Ǝbrəje 9:27 - Maktub gə́ To gə Kəmee

²⁷ Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,

Ǝbrəje 9:27 ပူးပေါင်းရင်းမြစ်များ

Gḭ-Néje 3:19

I a kinja təd ŋgo nɔḭ’g bur ɓa A sɔ né ɓəi Saar i a kandə ne naŋg gogo Loo gə́ i ḭ keneŋ lé, Mbata i to nduji naŋg Ndá i a tel to nduji naŋg gogo ya tɔ.

2 Samel 14:14

Lé riri kara j’a kwəi gə́ kwəi ya ndá j’a to kasəna gə mán gə́ ula naŋg gə́ askəm tel mbo̰ na̰ gogo el. Ala ɔr kəmə lə dəw el nɛ yeḛ ndigi mba kar njekaḭ lé si əw kəmee’g loo-kaḭ’g ləa el.

Maktub gə́ wɔji dɔ Jɔb 14:5

Ɓó lé i wɔji ndɔje ləa njaŋg ləm, ɓó lé i tura bula lə naḭje ləa ləma, Ɓó lé i wɔji ŋgaŋ loo ləa gə́ yeḛ askəm dəs el ləm tɔ ndá

Maktub gə́ wɔji dɔ Jɔb 19:25

Nɛ ma m’gər gao, njekuga dɔm si kəmba ya, Ndɔ gə́ rudu lé ndá yeḛ nja a k’ḭta dɔ naŋg nee tɔ.

Maktub gə́ wɔji dɔ Jɔb 30:23

Mbata ma m’gər gao i unm aw səm loo-yoo’g Loo-kiŋga-na̰ gə́ wɔji dɔ deḛ lai gə́ d’isi kəmba!

Pakɔsje 89:48

Maji kari ar məəi olé dɔ kisi kəmba’g ləm gə́ kuree əw el lé ləm, Gə dɔ dəwje lai gə́ i unda dee lé to né gə́ kari ba ləm tɔ.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Njekillamber 12:14

Mbata Ala a ree gə kula ra síje lai loo-gaŋg-rəwta’g kwɔji ne dɔ néje lai gə́ to loo-ŋgəḭ’g lé, lé to né gə́ maji əsé né gə́ majel ya kara ləm tɔ.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Njekillamber 3:2

Ndɔ koji dəw to keneŋ ləm, ndɔ kwəi lə dəw to keneŋ ləm tɔ, ndɔ dubu né to keneŋ ləm, ndɔ tɔr né gə́ dubu lé to keneŋ ləm tɔ,

Njekillamber 3:20

Deḛ lai d’aw gə́ loo gə́ kára ba’g ya, deḛ lai lé nduji naŋg ɓa ra dee ne ndá d’a tel to nduji naŋg ya gogo tɔ.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Njekillamber 9:5

Tɔgərɔ ya, deḛ lai gə́ d’isi kəmba lé Gər gao to gə́ d’a gə kwəi ya. Nɛ deḛ gə́ d’wəi mba̰ lé Gər né kára el ləm, Nékoga-dɔ-ji dee kara godo ŋga ləm tɔ Mbata meḛ dəwje wəi dɔ dee’g mba̰.

Lugu 20:32

Gée gə́ gogo ndá dené lé oso wəi tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Njé gə́ Rɔmə 5:12

Gelee gə́ nee ɓa to gə́ dəw kára ba ɔr rəw ar kaiya oso dɔ njé gə́ naŋg nee, ɓad ɓa ar yoo orè gée oso ne dɔ dəwje gə́ dɔ naŋg nee lai ɓəi mbata dəwje lai ra kaiya ar kal dee kára kara nai el.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

Ǝbrəje 10:27

Nɛ néngina gə́ to ɓəl kədm-kədm gə́ to rəwta-gaŋg lé ləm, gə pər gə́ o̰ bilim-bilim gə́ a gə kuba njékaltaje naŋg bus roo dee ne ləm tɔ.

Ǝbrəje 6:2

gə dɔ meekun gə́ jeḛ j’un j’ar Ala ləm, gə dɔ néndoo gə́ wɔji dɔ ta baptɛməje ɓəd-ɓəd ləm, gə dɔ kila ji dɔ dəwje’g ləm, gə dɔ teḛ dɔkumbwa’g lə dəwje ləma, gə dɔ rəwta gə́ gaŋg dɔ dəwje’g gə no̰ ləm tɔ.

1 Ja̰ 4:17

To gə́ yeḛ to dəw gə́ bèe lé ndá maji kar síjeḛ kara n’toje gə́ dəwje gə́ bèe dɔ naŋg neelé tɔ, yee ɓa meenoji lé a kɔr ne dɔ meḛ sí’g mba kar sí j’aar ne nea̰’g ndɔ gaŋg-rəwta’g lé gə meendakaḭ ɓó gə kaar gəd el.

Jude 1:15

gə mba gaŋg rəwta dɔ dəwje’g lai ya ləm, mba kar bo̰ néra gə́ yèr lai gə tapa gə́ yèr lai gə́ njékaiyaje gə́ to njéndɔl-Alaje gə́ d’isi mbuna dee’g d’ila dəa’g lé ɔs ne ta dee’g ləm tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.