Ǝbrəje 6:4 - Maktub gə́ To gə Kəmee

⁴ Deḛ gə́ kəm dee inja ləm, deḛ naa nénoji gə́ ḭ dara ləm, deḛ d’ɔm na̰’d gə Ndilmeenda ləm,

Ǝbrəje 6:4 ပူးပေါင်းရင်းမြစ်များ

Ləbije 13:55

Loo gə́ dəw togo né neelé ndá njekinjanéməs a tən moro neelé ya ɓəi. Ɓó lé moro neelé tel rəa raŋg el ləm, aw gə́ kédé-kédé el ləm tɔ ndá né neelé mina̰ ya: d’a roo, to debee gə́ mée’g əsé giree’g kara d’a roo gə́ roo ya.

Ləbije 14:43

Loo gə́ deḛ tɔr kɔr mbalje ləm, kər ləma, gə rḛdə mee kəi lé mbiao̰-mbiao̰ ləm tɔ ɓa ɓó lé moro neelé tel ree taa loo mee kəi’g lé pəl-pəl tɔɓəi ndá

Bula lə Israɛlje 24:3

Balaam pata gə́ gə ndəree nee pana: Ta lə Balaam gə́ ŋgolə Beɔr ləm. Ta lə dəw gə́ kəmee to jḛ̀ ləm,

Matiyo 12:45

Togə́bè yeḛ ɔd aw ndá iŋga ndilje gə́ yèr gə́ d’ur dəa-yeḛ’g ya ɓəi siri, ɔm dee dəa’g. Deḛ d’andə mee kəi’g neelé ra ɓee keneŋ ndá diŋgam neelé mée majel unda nje gə́ kédé. Ginka dəwje gə́ nee gə́ to njémeeyèrje lé deḛ kara d’a to togə́bè tɔ.

Matiyo 5:13

Seḭ toje kad gə́ dɔ naŋg nee. Nɛ ɓó lé kad gə́ rii lé tel rii el ndá see ɗi ɓa d’a ra ne karee tel rii gogo ɓəi wa. Yee neelé maji sané kɔ kar dəwje njaa dɔ’g ɓó kəm ra ne né el ŋga.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

Tagə́maji gə́ Ja̰ ndang 3:27

Ja̰ ila dee keneŋ pana: Né gə́ dara ya ar dəw ɓa a kiŋga ɓó dəw a kiŋga né gə dɔrea el.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 6:32

Jeju ila dee keneŋ pana: Ma m’ula sí təsərə, muru gə́ ḭ dara lé to Moyis ɓa ar sí el nɛ to Bɔm ɓa ar sí kankəm muru gə́ ḭ dara ya.

Néra Njékaḭkulaje 10:45

Ar ŋgankojije lai gə́ to njékḭja tamɔd deeje gə́ ree gə Piɛrə lé kaar dee wa dee paḭ mbata Ndilmeenda taa meḛ njépole-magəje pəl-pəl ya tɔ.

Néra Njékaḭkulaje 11:17

Bèe ndá to gə́ Ala wa sə dee noji gə́ to asəna kára ba gə noji gə́ yeḛ wa sə síjeḛ gə́ j’ɔm meḛ sí dɔ Mbaidɔmbaije Jeju Kristi lé bèe ndá ŋga, see ma m’askəm kɔs Ala lé rəw to gə́ banwa.

Néra Njékaḭkulaje 15:8

Tɔɓəi Ala gə́ njegər meḛ dəwje lé yeḛ nja ɔr ta lə dee maji ar dee ne Ndilmeenda to gə́ ar síjeḛ bèe tɔ.

Néra Njékaḭkulaje 8:20

Nɛ Piɛrə ilá keneŋ pana: Udu gə lar ləi bura ya, mbata i ə̰ji məəi’g pana: Nénoji lə Ala lé to gə́ né gə́ ka̰ ndogo gə lar.

