Ǝbrəje 6:9 - Maktub gə́ To gə Kəmee

⁹ Seḭ gə́ j’unda sí dan kəm sí’g lé ɓó lé jeḛ m’pa togə́bè kara meḛ sí to dɔ sí-seḭ’g ɓəi, jeḛ n’gər gao, néje gə́ maji unda gə́ d’a kɔm sí rəw-kaji’g ɓa wɔji dɔ sí.

Ǝbrəje 6:9 ပူးပေါင်းရင်းမြစ်များ

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Mark 16:16

Yeḛ gə́ a kɔm mée dɔ’g kar dee rəa batɛm lé a kaji ne ya, nɛ yeḛ gə́ a kɔm mée dɔ’g el ndá taree a kwa dəa ya tɔ.

Néra Njékaḭkulaje 11:18

Loo gə́ d’oo ta neelé mba̰ ndá meḛ dee oso naŋg po̰ ar dee d’ula rɔnduba dɔ Ala’g pana: Ala lé ya ar njétareeje d’wa ndòo rɔ dee dɔ kaiya’g lə dee gə mba kar dee-deḛ nja kara d’a si ne gə kəmə lé tɔ.

Néra Njékaḭkulaje 20:21

Ma m’ula ne Jibje gə Grekje ta kwa ndòo rɔ dɔ kaiya’g lə dee rɔ Ala’g lé ɓó gə kar dee d’un ne meḛ dee d’ar Mbaidɔmbaije Jeju Kristi.

1 Njé gə́ Kɔrḭtə 10:14

Yee gə́ bèe ɓa, ma m’ula sí ne, seḭ gə́ ma m’unda sí dan kəm’g lé mba kar sí saaje rɔ sí rɔ magə-poleje’g.

2 Njé gə́ Kɔrḭtə 12:19

Ləw ba saar ɓasinè, seḭ ə̰jije meḛ sí’g pajena: Jeḛ lé n’saŋg loo gə mba taa rɔ sí ɓa ji sí-seḭ’g. Jeḛ lé j’ɔm na̰’d gə Kristi ɓa jeḛ m’pata nee no̰ Ala’g ɓa. Seḭ gə́ m’unda sí dan kəm’g lé jeḛ m’pata néje neelé mba kunda ne siŋga sí dɔ maree’g.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

2 Njé gə́ Kɔrḭtə 7:10

Tɔgərɔ ya, nékəmndoo gə́ Ala nja wɔji ɓa ar dəw wa ne ndòo rəa dɔ kaiya’g ləa mba teḛ ne rəw-kaji’g, ɓó a tel kɔm rəd gogo el. Nɛ nékəmndoo gə́ ka̰ naŋg nee ɓa oji yoo.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Ǝbrəje 10:34

Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.

Ǝbrəje 10:39

Jeḛ lé jeḛ n’to dəwje gə́ njésa rɔ deeje gə mba tuji ne el. Nɛ jeḛ n’to dəwje gə́ j’aar dɔ meekun’g lə sí njaŋg mba kaji ne ya.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Ǝbrəje 5:9

Yee ɓa, loo gə́ yeḛ to ne dəw gə́ maji ɔr njoroŋ ɓəi ndá yeḛ tel tum ne gin kaji gə́ a to gə no̰ mbata lə deḛ lai gə́ d’ila ŋgonkoji dəa’g lé.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

2 Piɛrə 3:1

Seḭ gə́ m’unda sí dan kəm’g lé aa ooje maktub njekɔm’g joo gə́ ma m’ndaŋg m’ar sí lé. Yeḛ gə́ kédé ləm, gə yeḛ gə́ ɓasinè ləm tɔ lé ma m’saŋg ne loo mba kɔs kudu sí yel ne gin kəmkàr lə sí

1 Ja̰ 2:7

Seḭ gə́ m’unda sí dan kəm’g lé godndu gə́ m’ndaŋg m’ar sí lé to yee gə́ ləw ɓó to yee gə́ sigi ɓa el. To godndu gə́ ləw gə́ seḭ taaje gə́ dɔtar ləm, to ta gə́ seḭ ooje mba̰ ləm tɔ.

Jude 1:3

Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.