Ǝbrəje 7:8 - Maktub gə́ To gə Kəmee

⁸ Loo kára neelé deḛ gə́ taa nékar gə́ kaiee loo dɔg ɓa un təa kára-kára lé to gə́ dəwje ba nɛ loo kára gə́ raŋg lé njetaa nékar neelé to yeḛ gə́ to njesikəmba to gə́ maktub pa taree lé.

Ǝbrəje 7:8 ပူးပေါင်းရင်းမြစ်များ

Tagə́maji gə́ Ja̰ ndang 14:19

Waga ba bèe ndá dəwje gə́ dɔ naŋg nee d’a koom el ŋga, nɛ seḭ lé seḭ a koomje ya mbata m’isi kəmba ndá seḭ kara a sije kəmba ya tɔ.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Ǝbrəje 3:16

See na̰je ɓa to njékaltaje loo gə́ deḛ d’oo ndia mba̰ lé wa. See to deḛ gə́ d’ḭ Ejiptə gə́ Moyis ɔr no̰ dee lé el wa.

Ǝbrəje 5:6

Loo gə́ raŋg yeḛ pa to pana: I to njekinjanéməs gə no̰, Gə goo ka̰ Melkisedek.

Ǝbrəje 6:20

loo gə́ Jeju lé aw gə́ ŋgaw ta sí keneŋ mbata yeḛ nja d’aree to gə́ ŋgɔ-njekinjanéməs saar-saar gə́ no̰, gə goo ka̰ Melkisedek ya.

Ǝbrəje 7:23

Tɔɓəi, njékinjanéməsje lé deḛ bula d’ɔs goo na̰ goo na̰ mbata kwəi lə dee o̰ el ɓa ɔg dee si njaŋg gə no̰.

Ǝbrəje 7:7

Tɔgərɔ ya, yeḛ gə́ tɔr ndia dɔ maree’g lé ur dɔ maree’g ya, loo maḭyee godo.

Ǝbrəje 7:9

Tɔɓəi Lébi gə́ taa nékar gə́ kaiee loo dɔg ɓa un təa kára-kára ji dəwje’g lé yeḛ nja ɓa uga təa kára bèe gə ji bɔbeeje Abrakam

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.