Njé gə́ Rɔmə 1:11

Mbata mal koo kəm sí ram ŋgwɔd-ŋgwɔd gə mba kwa sə sí noji gə́ wɔji dɔ ndil sí lé kar sí ŋgəŋje ne ŋgəŋ-ŋgəŋ,

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Galati 3:2

Aa ooje ma m’ndigi dəji sí ta kára ba mba koo ta sí’g. See néra sí gə́ seḭ raje gin godndu’g lé ɓa, seḭ iŋgaje ne Ndil əsé ta meekun gə́ d’ila mberee d’ar sí gə́ seḭ taaje lé see yee ɓa seḭ iŋgaje ne Ndil wa.

Njé gə́ Galati 3:5

Yeḛ gə́ ar sí Ndil ləm, ra ne némɔrije mbuna sí’g ləm tɔ lé see yeḛ ra togə́bè gə goo néra gə́ ka̰ godndu əsé gə goo ta meekun gə́ d’ila ne mberee wa.

Njé gə́ Epesə 1:18

Ma m’kwɔiyee mba kar kəmkàr gə́ àr raŋg-raŋg to ne meḛ sí mba kar sí gərje ne némeekundayel gə́ wɔji dɔ ɓar gə́ yeḛ ɓar sí ne ləm, gə boo-ronduba lə nédɔji gə́ yeḛ unda gə kəmee mbata lə deḛ gə́ to gə kəmee ləma,

Njé gə́ Epesə 2:8

Tɔgərɔ ya, noji ɓa seḭ ajije ne goo meekun’g lə sí. To né gə́ Ala ɓa ar sí ɓó to né gə́ ḭ rɔ sí-seḭ’g el.

Njé gə́ Epesə 3:7

Yeḛ ɔm kula neelé jim’g gə goo noji gə́ Ala wa səm lé ɓa am m’tel m’to ne njekɔrgoo Tagə́maji lé gə goo siŋgamoŋ ləa gə́ ɔm dɔm’g lé ya.

Njé gə́ Epesə 4:7

Nɛ gosonégər gə́ Ala wa ne sə sí noji lé jeḛ kára-kára lai j’iŋga gə loo kwɔjee gə́ Kristi ɓa wɔji ar sí.

1 Timote 4:14

Nénoji gə́ i iŋga gə goo tapa njéteggintaje loo gə́ ŋgatɔgje mbo̰ dɔ na̰ tɔr ne ndu dee d’ila ne ji dee dɔi’g lé maji kari ndoo bao dɔ’g el.

2 Timote 2:25

Deḛ gə́ d’oma̰ səa kara yeḛ a gɔl dee gə ndu noji ya mba kar Ala ar dee d’un ne kəm dee rəw dɔ kaiya’g lə dee mba kar kəm dee inja dɔ kankəmta’g tɔ.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.

Ǝbrəje 10:32

Arje meḛ sí olé dɔ ndɔ gə́ dɔtar loo gə́ kəm sí inja mba̰ ndá seḭ ulaje rɔ sí ndubu dan nékəmndooje’g.

Ǝbrəje 2:4

Ala kara ɔr goo ta lə dee aree to ne njaŋg gə nédumkooje gə némɔrije ɓəd-ɓəd ləm, gə nénojije gə́ Ndilmeenda kai dee to gə́ mée ndigi ləm tɔ.

1 Ja̰ 5:16

Ɓó lé dəw kára oo ŋgokea̰ ra kaiya gə́ a gə kɔdee loo-yoo’g el ɓəi ndá maji karee ra tamaji ɓa Ala a kar ŋgokea̰ kəmə lé ya. Deḛ gə́ ra kaiya gə́ ɔd dee loo-yoo’g el ɓəi lé Ala a kar dee kəmə lé ya. Kaiya gə́ ɔd debee gə́ njerea loo-yoo’g lé to keneŋ ya, nɛ ma m’ula sí mba kar sí raje tamaji mbata kaiyaje gə́ togə́bè lé el.