Ǝbrəje 9:14 - Maktub gə́ To gə Kəmee

¹⁴ nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Ǝbrəje 9:14 ပူးပေါင်းရင်းမြစ်များ

2 Samel 4:11

Bèe ndá loo gə́ njémeeyèrje tɔl njemeekarabasur dan mee kəi’g ləa dɔ tira-tée’g lé ŋga ɓəd ɓəi ɓa see m’a tel dəji məsee ji sí’g gə mba tuji sí ne dɔ naŋg nee el wa.

2 Mbaije 19:16

Njesigənea̰, maji kari tuga mbii par gə́ rɔm’g oo ne ta ləm, Njesigənea̰ maji kari teḛ kəmi aa ne loo oo. Maji kari oo ta lə Sa̰kɛrib gə́ yeḛ ula ne Rabsake aree ula ne sul dɔi-i Ala gə́ Njesikəmba’g lé.

Maktub gə́ wɔji dɔ Jɔb 15:16

Nɛ ɓəd ɓa dəw gə́ mina̰ jɔmri-jɔmri gə́ to kḛji ləm, Gə dəw gə́ ai néra kori-kori to gə́ mán bèe ləm tɔ wa.

Pakɔsje 51:2

Loo gə́ Natan njetegginta lé ree rəa’g gə goo kaw gə́ Dabid aw ne rɔ Bat-Seba’g lé.

Teḛ-Raga 12:5

Ŋgon badə gə́ seḭ a kwáje lé a to bàlee gə́ ra ləb kára ba gə́ rəa mina̰ el, seḭ a kwaje ŋgon badə əsé ŋgon bya̰ tɔ.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Esai 53:9

Deḛ d’ar dɔɓaree to mbuna njémeeyèrje’g ləm, Ninee to ne mbuna baoje’g ləm tɔ, Lé bèe kara yeḛ lé ra né gə́ kədərə Gə dəw kára kara el ləm, Ta sukəmloo kara Dəw oo təa’g el ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Ejekel 45:18

Mbaidɔmbaije gə́ Njesigənea̰ ɓa pa togə́bè pana: Naḭ gə́ dɔtar ra ndɔ kára ndá d’a kwa bɔ maŋg gə́ rəa maji péd-péd ndá d’a kḭjá gə́ məs mba kɔr ne won loo gə́ to gə kəmee.

Loo gə́ killa rea kəm Daniel’g 6:26

Gée gə́ gogo ndá mbai Darius lé ndaŋg ta ar koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ gə́ d’isi dɔ naŋg nee pana: Maji kar sí síje dan meelɔm’g bèdèg ya!

Ləbije 22:20

Seḭ a kinjaje yee gə́ rəa ya̰ maree kára kara el mbata a taa kəm Njesigənea̰ el tɔ.

Bula lə Israɛlje 28:11

Loo gə́ naḭje lə sí teḛ sigi lé ndá nékinjanéməsje gə́ ka̰ roo gə́ seḭ a kinjaje kar Njesigənea̰ ɓa to nee: Bɔ maŋgje joo ləm, bàl badə kára ləma, gə ŋgan badje siri gə́ ra ləb kára-kára gə́ rɔ dee mina̰ el ləm tɔ.

Bula lə Israɛlje 28:3

I a kula dee pana: Aa ooje, nékinjaməs gə́ ka̰ roo gə́ seḭ a kinjaje karje Njesigənea̰ ɓa nee: ndɔje kára-kára lai lé ŋgan badje joo gə́ ra ləb kára-kára ləm, gə́ rɔ dee mina̰ el ləm tɔ lé d’a to nékinjanéməsje gə́ ka̰ roo gə́ d’a kinja dee ta-ta gə́ kédé-kédé.

