Ǝbrəje 9:15 - Maktub gə́ To gə Kəmee

¹⁵ Togə́bè ɓa, yeḛ to ne njekaar dana gə goo manrɔ gə́ sigi lé mba kar deḛ gə́ deḛ ɓar dee lé d’a kwa səa nénduba gə́ to gə no̰ gə goo ndukun gə́ Ala un ar dee. Mbata kwəi gə́ yeḛ wəi lé yeḛ udu ne kəm kalta lə dee gə́ d’al ne dɔ manrɔ gə́ dɔtar lé.

Ǝbrəje 9:15 ပူးပေါင်းရင်းမြစ်များ

Pakɔsje 37:18

Njéra nédanaje lé Njesigənea̰ gər ndɔje lə dee gao ləm, Nédɔji lə dee kara To saar-saar gə no̰ ya ləm tɔ.

Loo gə́ killa rea kəm Daniel’g 9:26

Loo gə́ mee ndəaje gə́ siri-siri gɔl rɔ-misa̰-giree-joo godo mba̰ ndá yeḛ gə́ deḛ tər ubu dəa’g lé d’a tɔlee, tɔɓəi njetaa toree a godo. Dəwje lə mbai gə́ kára d’a ree mba tuji ɓee-boo ləm, gə loo gə́ to gə kəmee ləm tɔ. Rudu tuji a to kasəna gə ma̰-bélm bèe, tɔɓəi tujije d’a to keneŋ saar d’a təd ne rɔ.

Matiyo 19:29

Nana ɓa gə́ ya̰ ŋgakea̰je gə diŋgam əsé njé gə́ dené əsé bɔbeeje əsé kea̰je əsé dené ləa əsé ŋganeeje əsé loo-ndɔ ləa əsé kəije ləa gə mba rim-ma ndá a kiŋga dee gogo dɔ maree’g loo tɔl-tɔl ya ɓəi ləm, kəmə gə́ gə no̰ lé a kwa gə́ nékwanduba ləa ya ləm tɔ.

Matiyo 22:3

Yeḛ ula kuraje ləa mba kar dee d’aw ɓar kuramareeje nɛ deḛ ndigi ree el.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 25:36

m’aw kudum dum ndá seḭ amje kubu m’ula rɔm’g, m’oso gə rɔko̰ ndá seḭ reeje sije dɔm’g, ma m’isi daŋgai’g ndá seḭ reeje ilaje kəm sí dɔm’g tɔ.

Mark 10:17

To gə́ Jeju oso rəbə si aw ndá dəw kára aiŋgwɔd aw iŋgá rəm ɔs no̰ kəjee naŋg nea̰’g dəjee pana: Mbai gə́ maji, see ɗi ɓa m’a ra mba si ne gə kəmə gə́ gə no̰ lé wa.

Lugu 18:18

Mbai kára bèe dəji Jeju pana: Mbai gə́ maji, see m’a ra ba̰ gə mba si ne gə kəmə gə́ gə no̰ lé wa.

Lugu 22:20

Loo gə́ deḛ d’o̰ muru mba̰ ndá yeḛ un ŋgo-kai-né gə́ mán-nduú to keneŋ togə́bè tɔ, ula ar dee pana: Ŋgo-kai-né neelé to gə́ némanrɔ gə́ sigi gə́ ma man ne rɔm gə məsm m’aree ula dɔ naŋg nee mbata lə sí.

Tagə́maji gə́ Ja̰ ndang 10:28

M’ar dee d’isi gə kəmə no̰ lé ndá d’a kudu nda̰ el ləm, dəw kára kara as nar dee jim’g el ləm tɔ.

Néra Njékaḭkulaje 20:32

Ɓasinè lé m’ɔm sí ji Ala’g ləm, gə m’ɔm sí ta noji ləa gə́ askəm rɔd sí mba kar sí iŋgaje nénoji lə sí gə njémeendaje na̰’d lai.

Njé gə́ Rɔmə 5:10

Loo gə́ jeḛ nai gə́ njéba̰je ləa ɓəi lé kwəi lə Ŋgonee ɓa gɔl sí ɔm sí na̰’d yəg gə Ala lé nɛ ɓəd ɓa see kəmə gə́ yeḛ tel si kəmba lé see jeḛ gə́ j’ɔm na̰’d gə Ala lé see j’a kaji ne el wa.

Njé gə́ Rɔmə 5:6

Tɔgərɔ ya, loo gə́ siŋga sí yɔ ɓəi lé Kristi ɓa wəi gə mbata njékɔs Ala rəwje mee ndəa gə́ Ala ɓa wɔji.

