Ǝbrəje 8:10 - Maktub gə́ To gə Kəmee

¹⁰ Aa ooje, man gə́ m’a man rɔm kar gel-bɔje lə Israɛlje Loo gə́ ndɔje neelé dəs mba̰ ɓa nee: M’a kula godndumje meḛ dee’g ləm, M’a ndaŋg dee dɔɓəŋgərə dee’g ləm tɔ. Mbaidɔmbaije ɓa pa bèe. N’a to Ala lə dee ləm, Deḛ kara d’a to koso-dəwje neḛ ləm tɔ.

Ǝbrəje 8:10 ပူးပေါင်းရင်းမြစ်များ

Teḛ-Raga 24:4

Moyis ndaŋg taje lə Njesigənea̰ lé lai. Tɔɓəi yeḛ ḭta gə ndɔ rad, ndá yeḛ unda loo-nékinjaməs mbɔr mbal’g, yeḛ tɔs kɔr mbalje dɔg-gir-dee-joo dɔ na̰’d wɔji ne dɔ ginkoji lə Israɛlje gə́ dɔg-gir-dee-joo lé.

Teḛ-Raga 24:7

Yeḛ un maktub manrɔ tura kəm dəwje’g, ndá deḛ pana: Jeḛ j’a raje néje lai gə́ Njesigənea̰ pa ləm, j’a kilaje ŋgonkoji dəa’g ləm tɔ.

Teḛ-Raga 34:1

Njesigənea̰ ula Moyis pana: I nja gə́ tɔl bəgərə mbalje joo asəna gə njé gə́ kédé lé ndá ta gə́ to bəgərə mbalje gə́ i təd njigi-njigi kédé lé m’a tel ndaŋg gogo ɓəi.

Teḛ-Raga 34:27

Njesigənea̰ ula Moyis pana: Maji kari ndaŋg taje neelé, mbata to gə goo taje gə́ neelé ɓa ma mán ne rɔm m’ari-i gə Israɛlje.

Pa gə́ ur dɔ paje 2:16

Yeḛ gə́ m’undá dan kəm’g lé Yeḛ to kama̰ ndá ma m’to kea̰-yeḛ tɔ. Yeḛ ar koso-nékulje ləa d’aw d’o̰ mu Mbuna puduje’g lé ya.

Jeremi 24:7

M’a kar dee ɓəŋgərə dee gə́ ka̰ gərm to gə́ ma m’to Njesigənea̰, ɓó lé d’a tel ree rɔm’g gə meḛ dee bura ndá d’a to koso-dəwje ləm ləm, m’a to Ala lə dee ləm tɔ.

Jeremi 31:1

Njesigənea̰ pana: Mee ndəa’g neelé m’a to Ala lə gel-bɔje lə Israɛlje lai ndá deḛ kara d’a to koso-dəwje ləm tɔ.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Jeremi 32:38

D’a to koso-dəwje ləm ndá m’a to Ala lə dee tɔ.

Jeremi 32:40

M’a kun ndum kar dee gə manrɔ gə́ to gə no̰ ndá m’a kuba dee kya̰ dee el ləm, m’a ra sə dee meemaji ləma, m’a kar ɓəlm to dɔɓəŋgərə dee’g ləm tɔ gə mba kar dee sa rɔ dee rɔm’g el ŋga.

Ejekel 37:27

Loo-si neḛ a to mbuna dee’g ləm, n’a to Ala lə dee ləma, deḛ d’a to koso-dəwje lə neḛ ləm tɔ.

Ejekel 39:22

Gel-bɔje lə Israɛl d’a gər to gə́ neḛ n’to Njesigənea̰, Ala lə dee un kudee mee ndəa’g neelé saar teḛ ne mee ndɔje gə́ d’a gə ree ɓəi.

Ojee 2:23

Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Jakari 8:8

N’a ree sə dee ndá d’a si Jerusalem, D’a to koso-dəwje lə neḛ ləm, N’a to Ala lə dee Gə goo kankəmta gə néra gə́ danasur ləm tɔ.

Matiyo 22:32

Ma m’to Ala lé lə Abrakam ləm, gə Ala lé lə Isaak ləma, gə Ala lé lə Jakob ləm tɔ. Bèe ndá Ala lé to ka̰ njé gə́ d’isi kəmba lé ɓó to ka̰ njé gə́ d’wəi lé el.

Njé gə́ Rɔmə 11:27

Yee ɓa a to manrɔ gə́ n’a mán ne rɔ neḛ kar dee, Loo gə́ n’a kɔr kaiya lə dee ndɔs-ndɔs.

1 Njé gə́ Kɔrḭtə 6:16

See seḭ gərje el wa, yeḛ gə́ unda rəa na̰’d mbo̰-mbo̰ gə kaiya-dené ndá yeḛ tel to gə́ darɔ gə́ kára ba səa na̰’d tɔ. See seḭ gərje bèe el wa. Mbata deḛ pa mee maktub’g pana: Deḛ joo bɔr d’a tel to darɔ gə́ kára ba.

2 Njé gə́ Kɔrḭtə 3:3

Tɔgərɔ ya, seḭ toje asəna gə maktub kɔrginrɔ sí gə́ ḭ rɔ Kristi’g gə goo kula gə́ jeḛ n’ra mbuna sí’g. Ta gə́ ndaŋg keneŋ lé jeḛ ndaŋg gə manee kari ba el nɛ Ndil Ala gə́ njesikəmba lé yeḛ nja ɓa gə́ njḛda̰gee ləm, to ta gə́ ndaŋg bəgərə mbal’g el, nɛ seḭ dəwje lé dɔɓəŋgərə sí ɓa gə́ loo ndaŋgee ya ləm tɔ.

Tel tura Godndu 30:6

Ala lə sí gə́ Njesigənea̰ a kinja tamɔd sí gə́ wɔji dɔ dɔɓəŋgərə sí ləm, gə dɔɓəŋgərə ŋgan meḛ síje ləm tɔ, bèe ɓa seḭ a ndigije ne Ala lə sí gə́ Njesigənea̰ dɔɓəŋgərə sí’g ləm, gə rɔ sí bura ləm tɔ gə mba kar sí síje ne kəmba ya.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.

Maktub gə́ Jak ula ne ar ngan-Allaje 1:21

Gelee gə́ nee ɓa maji kar sí mbadje né gə́ ram gə́ rara kara ləm, gə né gə́ yèr gə́ rara kara ləm tɔ. Ta gə́ deḛ dubu meḛ sí’g lé ndá taaje gə meekul, yee ɓa seḭ a kajije ne ya.

1 Piɛrə 1:23

Ko gə́ a kunda naŋg el lé ɓa yeḛ oji sí ne sigi ɓó kó gə́ a kunda naŋg dəs lé el. Yee ɓa to ta lə Ala gə́ to ta gə́ kəmba gə no̰ lé.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.