Ǝbrəje 7:26 - Maktub gə́ To gə Kəmee

²⁶ Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Ǝbrəje 7:26 ပူးပေါင်းရင်းမြစ်များ

Pakɔsje 68:18

Pusu-rɔje lə Njesigənea̰ lé Kudu kára lé bula digi-digi, bula digi-digi as loo dɔg-dɔg, Mbaidɔmbaije lé si mbuna dee’g, Sinai lé to mee loo gə́ to gə kəmee’g.

Teḛ-Raga 28:36

D’a léḛ larlɔr gə́ àr ŋgad-ŋgad ndá d’a tḭja né keneŋ to gə́ tḭja ne nétorjije bèe pana: TO GƎ KƎMEE KAR NJESIGƎNEA̰.

Esai 53:9

Deḛ d’ar dɔɓaree to mbuna njémeeyèrje’g ləm, Ninee to ne mbuna baoje’g ləm tɔ, Lé bèe kara yeḛ lé ra né gə́ kədərə Gə dəw kára kara el ləm, Ta sukəmloo kara Dəw oo təa’g el ləm tɔ.

Ejekel 44:27

Ndɔ gə́ yeḛ a kandə mee loo gə́ to gə kəmee’g mee gadloo gə́ kəi kɔrɔg gə mba ra kula keneŋ ndá yeḛ a kinja nékinjaməs gə́ wɔji dəa-yeḛ mba kuga ne dɔ kaiya, Mbaidɔmbaije gə́ Njesigənea̰ ɓa pa bèe.

Bula lə Israɛlje 29:26

Ndɔ gə́ njekɔm’g mi lé seḭ a kinjaje bɔ maŋgje jinaikara ləm, gə bàl badje joo ləma, gə ŋgan badje dɔg-giree-sɔ gə́ ra ləb kára-kára ba gə́ rɔ dee mina̰ el gə́ məs tɔ,

Matiyo 27:18

Mbata yeḛ gər gao, kəmkəḭ ɓa d’ila ne Jeju jia’g.

Mark 16:19

Mbaidɔmbaije lé loo gə́ yeḛ ɔr ta neelé ula dee togə́bè mba̰ ndá né unee mbuna dee’g igi səa dara kag aree si dɔ jikɔl Ala’g tɔ.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 23:22

Pilatə tel dəji dee ɔm gə́ gɔl munda pana: See né gə́ majel gə́ yeḛ ra lé gə́ ɗi wa. Ma m’iŋga ta gə́ wa dəa gə́ as yée kára bèe el. Bèe ndá m’a kundá gə ndəi-kɔb ndá m’a kundá kilá tar.

Lugu 23:41

Jeḛ səi lé ta gə́ deḛ gaŋg dɔ sí’g lé deḛ gaŋg lée’g ya mbata néra sí ɓa gaŋgta ɔm dɔ sí’g ya, nɛ yeḛ neelé ra né gə́ majel kára kara el.

Lugu 23:47

Loo gə́ ɓé-njérɔje oo né gə́ teḛ togə́bè lé ndá yeḛ pidi Ala pana: Tɔgərɔ ya, dəw neelé to gə́ njemeekarabasur ya.

Lugu 24:26

See Kristi lé néurti a rəa togə́bè ɓa mba karee andə ne loo-ronduba’g ləa lé el wa.

Lugu 24:46

Yeḛ ula dee pana: Togə́bè deḛ ndaŋg taree mee maktub’g pana: Kristi lé néurti a rəa ləm, ndɔ munda ndá yeḛ a kunda loo teḛ dan njé gə́ d’wəi’g ləm,

Tagə́maji gə́ Ja̰ ndang 14:30

M’a koo loo kula sí ta yaa̰ el ŋga, mbata mbai gə́ naŋg neelé si aw gə́ nee. Nɛ yeḛ askəm ra səm né kára el.

Tagə́maji gə́ Ja̰ ndang 8:29

Yeḛ gə́ njekulam lé yeḛ nai səm na̰’d ya ɓó yeḛ ya̰’m gə karm el, mbata ndɔm-ndɔm ma m’ra né gə́ taa kəmee rəgm ya.

Néra Njékaḭkulaje 3:14

Seḭ nja seḭ mbadje yeḛ gə́ to Njemeenda ləm, gə Njemeekarabasur ləm tɔ nɛ seḭ dəjije njetɔl dəw mareeje ɓa gə mba kar dee d’ilá tar d’ar sí.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 7:11

Kula ra ka̰ Lebije gə́ to kula ra njékinjanéməsje lé ginee ḭ maktub godndu gə́ d’ar dəwje. Ɓó lé kula ra dee to né gə́ maji ɔr njoroŋ ndá see ban ɓa njekinjanéməs gə́ raŋg gə goo ka̰ Melkisedek ɓó gə goo ka̰ Aaro̰ el lé see a kḭ keneŋ wa.

Ǝbrəje 8:1

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,

1 Piɛrə 2:22

Yeḛ lé ra nékaiya kára el ləm, ta sukəmloo kára kara dəw oo təa’g el ləm tɔ.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.

1 Ja̰ 3:5

Seḭ gərje gao, Jeju lé ree mba kɔr kaiya lə dəwje kɔm kɔrɔ nɛ kaiya kára kara uba rəa təb el.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana: