Ǝbrəje 7:23 - Maktub gə́ To gə Kəmee

²³ Tɔɓəi, njékinjanéməsje lé deḛ bula d’ɔs goo na̰ goo na̰ mbata kwəi lə dee o̰ el ɓa ɔg dee si njaŋg gə no̰.

Ǝbrəje 7:23 ပူးပေါင်းရင်းမြစ်များ

Matiyo 3:14

Nɛ Ja̰ ɔsee ŋgərəŋ pana: Ma m’aw ndooi gə mba kari ɓa ram batɛm. See ban ɓa i ɔd aḭ ree rɔm’g tɔɓəi wa.

Ǝbrəje 7:21

Mbata Lebije lé loo gə́ deḛ tel to njékinjanéməsje ndá deḛ manrɔ dee dɔ dee’g el. Nɛ Jeju lé tel to njekinjanéməs gə goo ta manrɔ lə yeḛ gə́ ulá ta pana: Mbaidɔmbaije un ndia njaŋg gə rɔkubu ɓó a pəl ta el. I to njekinjanéməs gə no̰, gə goo ka̰ Melkisedek.

Ǝbrəje 7:22

Gelee gə́ nee ɓa Jeju ila ne dər gin manrɔ gə́ to maji ɔr njoroŋ lé ya.

Ǝbrəje 7:24

Nɛ yeḛ nja gə́ si kəmba gə no̰ ɓa si gə kula kinja néməs gə́ to né kya̰ gogo kar dəw gə́ raŋg el.

Ǝbrəje 7:8

Loo kára neelé deḛ gə́ taa nékar gə́ kaiee loo dɔg ɓa un təa kára-kára lé to gə́ dəwje ba nɛ loo kára gə́ raŋg lé njetaa nékar neelé to yeḛ gə́ to njesikəmba to gə́ maktub pa taree lé.