Ǝbrəje 7:27 - Maktub gə́ To gə Kəmee

²⁷ Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

Ǝbrəje 7:27 ပူးပေါင်းရင်းမြစ်များ

Ejekel 43:19

I a kar njékinjanéməsje gə́ to Ləbije gə́ to gə́ ginka’g lə Sadɔk, deḛ gə́ d’aw rɔ neḛ’g ra né d’ar neḛ lé bɔ maŋg kára gə́ nékinjaməs gə́ ka̰ kuga dɔ kaiya. Mbaidɔmbaije gə́ Njesigənea̰ ɓa pa bèe.

Ləbije 16:11

Aaro̰ a kinja bɔ maŋg ləa gə́ ka̰ kuga dɔ kaiya lé ndá yeḛ a kuga ne dɔ kaiya ləa-yeḛ ləm gə ka̰ njémeekəije ləa ləm tɔ. Yeḛ a kinja gwɔb bɔ maŋg ləa gə́ ka̰ kuga dɔ kaiya ləa-yeḛ lé togə́bè ya.

Ləbije 16:15

Yeḛ a kinja gwɔb bàl bya̰ gə́ ka̰ kuga dɔ kaiya lə dəwje lé ndá a kaw gə məsee njal mee kubu gə́ gaŋg ne mee kəi gə́ to gə kəmee doi’g. Yeḛ a ra gə məs neelé to gə́ ra ne gə məs bɔ maŋg gə́ kédé lé bèe ndá yeḛ a saga dɔ kidata sa̰duk-manrɔ gə́ wɔji dɔ meekoso lemsé ləm, gə nea̰’g ləm tɔ.

Ləbije 16:6

Aaro̰ a kinja bɔ maŋg ləa gə́ nékinjaməs gə́ ka̰ kuga dɔ kaiya ndá yeḛ a kuga ne dɔ kaiya ləa-yeḛ ləm, gə ka̰ njémeekəije ləa ləm tɔ.

Njé gə́ Rɔmə 6:10

Mbata kwəi gə́ yeḛ wəi lé yeḛ udu ne bwa-kaiya ya gɔl kára ba kiao gə́ ŋgaŋgee, nɛ tel gə́ yeḛ tel si kəmba lé yeḛ si kəmba mbata lə Ala.

Njé gə́ Epesə 2:22

Seḭje kara yeḛ rɔd sí ta na̰’d ar sí toje ne tar gəd-gəd mba kar sí toje kəi gə́ Ndil Ala a si keneŋ tɔ.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 5:1

Tɔgərɔ ya, ŋgɔ-njekinjanéməs gə́ rara kara deḛ d’ɔree mbuna dəwje’g mba karee nai gə dəwje rɔ Ala’g, mba karee mbo̰ nénojije gə nékoga-kaiyaje kar Ala.

Ǝbrəje 5:3

Rəm ləa-yeḛ ɓa aree un ne nékoga kaiyaje ar Ala mbata kaiya ləa-yeḛ ləm, gə ka̰ koso-dəwje lé ləm tɔ.

Ǝbrəje 8:4

Ɓó lé yeḛ nai dɔ naŋg nee ndá yeḛ a to njekinjanéməs el mbata lé neelé deḛ d’un né d’ar Ala gə goo godndu lé ɓa.

Ǝbrəje 9:12

Ndá yeḛ andə mee loo gə́ to gə kəmee doi lé gɔl kára ba kiao gə́ ŋgaŋgee, yeḛ andə keneŋ gə məs bàl bya̰je gə ŋgan maŋgje ɓa el nɛ darɔ məsee-yeḛ nja ɓa yeḛ aw ne keneŋ. Togə́bè ɓa yeḛ uga ne dɔ sí gə no̰ ya.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Ǝbrəje 9:25

Ŋgɔ-njekinjanéməs lé andə mee kəi gə́ to gə kəmee lé gə məs néje gə́ raŋg gɔl kára gə ləb kára-kára lé nɛ Kristi ɓa andə dara, ya̰ rəa ar Ala gɔl bula togə́bè el.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

Ǝbrəje 9:7

Nɛ ŋgon kəi gə́ no̰ maree’g lé ŋgɔ-njekinjanéməs nja kára ba kiao ɓa andə keneŋ gɔl kára mee ləb kára-kára lé. Yeḛ aw gə məs mba kuga ne kaiya ləa-yeḛ ləm, gə ka̰ koso-dəwje ləm tɔ. Ɓó lé məs godo ndá yeḛ a kaw keneŋ el.