Ǝbrəje 6:20 - Maktub gə́ To gə Kəmee

²⁰ loo gə́ Jeju lé aw gə́ ŋgaw ta sí keneŋ mbata yeḛ nja d’aree to gə́ ŋgɔ-njekinjanéməs saar-saar gə́ no̰, gə goo ka̰ Melkisedek ya.

Ǝbrəje 6:20 ပူးပေါင်းရင်းမြစ်များ

Pakɔsje 110:4

Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

Bula lə Israɛlje 18:28

Togə́bè ɓa seḭ a kɔrje nékar mbata lə Njesigənea̰ mbuna néje gə́ dɔg kun təa kára-kára gə́ seḭ a taaje ji Israɛlje’g ndá nékarje lai gə́ seḭ ɔrje mbata lə Njesigənea̰ lé seḭ a karje Aaro̰ gə́ to njekinjanéməs lé.

Njé gə́ Rɔmə 8:34

See na̰ ɓa gə́ njekila ta dɔ dee’g tɔɓəi wa. Jeju Kristi gə́ wəi lé yeḛ teḛ dan njé gə́ d’wəi’g mba̰ ndá yeḛ aw si dɔ jikɔl Ala’g lé ra rəwta lə sí rɔ Ala’g lé tɔ.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 5:10

Ala nja ɓaree ne ŋgɔ-njekinjanéməs gə goo ka̰ Melkisedek.

Ǝbrəje 5:6

Loo gə́ raŋg yeḛ pa to pana: I to njekinjanéməs gə no̰, Gə goo ka̰ Melkisedek.

Ǝbrəje 8:1

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.

Ǝbrəje 9:12

Ndá yeḛ andə mee loo gə́ to gə kəmee doi lé gɔl kára ba kiao gə́ ŋgaŋgee, yeḛ andə keneŋ gə məs bàl bya̰je gə ŋgan maŋgje ɓa el nɛ darɔ məsee-yeḛ nja ɓa yeḛ aw ne keneŋ. Togə́bè ɓa yeḛ uga ne dɔ sí gə no̰ ya.

Ǝbrəje 9:24

Mbata Kristi lé ula dəa mee kəi gə́ to gə kəmee gə́ ji dəw ra ndaji ne kankəmee lé el. Nɛ yeḛ andə dara nja mba kaar ne no̰ Ala’g mbata lə síjeḛ.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

1 Ja̰ 2:12

Ŋganəmje, ma m’ndaŋg maktub nee m’ar sí mbata mbɔl dɔ ria-yeḛ nja kaiyaje lə sí ɔr dɔ sí’g mba̰.