristi, njekaji sí lé tɔ.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Ǝbrəje 10:10

Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.

Ǝbrəje 5:9

Yee ɓa, loo gə́ yeḛ to ne dəw gə́ maji ɔr njoroŋ ɓəi ndá yeḛ tel tum ne gin kaji gə́ a to gə no̰ mbata lə deḛ lai gə́ d’ila ŋgonkoji dəa’g lé.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

Ǝbrəje 9:25

Ŋgɔ-njekinjanéməs lé andə mee kəi gə́ to gə kəmee lé gə məs néje gə́ raŋg gɔl kára gə ləb kára-kára lé nɛ Kristi ɓa andə dara, ya̰ rəa ar Ala gɔl bula togə́bè el.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

2 Piɛrə 3:12

Maji kar sí ŋginaje ndɔ ka̰ Ala lé ndiŋgaje ne rɔ sí karee teḛ kalaŋ ya. Ndəa neelé pər a roo ne néje gə́ pən dara’g dula-dula kar dee ndiri njigi-njigi léḛ lé.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.

1 Ja̰ 3:5

Seḭ gərje gao, Jeju lé ree mba kɔr kaiya lə dəwje kɔm kɔrɔ nɛ kaiya kára kara uba rəa təb el.

Jude 1:21

meenoji lə Ala gə́ seḭ sije keneŋ lé rḛ́je keneŋ rḛ́-rḛ́ ŋginaje ne kəmə gə́ gə no̰ gə́ Mbaidɔmbaije Jeju Kristi a kar sí sije ne gə goo meekɔrjol ləa lé ləm tɔ.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.