Bula lə Israɛlje 28:9

Ndɔ ndɔ-kwa-rɔ lé seḭ a kinjaje ŋgan badje joo gə́ ra ləb kára-kára ləm, rɔ dee mina̰ el ləm tɔ, tɔɓəi nékar lé a to nduji gə́ ndá léréré gə́ mbɔḭ gə ubu as nékwɔji kwɔi-lə-né misa̰ ləm, gə nékai gə́ ka̰ tər naŋg ləm tɔ.

Matiyo 12:28

Lé siŋgamoŋ lə Ndil Ala lé ɓa ma m’tuba ne ndilje gə́ majel ndá ɓeeko̰ lə Ala lé ula iŋga sí mba̰ ya.

Matiyo 16:16

Simo̰ Piɛrə ilá keneŋ pana: I to Kristi gə́ to Ŋgon-Ala gə́ Njesikəmba lé nja.

Matiyo 20:28

Yee gə́ bèe ɓa Ŋgon-dəw ree ne naŋg nee mba ra ne né kar dəwje gə́ dɔ naŋg nee ɓó gə mba kar dəwje gə́ dɔ naŋg nee ɓa ra né d’aree el. Yeḛ ree gə mba kila rəa kɔ gə́ nékoga dɔ dəwje bula ya.

Matiyo 7:11

Togə́bè seḭ gə́ njémeeyèrje ɓəi gə́ seḭ gərje loo kar ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee né gə́ maji lé ɓəi wa.

Lugu 1:74

Mba kar loo gə́ yeḛ wa sí wɔgədɔ kɔr sí ne ji njéba̰je’g lə síje Ndá j’a kwa neḛ meḛ sí’g gə kaar gəd el ŋga ləm,

Lugu 12:24

Oreeje kəm sí sḭ dɔ ga̰-ga̰je’g oo deeje. Dee lé dubu né el ləm, d’inja kó el ləm, dee d’uru bwa ɓa d’ɔm né keneŋ el ləma, dee d’ur dam ɓa d’ɔm né keneŋ el ləm tɔ, nɛ Ala nja gə́ njekul dee ya. See gad sí-seḭ lé ur dɔ ka̰ yelje gə́ d’aw tar lé ɓai-ɓai el wa.

Lugu 12:28

Ɓó lé Ala lé gə́ njekar muje d’ḭ ma̰də nɛ mu gə́ ḭ ma̰də ndɔ kára ba ɓa bèlè d’inja yel ne pər mee pil’g ɓəi nɛ ɓəd ɓa see yeḛ a lal kar sí nékula rɔ sí’g wa, seḭ njémeekunje gə́ əḭ el.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Néra Njékaḭkulaje 1:2

saar ndɔ gə́ d’unee d’aw ne səa dara. Ndəa neelé yeḛ un ndia gə goo siŋgamoŋ lə Ndilmeenda ar njékaḭkulaje ləa gə́ yeḛ ɔr dee unda dee gə kəmee lé d’oo né gə́ yeḛ ndigi kar dee ra.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Néra Njékaḭkulaje 15:9

Yeḛ ɔr kəm síjeḛ ɓəd el ləm, yeḛ ɔr kəm dee-deḛ ɓəd el ləm tɔ. Meekun lə dee ɓa yeḛ ɔr ne won kaiya meḛ dee’g.

Njé gə́ Rɔmə 1:20

Nɛ néje gə́ maji kɔr njoroŋ lə Ala gə́ dumkoo ləm, gə siŋgamoŋ ləa gə́ to gə no̰ ləma, gə rɔkunda ləa gə́ yeḛ unda ləm tɔ lé inja kəm dəwje’g təsərə, ndɔ tum gel naŋg saar ɓasinè, mbata néreaje lai ɔr ginee njai ar dee d’oo. Bèe ndá loo kunda goso lə dəwje godo ŋga,

Njé gə́ Rɔmə 1:4

nɛ teḛ gə́ yeḛ teḛ dɔkumbwa’g lé yee ɓa riba dəa to gə́ yeḛ to Ŋgon-Ala gə́ njesiŋgamoŋ gə goo Ndilmeenda.

