Ǝbrəje 7:11 - Maktub gə́ To gə Kəmee

¹¹ Kula ra ka̰ Lebije gə́ to kula ra njékinjanéməsje lé ginee ḭ maktub godndu gə́ d’ar dəwje. Ɓó lé kula ra dee to né gə́ maji ɔr njoroŋ ndá see ban ɓa njekinjanéməs gə́ raŋg gə goo ka̰ Melkisedek ɓó gə goo ka̰ Aaro̰ el lé see a kḭ keneŋ wa.

Ǝbrəje 7:11 ပူးပေါင်းရင်းမြစ်များ

Njé gə́ Galati 2:21

Noji lə Ala lé ma m’ɔs rəw el mbata ɓó lé mbɔl dɔ godndu lé ɓa dəw a to gə́ njemeekarabasur ndá kwəi gə́ Kristi wəi lé to né gə́ mḭdé ba ya.

Njé gə́ Galati 4:3

Togə́bè ɓa jeḛ kara loo gə́ jeḛ nai ŋganje gə́ gɔ ɓəi lé j’isi gə́ ɓərje gin néje gə́ əḭ el gə́ dɔ naŋg neelé tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Ǝbrəje 5:10

Ala nja ɓaree ne ŋgɔ-njekinjanéməs gə goo ka̰ Melkisedek.

Ǝbrəje 5:6

Loo gə́ raŋg yeḛ pa to pana: I to njekinjanéməs gə no̰, Gə goo ka̰ Melkisedek.

Ǝbrəje 6:20

loo gə́ Jeju lé aw gə́ ŋgaw ta sí keneŋ mbata yeḛ nja d’aree to gə́ ŋgɔ-njekinjanéməs saar-saar gə́ no̰, gə goo ka̰ Melkisedek ya.

Ǝbrəje 7:10

mbata yeḛ nai mee bɔbeeje’g ɓa Melkisedek ree tila kəm Abrakam ɓəi.

Ǝbrəje 7:12

Mbata loo gə́ kula kinja néməs tel to ɓəd ndá godndu kara d’a telee ɓəd tɔ.

Ǝbrəje 7:13

Tɔgərɔ ya, yeḛ gə́ ta neelé wɔji dəa lé ginkojee to gə́ ɓəd, dəw ləa gə́ kára kara ra kula loo-nékinjaməs’g gɔl kára el.

Ǝbrəje 7:15

Yee gə́ neelé to raga ndəgəsə ya. Tɔɓəi njekinjanéməs gə́ raŋg asəna gə Melkisedek ɓa ḭ tum ginee gə́ raŋg.

Ǝbrəje 7:21

Mbata Lebije lé loo gə́ deḛ tel to njékinjanéməsje ndá deḛ manrɔ dee dɔ dee’g el. Nɛ Jeju lé tel to njekinjanéməs gə goo ta manrɔ lə yeḛ gə́ ulá ta pana: Mbaidɔmbaije un ndia njaŋg gə rɔkubu ɓó a pəl ta el. I to njekinjanéməs gə no̰, gə goo ka̰ Melkisedek.

Ǝbrəje 8:7

Tɔgərɔ ya, ɓó lé manrɔ gə́ dɔtar to puduru el ndá d’a saŋg njetaa toree el.

Ǝbrəje 9:6

Loo gə́ deḛ gɔl dɔ néje neelé lai d’ar dee to lée’g mba̰ ndá njékinjanéməsje gə́ ra kula lé d’aw mee kəi-kubu gə́ to par gə́ kédé lé ta-ta ya.