Ǝbrəje 9:1 - Maktub gə́ To gə Kəmee

¹ Manrɔ gə́ dɔtar lé ndukun ləa gə́ wɔji dɔ kwa Ala meḛ dee’g to keneŋ ləm, kəi ləa gə́ to gə kəmee to keneŋ ləm tɔ.

Ǝbrəje 9:1 ပူးပေါင်းရင်းမြစ်များ

Teḛ-Raga 25:8

Deḛ d’a ra kəi gə́ to gə kəmee ɓəd mbata ləm ndá m’a si mbuna dee’g ya.

Ejekel 43:11

Ɓó lé d’ar rɔ dee kul tɔgərɔ dɔ panjaa deeje’g lai ndá maji kari ar dee gər loo ra kəi neelé ləm, gə loo gə́ a to keneŋ ləm, gə loo kunda loo teḛ ragaje gə loo kandə kəije ləm, gə rəw reaje ləm, gə ndukunje gə́ wɔji dəa lai ləm, gə rəw reaje ləma, gə godnduje lai gə́ wɔji dəa lai ləm tɔ, I a ndaŋg tareeje lai kəm dee’g mba kar dee d’aa dɔ rəw reaje lai ləm, gə dɔ ndukunje lai gə́ wɔji dəa ləma, kar dee ra né gə goo lé gə́ tɔji dee ləm tɔ.

Ləbije 18:30

Bèe ndá seḭ a kaaje dɔ godndumje kər-kər ləm, seḭ a raje né kára mbuna néje’d gə́ to kḛji gə́ deḛ ra kédé no̰ sí’g lé el ləma, seḭ a karje rɔ sí mina̰ ne el ləm tɔ. Ma m’to Njesigənea̰, Ala lə sí ya.

Ləbije 22:9

D’a kaa dɔ godndumje kər-kər nà banelə ta kaiya lə dee a kwa dɔ dee kar dee d’wəi ne mbata kila gə́ d’ila ndɔl dɔ deḛ gə́ to gə kəmee’g lé.

Bula lə Israɛlje 9:12

D’a kya̰ né kára kara saar kar loo àr dɔ’g el ləm, d’a təd siŋga da kára kara el ləm tɔ. D’a ra gə goo ndukunje lai gə́ wɔji dɔ naḭ Pag lé ya.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Njé gə́ Rɔmə 9:4

deḛ gə́ to Israɛlje lé. Ala nja tel dee gə́ ŋganeeje ləm, ula rɔnduba dɔ dee’g ləm, man rəa ar dee ləm, ar dee godndiaje ləm, ar dee kəi-siée ləm,

Njé gə́ Kolosə 2:8

Undaje kəmkàr dɔ rɔ sí’g mba kar dee busu sí gə sutaje el əsé gə kəsta gə́ gə mḭdé-mḭdé ba el. Taje neelé deḛ dum gin dee dɔ néjiɓee’g lə dəwje ləm, gə dɔ négər gə́ dɔtar gə́ ka̰ naŋg nee gə́ tar néje gə́ tar ɓəi ləm tɔ ɓó tum gin dee dɔ Kristi’g el.

Ǝbrəje 8:13

Loo gə́ yeḛ pana: Manrɔ gə́ sigi lé yeḛ ar yeḛ gə́ dɔtar lé to né gə́ ləw. Tɔɓəi né gə́ ləw gə́ a gə ŋgisi lé nai lam ba a sané pá. Tɔɓəi né gə́ ləw gə́ a gə ŋgisi lé nai lam ba a sané pá.

Ǝbrəje 8:2

Yeḛ ra kula mee kəi-Ala gə́ to gə kəmee gə́ to kəi-kiŋga-na̰ gə́ gəd gə́ Mbaidɔmbaije ɓa unda ɓó ji dəw ɓa ra el.

Ǝbrəje 8:7

Tɔgərɔ ya, ɓó lé manrɔ gə́ dɔtar to puduru el ndá d’a saŋg njetaa toree el.

Ǝbrəje 9:24

Mbata Kristi lé ula dəa mee kəi gə́ to gə kəmee gə́ ji dəw ra ndaji ne kankəmee lé el. Nɛ yeḛ andə dara nja mba kaar ne no̰ Ala’g mbata lə síjeḛ.