Njé gə́ Rɔmə 11:12

Bèe ndá ɓó lé koso lə dee tel to nébao lə naŋg nee ləm, rəm lə dee tel to nébao lə njépole-magəje ləm tɔ ndá see lam gə́ d’a gə lam rɔ dee tel kaar tar jigiri lé see a to né gə́ maji dum unda nje gə́ kédé el wa.

Njé gə́ Rɔmə 11:24

I gə́ deḛ tugai dɔ kag koiyo’g gə́ mee kɔr’g, kɔdé kəm kagɓee gə́ to gə́ dɔ naŋgi el d’ulai keneŋ, nɛ ɓəd ɓa see deḛ gə́ to gə́ barkəm kagɓeeje lé see d’a kɔdé kəm kagɓee mar deeje kula dee keneŋ el wa.

Njé gə́ Rɔmə 6:13

Ya̰je dəb rɔ sí arje kaiya gə mba kar dee tel to gel nékulaje lə néra gə́ ndɔji pɔdɔdɔ el. Seḭ gə́ wəije nɛ seḭ tel sije kəmba gogo lé unje rɔ sí bura arje Ala mba kar dəb rɔ sí to ne gel nékulaje gə́ ka̰ meekarabasur lé.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

1 Njé gə́ Kɔrḭtə 15:45

Gelee gə́ nee ɓa deḛ ndaŋg mee maktub’g pana: Adam, dəw gə́ doŋgɔr lé tel to dəw gə́ si kəmba. Adam gə́ rudu lé tel to ndil gə́ njekula kəmə meḛ dəwje’g.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Njé gə́ Galati 2:19

mbata mbɔl dɔ godndu lé ɓa m’to ne yoo-dəw ginee’g mba karm m’tel m’isi kəmba mbata lə Ala lé.

Njé gə́ Epesə 2:5

ɓa loo gə́ jeḛ j’wəi yoo-kalta lə sí lé ɓəi ndá yeḛ ar sí n’tel j’isi kəmba gə Kristi na̰’d (noji ɓa seḭ ajije ne.)

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Tel tura Godndu 15:21

Ɓó lé rəa ya̰ maree əsé to njemədə əsé kəmee tɔ əsé néje tila rəa’g ndá seḭ a kuneje gə́ nékinjaməs karje Ala lə sí gə́ Njesigənea̰ el.

Tel tura Godndu 17:1

Nékinjaməs gə́ seḭ a kinjaje karje Ala lə sí gə́ Njesigənea̰ lé, maŋg əsé ŋgon badə gə́ rəa ya̰ maree əsé to gə́ njemədə lé seḭ a kḭjáje kaareeje el mbata a to né gə́ mina̰ kəm Njesigənea̰ Ala’g lə sí.

Tel tura Godndu 31:27

Mbata ma m’gər sí gə́ njékaltaje gə njégwɔbkelkwɔije gao ya. Ɓó lé seḭ alje ta ɔsje ne Njesigənea̰ rəw loo gə́ m’isi ne kəmba mbuna sí’g ya ɓəi, ŋga ɓəd ɓa loo gə́ m’wəi mba̰ ndá seḭ a raje kaareeje ur dɔ yee gə́ nee el ɓəi wa.

Tel tura Godndu 33:27

Ala gə́ njesi gə ləbee-ləbee gə nea̰ lé To gə́ njo̰loo-kula-dɔ lə sí, Gel kag jia gə́ to gə no̰ lé To njo̰loo lə sí tɔ. Yeḛ tuba njéba̰je lé no̰ sí’g Pa ne pana: Maji kar dee tuji pugudu ya.

Tel tura Godndu 5:26

Mbata mbuna dəwje lai gə́ d’aw kəmba lé see na̰ ɓa oo ndu Ala gə́ Njesikəmba gə́ pa ne ta dan pər’g to gə́ jeḛ j’ooje nɛ yeḛ si kəmba wa.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 10:10

Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.

