Ǝbrəje 6:7 - Maktub gə́ To gə Kəmee

⁷ Loo gə́ ndi ər ta-ta ar manee tən naŋg ləm, ar lée neelé kinja gə koje mba kaji dee gə ndɔ-ndɔ keneŋ ləm tɔ ndá dɔ naŋg neelé taa kəm Ala aree tɔr ne ndia dɔ’g tɔ.

Ǝbrəje 6:7 ပူးပေါင်းရင်းမြစ်များ

Gḭ-Néje 1:11

Tɔɓəi Ala pana: Maji kar naŋg lé kinja gə muje gə kamje ɓagəsa gə kandə dee mee dee’g mee dee’g ləm, gə kagje gə́ ka̰ sɔ kandə dee gə́ d’andə gə kandə dee ɓəd-ɓəd ləma, gə kagje gə́ kandə dee gə́ ka̰ dubu to mee dee’g mee dee’g dɔ naŋg nee ləm tɔ. Ndá to lée’g bèe ya.

Gḭ-Néje 27:27

Jakob ree pər gə́ rəa’g wá kaaree’g sud. Isaak taa baḭ kubuje ləa ndá yeḛ tɔr ndia dəa’g pana: Aa oo, baḭ ŋgonəm to asəna gə baḭ ndɔ gə́ Njesigənea̰ tɔr ndia dɔ’g.

Pakɔsje 126:6

Yeḛ gə́ odo kó né gə mán-no̰ kəmee’g Gə mba kaw dubu lé A tel gə boo-rɔkal Loo gə́ yeḛ odo dɔmaḭ-kée lé gə́ ɓée ya tɔ.

Pakɔsje 24:5

Débee neelé Njesigənea̰ a tɔr ndia dəa’g ləm, Meekɔrjol lə Ala a kajee ləm tɔ.

Esai 44:3

Mbata m’a gə kɔm mán dɔ naŋg’d gə́ aw ndòo mán ləm, M’a kar ŋgira manje d’aḭ d’ɔm dɔ naŋg’d gə́ tudu kurum-kurum ləm tɔ, M’a kɔm ndiləm dɔ ginkojije’g lə sí ləm, M’a tɔr ndum dɔ ŋgan síje’g ləm tɔ.

Ejekel 34:26

N’a kar dee-deḛ gə looje gə́ gugu dɔ mbal sub lé to nétɔrnduje, n’a kar ndi ər mee naḭyee-naḭyee’g ndá a to ndi gə́ ka̰ ndutɔr.

Ojee 10:12

Maji kar sí dubuje né gə goo meekarabasur Ndá a kinjaje né gə goo meekɔrjol tɔ, Tugaje loo-ndɔ gə́ sigi. To kàr kar sí saŋgje Njesigənea̰ Saar gə mba karee ree ɔm meekarabasur dɔ sí’g.

Ləbije 25:21

M’a tɔr ndum dɔ sí’g mee ləb gə́ njekɔm’g misa̰ ndá dɔ naŋg a kar sí kandə néje gə́ a kas sí kəm ləb munda.

Malasi 3:10

Njesigənea̰ gə́ njeboo-néje lé pana: Reeje gə néje lə sí dɔg kun təa kára-kára lai kəi-ŋgəm’g mba kar nésɔ to mee kəi’g ləm. See m’a kar kəm dara ɔr wuyum dɔ sí’g el wa. See m’a kar nétɔrndu taa rɔ sí pəl-pəl el wa.

Matiyo 7:8

Mbata nana ɓa gə́ kwɔi dee né ndá d’a karee ya ləm, yeḛ gə́ saŋg né ndá a kɔs dəa keneŋ ɓəi ləma, yeḛ gə́ unda tabidi rəw-kəi ndá d’a kɔr karee ya ləm tɔ.

2 Timote 2:6

Njendɔ lé ula rəa ndubu loo ndɔ’g ləa kédé ɓa yeḛ ra kée ɓəi.

Maktub gə́ Jak ula ne ar ngan-Allaje 5:7

Ŋgakɔmje, ilaje meḛ sí dɔ maree’g saar ndɔ ree lə Mbaidɔmbaije. Aa ooje, njendɔ ndɔ lé ila mée po̰ ŋgina ne ndi gə́ doŋgɔr ləm, gə ŋgaŋ ndi gə́ gogo ləm tɔ ɓa mba kiŋga ne dɔ kó gə́ maji gə́ a teḛ mbi ɓəi.