Ǝbrəje 8:5 - Maktub gə́ To gə Kəmee

⁵ Deḛ gə́ ra kula kwa Ala meḛ dee’g lé d’wa néje gə́ naŋg nee tɔji dee ne néje gə́ dara, gə goo né gə́ Ala tɔji Moyis loo gə́ yeḛ a gə la kəi-kubu-kiŋga-na̰ lé pana: Ra lɔr-lɔr to gə́ nékwɔji maree gə́ ma m’tɔjii dɔ mbal’g lé.

Ǝbrəje 8:5 ပူးပေါင်းရင်းမြစ်များ

1 Sôrta Gḭka-Israɛlje 28:12

Yeḛ tɔjee néje lai gə́ yeḛ wɔji mée’g mba ra gə́ wɔji ne dɔ gadlooje kəi lə Njesigənea̰ ləm, gə ŋgan kəije lai gə́ gugu dɔ kəi mbata nébaoje gə́ ka̰ kəi Ala ləm, gə nébaoje gə́ wɔji dɔ loo gə́ to gə kəmee doi lé ləm,

1 Sôrta Gḭka-Israɛlje 28:19

Dabid pana: Néje lai neelé to gə goo ndaŋgee gə́ Njesigənea̰ ndaŋg gə jia ɓa yeḛ am gosonégər gə mbata néje lai neelé gə goo nétɔjije gə́ wɔji dɔ dee dɔ dee.

Teḛ-Raga 25:40

Oo maji ndá ra gə goo lé gə́ tɔjii dɔ mbal’g lé ya.

Teḛ-Raga 25:9

Seḭ a raje kəi-kubu-si-Ala mee ndògo’g gə nékulaje lai gə́ wɔji dəa gə goo lée gə́ m’a gə tɔji ɓəi.

Teḛ-Raga 26:30

D’a la kəi-kubu-si-Ala gə goo lé gə́ tɔji-i dɔ mbal’g lé ya.

Teḛ-Raga 27:8

D’a ra loo-nékinjaməs gə gaji kagje gə́ tɔl dee ndá a kar mée to tag, d’a ra to gə́ tɔji-i ne dɔ mbal’g lé ya.

Bula lə Israɛlje 8:4

Kag pərndɔ lé deḛ ra gə larlɔr gə́ ra kəi-kɔrɔ un kudee gɔlee gə́ naŋg saar teḛ loo gə́ ra né keneŋ asəna gə pudee bèe lé. To yee gə́ ra gə larlɔr gə́ ra kəi-kɔrɔ ya, kag pərndɔ neelé Moyis ra gə goo tɔji gə́ Njesigənea̰ tɔjee lé ya.

Matiyo 2:12

Tɔɓəi deḛ d’ḭ d’un rəw gə́ raŋg d’unda gaŋg ɓee lə dee mbata deḛ ni, d’oo to gə́ Ala ndəji dee, ɔg dee tel kaw gə rəw gə́ ɓee lə Herɔdə ya.

Néra Njékaḭkulaje 7:44

Bɔ síje-je lé loo gə́ deḛ d’aw dɔdilaloo’g ndá kəi-surum gə́ ka̰ kɔr ginta lé to dan dee’g. To yeḛ gə́ Ala lé un ndia ar Moyis ra gə goo lé gə́ yeḛ oo lé.

Njé gə́ Kolosə 2:17

Néje lai neelé to gə́ ndil néje gə́ gəd gə́ d’a gə ree ɓəi nɛ Kristi ɓa to gə́ darɔ né gə́ gəd ya.

Ǝbrəje 10:1

Tɔgərɔ ya godndu lé gə́ wa ndil néje gə́ wɔji dɔ darɔ néje gə́ a gə ree lé to mbɔree’g ɓó to as səa béréré-béréré el. Togə́bè ɓa nékinjanéməsje gə́ deḛ d’inja d’ɔs ne goo na̰ goo na̰ gə ləb dee ləb dee lé d’askəm kar njeaje-je to ne maji d’ɔr njoroŋ el.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Ǝbrəje 13:10

Loo-nékinjaməs lə sí to keneŋ nɛ deḛ gə́ ra kula kəi-kubu-kiŋga-na̰’g lé d’askəm sɔ né lée’g el.

Ǝbrəje 9:9

Yee ɓa to ban né gə́ wɔji dɔ ndɔ gə́ ɓasinè loo gə́ dəw gə́ wa Ala mée’g ndá yeḛ un nénojije aree ləm, yeḛ inja nékinjanéməsje aree ləm tɔ nɛ néje neelé d’askəm kar mée to ne maji ɔr njoroŋ el ləm, mée aar kərm ɓəi ləm tɔ.

Jujé 22:28

Jeḛ j’ə̰jije ta meḛ sí’g m’pana: ndɔ gə́ raŋg, ɓó lé d’a kula sí ta togə́bè əsé d’a kula ŋgaka síje taree bèe ndá j’a kila deeje keneŋ pana: Ooje loo-nékinjanéməsje gə́ bɔ síje-je ra gə́ to tana gə loo-nékinjaməs lə Njesigənea̰ lé. Nɛ deḛ ra mbata lə nékinjaməs gə́ ka̰ roo əsé nékinjanéməsje gə́ raŋg el nɛ gə mba karee to nékɔrkəmta mbuna síjeḛ sə síje’g ɓa.

Loo gə́ killa rea kəm Ja̰’g 15:5

Gée gə́ gogo m’aa loo gərərə ndá m’oo ta kəi-Ala gə́ wɔji dɔ dəb kəi gə́ to gə kəmee gə́ ka̰ kɔr goo ta lé teḛ to tag.