Ǝbrəje 10:12

Kristi lé un nékòga kaiya ar Ala gɔl kára ba kiao gə́ ŋgaŋgee ɓa yeḛ rəm sí dɔ jikɔl Ala’g gə no̰.

Ǝbrəje 10:2

Ɓó lé to togə́bè el ndá d’a kəw rɔ dee kun nékoga-kaiyaje kar Ala. Mbata njeaje-je lé gə́ d’wa Ala meḛ dee’g lé loo gə́ deḛ togo won kaiya lə dee gɔl kára mba̰ ndá meḛ dee a kaar kərm dɔ kaiya’g lə dee el ŋga.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 11:21

Meekun lé ɓa loo gə́ Jakob a gə kwəi ndá yeḛ tɔr ne ndia dɔ ŋgan Jisəb’g kára-kára lai. Yeḛ gəd rəa dɔ kag-tɔs’g ləa wa ne Ala mée’g.

Ǝbrəje 13:12

Gelee gə́ togə́bè ɓa Jeju kara wəi ne gir tarəw ɓee gə́ raga gə mba kunda ne dəwje ləa gə kəmee gə darɔ məsee-yeḛ nja tɔ.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

Ǝbrəje 6:1

Gelee gə́ nee ɓa ar sí j’ya̰ néndoo gə́ dɔtar gə́ wɔji dɔ ta lə Kristi ɓa j’aw ne gə́ kédé-kédé dɔ néndoo gə́ ɔr ne dɔ njoroŋ ɓəi ɓó ar sí n’tum gin ta néje neelé gogo el: yee ɓa to ta gə́ wɔji dɔ kya̰ goo néra sí gə́ ləw gə́ unda naŋg ndəs ləm,

Ǝbrəje 7:16

Yeḛ neelé d’undá gə goo godndu gə́ wɔji dɔ darɔ dəw ɓa el, nɛ d’undá gə goo siŋgamoŋ gə́ ḭ rɔ dəw gə́ a si kəmba gə no̰.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

Ǝbrəje 9:12

Ndá yeḛ andə mee loo gə́ to gə kəmee doi lé gɔl kára ba kiao gə́ ŋgaŋgee, yeḛ andə keneŋ gə məs bàl bya̰je gə ŋgan maŋgje ɓa el nɛ darɔ məsee-yeḛ nja ɓa yeḛ aw ne keneŋ. Togə́bè ɓa yeḛ uga ne dɔ sí gə no̰ ya.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

Ǝbrəje 9:7

Nɛ ŋgon kəi gə́ no̰ maree’g lé ŋgɔ-njekinjanéməs nja kára ba kiao ɓa andə keneŋ gɔl kára mee ləb kára-kára lé. Yeḛ aw gə məs mba kuga ne kaiya ləa-yeḛ ləm, gə ka̰ koso-dəwje ləm tɔ. Ɓó lé məs godo ndá yeḛ a kaw keneŋ el.

Ǝbrəje 9:9

Yee ɓa to ban né gə́ wɔji dɔ ndɔ gə́ ɓasinè loo gə́ dəw gə́ wa Ala mée’g ndá yeḛ un nénojije aree ləm, yeḛ inja nékinjanéməsje aree ləm tɔ nɛ néje neelé d’askəm kar mée to ne maji ɔr njoroŋ el ləm, mée aar kərm ɓəi ləm tɔ.

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,

1 Piɛrə 2:22

Yeḛ lé ra nékaiya kára el ləm, ta sukəmloo kára kara dəw oo təa’g el ləm tɔ.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Piɛrə 4:2

gə mba kar loo gə́ yeḛ nai ne gə kəmee ɓəi lé yeḛ a si kəmba mba ra ne né gə́ mee Ala wɔji ɓó gə mba tɔl ne mal néje gə́ ra dəwje gə́ dɔ naŋg nee el.

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.

1 Ja̰ 3:5

Seḭ gərje gao, Jeju lé ree mba kɔr kaiya lə dəwje kɔm kɔrɔ nɛ kaiya kára kara uba rəa təb el.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.