Ǝbrəje 9:24 - Maktub gə́ To gə Kəmee

²⁴ Mbata Kristi lé ula dəa mee kəi gə́ to gə kəmee gə́ ji dəw ra ndaji ne kankəmee lé el. Nɛ yeḛ andə dara nja mba kaar ne no̰ Ala’g mbata lə síjeḛ.

Ǝbrəje 9:24 ပူးပေါင်းရင်းမြစ်များ

Pakɔsje 68:18

Pusu-rɔje lə Njesigənea̰ lé Kudu kára lé bula digi-digi, bula digi-digi as loo dɔg-dɔg, Mbaidɔmbaije lé si mbuna dee’g, Sinai lé to mee loo gə́ to gə kəmee’g.

Teḛ-Raga 28:12

D’a tula jərje gə́ joo neelé dɔ kubu gə́ dɔ bag épod’d gə mba karee to nékolé-mee dɔ Israɛlje’g, bèe ɓa a to asəna gə nékolé-mee bèe gə́ Aaro̰ a kodo ne ri dee no̰ Njesigənea̰’g dɔ bageeje’d gə́ joo’g lé.

Teḛ-Raga 28:29

Loo gə́ Aaro̰ a kandə loo gə́ to gə kəmee’g ndá yeḛ a kodo ne ri Israɛlje gə́ diŋgam dɔɓəŋgəree’g, ri dee gə́ d’inja dɔ ɓɔl kubu gə́ tɔ kaar dee’g gə́ ka̰ gaŋg rəwta’g lé, a ra togə́bè mba karee to ne nékolé mee no̰ Njesigənea̰’g ta-ta.

Jakari 3:1

Yeḛ am m’oo Jujee ŋgɔ-njekinjanéməs gə́ aar tar no̰ kura’g lə Njesigənea̰ ndá Njekurai aar dɔ jikɔlee’g gə mba kila ta dəa’g.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Mark 14:58

Jeḛ j’oo ta təa’g pana: Neḛ n’a tuji kəi-Ala nee gə́ dəwje ra gə ji dee ndá ndɔ neḛ munda ba ya n’a kunda maree gə́ raŋg gə́ ji dəw ɓa a ra el toree’g.

Mark 16:19

Mbaidɔmbaije lé loo gə́ yeḛ ɔr ta neelé ula dee togə́bè mba̰ ndá né unee mbuna dee’g igi səa dara kag aree si dɔ jikɔl Ala’g tɔ.

Lugu 24:51

Loo gə́ yeḛ aar tɔr ndia dɔ dee’g bèe-bèe ndá yeḛ ɔd sa rəa igi dara kag.

Tagə́maji gə́ Ja̰ ndang 16:28

Ma m’ḭ rɔ Bɔ-dəwje’g m’ree naŋg nee ya, nɛ ɓasinè m’ya̰ naŋg nee m’tel m’isi m’aw gə́ rɔ Bɔ-dəwje’g lé gogo.

Tagə́maji gə́ Ja̰ ndang 6:62

Ŋga ɓó lé seḭ ooje Ŋgon-dəw gə́ a kḭ kaw par gə́ loo-siée gə́ kédé’g ndá see a to banwa.

Néra Njékaḭkulaje 3:21

Yeḛ neelé a ra ɓee dara saar ndɔ gə́ d’a tel gɔl néje lai lée’g gogo gə goo ta gə́ Ala ula ta njéteggintaje’g ləa gə́ to gə kəmee lé.

Njé gə́ Rɔmə 8:33

See na̰ ɓa gə́ njenani dɔ deḛ gə́ Ala nja ɔr dee gə kəmee lé ɓəi wa. Ala nja ɔr ta dɔ dee’g mba̰.

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

Njé gə́ Kolosə 3:2

Néje gə́ wɔji dɔ ɓee gə́ tar ɓa ulaje rɔ sí keneŋ mbiriri ɓó néje gə́ naŋg nee ɓa a kulaje rɔ sí keneŋ mbiriri el.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 6:20

loo gə́ Jeju lé aw gə́ ŋgaw ta sí keneŋ mbata yeḛ nja d’aree to gə́ ŋgɔ-njekinjanéməs saar-saar gə́ no̰, gə goo ka̰ Melkisedek ya.

Ǝbrəje 8:2

Yeḛ ra kula mee kəi-Ala gə́ to gə kəmee gə́ to kəi-kiŋga-na̰ gə́ gəd gə́ Mbaidɔmbaije ɓa unda ɓó ji dəw ɓa ra el.

Ǝbrəje 8:5

Deḛ gə́ ra kula kwa Ala meḛ dee’g lé d’wa néje gə́ naŋg nee tɔji dee ne néje gə́ dara, gə goo né gə́ Ala tɔji Moyis loo gə́ yeḛ a gə la kəi-kubu-kiŋga-na̰ lé pana: Ra lɔr-lɔr to gə́ nékwɔji maree gə́ ma m’tɔjii dɔ mbal’g lé.

Ǝbrəje 9:1

Manrɔ gə́ dɔtar lé ndukun ləa gə́ wɔji dɔ kwa Ala meḛ dee’g to keneŋ ləm, kəi ləa gə́ to gə kəmee to keneŋ ləm tɔ.

Ǝbrəje 9:23

To gə́ məs ɓa gə́ kuma̰ mba togo ne ndil néje gə́ to dara togə́bè lé ndá néje gə́ dara gə́ gəd kara deḛ togo dee gə nékinjanéməsje gə́ maji ur dɔ njé gə́ kédé lé.

Ǝbrəje 9:9

Yee ɓa to ban né gə́ wɔji dɔ ndɔ gə́ ɓasinè loo gə́ dəw gə́ wa Ala mée’g ndá yeḛ un nénojije aree ləm, yeḛ inja nékinjanéməsje aree ləm tɔ nɛ néje neelé d’askəm kar mée to ne maji ɔr njoroŋ el ləm, mée aar kərm ɓəi ləm tɔ.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

Loo gə́ killa rea kəm Ja̰’g 8:3

Kura gə́ dara gə́ raŋg ree aar no̰ loo-nékinjaməs’g gə bai-larlɔr jia’g. Deḛ d’aree néje gə́ ə̰də sululu ɓəd-ɓəd gə mba karee tuu dee ne na̰’d gə tamajije lə dəwje lai gə́ to gə kəmee loo-tuu-né gə́ ra gə larlɔr gə́ to no̰ kalimbai’g.