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

Njé gə́ Rɔmə 6:23

Mbata nékoga dɔ ji kaiya lé to yoo, nɛ nojikwa lə Ala gə́ yeḛ wa sə sí lé to kəmə gə́ gə no̰ lé gə́ j’a kiŋga loo kɔm na̰’d gə Jeju Kristi Mbaidɔmbaije lə síjeḛ lé.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

Njé gə́ Rɔmə 9:24

Togə́bè ɓa jeḛ n’to mbuna deḛ gə́ yeḛ ɓar dee ɔr dee dan Jibje’g goo kára ba el nɛ dan njépole-magəje’g tɔ

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

Njé gə́ Galati 3:20

Nɛ njekaar ŋgaw dan loo lé yeḛ to njekaar ŋgaw dan loo mbata lə dəw kára ba el nɛ Ala lé yeḛ nja to kára ba kiao ya.

Njé gə́ Epesə 1:7

Mbɔl dɔ məsee-yeḛ nja ɓa jeḛ j’iŋga ne nékoga dɔ sí gə́ ɔr kaiya dɔ sí’g gə goo boo-noji ləa

2 Njé gə́ Tesalonikə 2:14

Yee ɓa yeḛ ɓar sí ne gə mbəa gə goo Tagə́maji gə́ jeḛ j’ula sí lé mba kar rɔnduba gə́ d’ula dɔ Mbaidɔmbaije Jeju Kristi’g lé d’ula dɔ sí-seḭ’g lé tɔ.

1 Timote 2:5

Tɔgərɔ ya, Ala lé kára ba kiao ləm, gə njekaar dana kára ba kiao ləm tɔ, yeḛ nja ɓa aar ŋgaw dan Ala lé gə dəwje lé,

2 Timote 2:10

Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

Titə 3:7

mba kar mbɔl dɔ noji ləa gə́ yeḛ ɔr ne ta dɔ sí’g lé jeḛ n’tel to ne njékwa səa nédɔjije lé na̰’d j’iŋga ne kəmə gə́ gə no̰ gə́ j’unda ne meḛ sí yel dɔ’g lé.

Ǝbrəje 10:34

Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.

Ǝbrəje 10:36

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

Ǝbrəje 11:13

Deḛ neelé lai d’wəi dɔ meekun’g lə dee, lal kiŋga ne néje gə́ Ala un ndia gə mba kar dee. Nɛ d’oo néje neelé gə goo ŋgalee d’orè meḛ dee dɔ’g més, deḛ pana: Neḛ n’toje gə́ mbáje ləm, gə njékwagirlooje gə́ dɔ naŋg nee ləm tɔ.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

Ǝbrəje 2:14

Bèe ndá to gə́ ŋganje gə́ d’oji dee to məs gə dakasrɔ gə́ ḭ rɔ njékoji deeje’g ndá yeḛ kara un rəa-yeḛ togə́bè tɔ mba kar kwəi gə́ yeḛ wəi ne ɓa yeḛ a tuji ne njekurai gə́ to njesiŋgamoŋ lə yoo ləm,

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 6:13

Loo gə́ Ala un ndia ar Abrakam ndá yeḛ man rəa gə ria-yeḛ nja mbata dəw gə́ njekur dəa’g godo

Ǝbrəje 6:15

Bèe ɓa Abrakam ai ne mée sam-sam ɓa iŋga ne né gə́ wɔji dəa ɓəi.

Ǝbrəje 7:22

Gelee gə́ nee ɓa Jeju ila ne dər gin manrɔ gə́ to maji ɔr njoroŋ lé ya.

Ǝbrəje 8:13

Loo gə́ yeḛ pana: Manrɔ gə́ sigi lé yeḛ ar yeḛ gə́ dɔtar lé to né gə́ ləw. Tɔɓəi né gə́ ləw gə́ a gə ŋgisi lé nai lam ba a sané pá. Tɔɓəi né gə́ ləw gə́ a gə ŋgisi lé nai lam ba a sané pá.

Ǝbrəje 9:12

Ndá yeḛ andə mee loo gə́ to gə kəmee doi lé gɔl kára ba kiao gə́ ŋgaŋgee, yeḛ andə keneŋ gə məs bàl bya̰je gə ŋgan maŋgje ɓa el nɛ darɔ məsee-yeḛ nja ɓa yeḛ aw ne keneŋ. Togə́bè ɓa yeḛ uga ne dɔ sí gə no̰ ya.

Ǝbrəje 9:16

Mbata loo gə́ maktub nénduba lé to keneŋ ndá kwəi lə njera maktub neelé gə́ d’oo gəd ɓa gə́ kuma̰ karee to lée’g ɓəi.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

1 Ja̰ 2:25

Ndukun gə́ yeḛ un ar sí lé yee ɓa gə́ kəmə gə́ gə no̰ lé.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.