Ǝbrəje 9:10 - Maktub gə́ To gə Kəmee

¹⁰ Mbata né gə́ yeḛ ra gə́ wɔji dɔ nésɔje gə nékaije gə togo won néje gə́ ɓəd-ɓəd lé yee ɓa to ndukunje gə́ ka̰ darɔ gə́ d’ar sí n’ra ŋgina ne ndɔ gə́ d’a gə telee ɓəd ɓəi.

Ǝbrəje 9:10 ပူးပေါင်းရင်းမြစ်များ

Teḛ-Raga 29:4

I a kar Aaro̰ gə ŋganeeje gə́ diŋgam rəm pər gə́ tarəw kəi-kiŋga-na̰ gə́ to gə kəmee’g ndá i a ndogo dee mán.

Teḛ-Raga 40:12

I a kar Aaro̰ gə ŋganeeje gə́ diŋgam d’a rəm pər gə́ tarəw kəi-kubu-kiŋga-na̰’d ndá i a togo dee gə mán.

Ejekel 4:14

Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.

Ləbije 13:58

Kubu, gə kúla kubuje gə́ ŋgal pɔ-pɔ əsé yeḛ gə́ tula mbuna’g əsé gə né gə́ rara gə́ ra gə ndar ɓa deḛ togo ɓəi, ɓó lé moro neelé ɔr keneŋ ndá d’a tel togo gɔl kára tɔɓəi ɓa a kàr ɓəi.

Ləbije 16:24

Yeḛ a ndogo mán mee loo gə́ to gə kəmee’g ndá a tel kula kubuje ləa rəa’g gogo tɔ. Tɔɓəi yeḛ a kunda loo teḛ ndá a kinja nékinjaməs ləa gə́ ka̰ roo lé ləm, gə nékinjaməs lə koso-dəwje gə́ ka̰ roo lé ləm tɔ, bèe ɓa yeḛ a ra né gə́ gə mba kuga ne dɔ kaiya ləa-yeḛ ləm gə ka̰ koso-dəwje lé ləm tɔ.

Ləbije 16:4

Yeḛ a kula kubu gə́ to gə kəmee gə́ ŋgal yududu gə́ ra gə kúla palégal ləm, yeḛ a kula kubu bulaa gə́ ra gə kúla palégal rəa’g ləm tɔ, yeḛ a kwa rḛgee gə gagəra gə́ ra gə kúla palégal ləm, a kula dɔgugu gə́ ra gə kúla palégal dəa’g ləm tɔ, to kubuje gə́ d’unda dee gə kəmee doi gə́ yeḛ a kula rəa’g loo gə́ yeḛ a ndogo mán mba̰ lé tɔ.

Ləbije 22:6

Yeḛ gə́ ɔrɔ rɔ néje neelé ndá a mina̰ saar kàr a kandə, yeḛ a sɔ néje gə́ to gə kəmee lé el, nɛ yeḛ a ndogo mán ɓa,

Bula lə Israɛlje 6:3

yeḛ a kɔg rəa dɔ mán-nduú gə́ mḭ’g ləm, gə dɔ nékaije gə́ miŋ ləm tɔ, yeḛ a kai ma̰-mas gə́ ra gə mán-nduú gə́ mḭ el ləm, əsé ma̰-mas gə́ ra gə nékai gə́ mḭ el ləm tɔ, yeḛ a kai nékai gə́ rara kara gə́ ra gə mán-nduú el ləm, yeḛ a sɔ kandə nduú gə́ təb əsé kandə nduú gə́ tudu nda̰ el ləm tɔ.

Mark 7:4

Loo gə́ d’ḭ loo-nada tel ree kəi kara deḛ d’ɔr won rɔ dee ndɔs ɓad ɓa d’usɔ ne né ɓəi. Deḛ ra néjiɓeje lə dee gə́ raŋg ɓəd-ɓəd loo bula, d’wɔji ne dɔ kaje ləm, gə ku-joje ləma, gə jo larje ləm tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Njé gə́ Epesə 1:10

mba kar loo gə́ ndɔ gə́ wɔji dəa a kaw lée’g béréré ndá yeḛ a mbo̰ néje lai na̰’d gin Kristi’g ya, néje gə́ dara ləm, gə néje gə́ naŋg nee ləm tɔ,

Njé gə́ Epesə 2:15

Dakasrea-yeḛ ɓa yeḛ wa gaŋg ne rəw godndu gə́ ndukunje gə tornduje tɔ keneŋ mba kunda ne koso-dəwje gə́ kudu joo lé kar dee d’ɔm na̰’d to ne gin dəw gə́ sigi kára ba ginee-yeḛ’g ya.

Tel tura Godndu 21:6

Ŋgatɔgje lai gə́ mee ɓee-boo’g neelé, deḛ gə́ d’aw pər gə́ rɔ nin’g lé ndá d’a togo ji dee dɔ ma̰də maŋg gə́ deḛ təd gina gwɔbee kəm-rəw-mán’g lé.

Tel tura Godndu 23:11

Ɓó lé njerɔ kára mbuna sí’g rəa mina̰ mbata lə né gə́ teḛ dəa’g wai loondul’g ndá yeḛ a kunda loo mee loo-si sí’g teḛ raga tɔɓəi a tel kandə loo-si sí’g lé el,

Njé gə́ Kolosə 2:16

Bèe ndá arje dəw kára kara ila ta dɔ sí’g wɔji ne dɔ nésɔ sí əsé dɔ nékai sí el ləm, əsé wɔji dɔ naḭ gə́ raje el ləm, əsé wɔji dɔ naḭ gə́ teḛ sigi’g el ləma, əsé wɔji dɔ ndɔ-kwa-rɔje’g lé el ləm tɔ.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.

Ǝbrəje 2:5

Tɔgərɔ ya ɓeeko̰ gə́ a gə ree gə́ jeḛ m’pa taree j’ar sí lé Ala ar kuraje gə́ dara to gə́ dəw dəaje el.

Ǝbrəje 6:2

gə dɔ meekun gə́ jeḛ j’un j’ar Ala ləm, gə dɔ néndoo gə́ wɔji dɔ ta baptɛməje ɓəd-ɓəd ləm, gə dɔ kila ji dɔ dəwje’g ləm, gə dɔ teḛ dɔkumbwa’g lə dəwje ləma, gə dɔ rəwta gə́ gaŋg dɔ dəwje’g gə no̰ ləm tɔ.

Ǝbrəje 6:5

deḛ naa ta lə Ala d’oo majee ləma, ləb gə́ si ree lé deḛ naa siŋgamoŋgee ləm tɔ lé

Ǝbrəje 7:12

Mbata loo gə́ kula kinja néməs tel to ɓəd ndá godndu kara d’a telee ɓəd tɔ.

Ǝbrəje 7:16

Yeḛ neelé d’undá gə goo godndu gə́ wɔji dɔ darɔ dəw ɓa el, nɛ d’undá gə goo siŋgamoŋ gə́ ḭ rɔ dəw gə́ a si kəmba gə no̰.

Ǝbrəje 9:1

Manrɔ gə́ dɔtar lé ndukun ləa gə́ wɔji dɔ kwa Ala meḛ dee’g to keneŋ ləm, kəi ləa gə́ to gə kəmee to keneŋ ləm tɔ.