Ǝbrəje 6:18 - Maktub gə́ To gə Kəmee

¹⁸ mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

Ǝbrəje 6:18 ပူးပေါင်းရင်းမြစ်များ

Gḭ-Néje 19:22

Ɔs rɔi ɓad gə mba kula dɔi keneŋ ya mbata m’askəm ra né kára el saar i a teḛ keneŋ ɓa. Gelee gə́ nee ɓa d’unda ne ri ɓee neelé lə Soar.

1 Mbaije 2:28

Ta neelé oso mbi Joab’g, yeḛ gə́ un goo Adonija nɛ yeḛ aw goo Absalɔm’g kédé el lé. Yen ŋga Joab aḭ aw iya rəa mee kəi-kubu-si-Njesigənea̰’g ndá wa dɔ kum loo-nékinjaməs gə́ ḭta lé.

Pakɔsje 110:4

Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

Pakɔsje 46:1

Pa lə Koréje gə́ d’ar bao-pa mba karee ɔs sə dee lé. D’ɔs gə tébé

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Gosota-Kəmkàrje 3:18

Yee to kag-kəmə mbata deḛ lai Gə́ d’wá gə ji dee ləm, Deḛ gə́ d’wá ga̰ lé kara Rɔ dee lel dee ne ləm tɔ.

Gosota-Kəmkàrje 4:13

Wa tandoo kɔgərɔ ɓó ya̰ gée el, Ŋgəmee maji mbata Yee ɓa to gə́ kəmə ləi.

Esai 27:5

Nɛ deḛ gə́ d’oom gə́ njo̰loo-kula-dɔ lə dee Gə́ d’ɔm səm na̰’d gə meekulɔm lé Oiyo! deḛ gə́ d’ɔm səm na̰’d gə meekulɔm lé Ndá m’a ra sə dee bèe el.

Esai 51:12

To ma, to ma ɓa gə́ njegɔl meḛ sí, See ɗi ɓa seḭ a ɓəlje ne dəw gə́ a gə kwəi ləm, Gə ŋgon dəw gə́ to asəna gə mu bèe lé wa.

Esai 56:4

Mbata Njesigənea̰ pata togə́bè pana: Njékujije gə́ d’a kaa dɔ ndɔ-kwa-rɔ ləm ləm, Gə́ d’a mbər néje gə́ taa kəm rəgm ləma, Gə́ d’a kaar dɔ manrɔ’g ləm njaŋg ləm tɔ

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Jakari 9:12

Seḭ ɓərje gə́ undaje meḛ sí yel lé Maji kar sí telje awje kəi-kaar-kɔgərɔ’g! Ɓogənè neḛ m’pa njaŋg ya tɔɓəi, N’a tel kar sí némaji dɔ maree’d gɔl joo.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Lugu 2:25

Dəw kára si Jerusalem ria lə Simeo̰. Yeḛ to dəw gə́ njemeekarabasur ləm, gə njekwa Ala lé mée’g ləm tɔ. Yeḛ ŋgina né gə́ a kar meḛ Israɛlje to lɔm lé ləm, Ndilmeenda dəb dəa’g bigim ləm tɔ.

Njé gə́ Rɔmə 15:5

Maji kar Ala gə́ njemeekila ləm, gə njégɔl meḛ dəwje ləm tɔ lé ar takə̰ji lə sí aw na̰’d kára ba gin Jeju Kristi’g

Njé gə́ Rɔmə 3:25

Jeju Kristi lé nja Ala ɔree undá ne gə́ nékinjaməs gə mba kuga ne dɔ kaiya lə deḛ gə́ d’ɔm meḛ dee dəa’g. Yee ɓa Ala ar meekarabasur ləa kila ne kɔd mbata kédé lé yeḛ un kəmee rəw dɔ kaiya’g lə dəwje gə́ ra loo kila mée’g ləa.

Njé gə́ Rɔmə 3:4

Wah! bèe el. Maji kar dee d’oo Ala gə́ njekankəmta ndá dəwje lai ɓa d’a koo dee gə́ njéŋgɔmje gə goo ta gə́ ndaŋg mee maktub’g pana: Maji kar tapai ɓa d’a kooi ne gə́ njemeekarabasur ləm, Loo gə́ d’a kɔrkəmta ləi ndá i a taa ne rɔi puduru ləm tɔ.

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.

Njé gə́ Pilibə 2:1

Ɓó lé kɔm gə́ jeḛ j’ɔm na̰’d gə Kristi askəm gɔl sí ləm, əsé kunda gə́ jeḛ j’unda sí dan kəm sí’g ar meḛ sí to ne lɔm ləma, əsé Ndil gə́ ɔm dɔ sí’g to gə́ kankəm né ləm tɔ, ɓó lé koo kəmtondoo gə meekɔrjol to ɓee lə sí

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.

1 Njé gə́ Tesalonikə 1:10

Yee ɓa, seḭ ŋginaje ne Ŋgonee gə́ a gə kḭ dara lé yee ɓa to Jeju gə́ Ala aree unda loo teḛ dan njé gə́ d’wəi’g ləm, yeḛ gə́ ɔr sí dan oŋg gə́ a gə ree lé ləm tɔ.

1 Timote 1:1

Ma Pool, njekaḭkula lə Jeju Kristi gə goo torndu Ala Mbaikaji lə sí ləm, gə torndu Jeju Kristi, yeḛ gə́ j’unda meḛ sí yel gə́ dəa’g ləm tɔ lé

1 Timote 6:12

Aḭ rɔ dɔ meekun’g ləi ləm, kəmə gə́ gə no̰ gə́ deḛ ɓari keneŋ lé wa kɔgərɔ gə goo ta meekun gə́ inja bao gə́ i ɔr ne gée kəm njékɔrgootareeje’g bula lé ləm tɔ.

2 Timote 2:13

Ɓó lé jeḛ n’tel n’to gə́ majikojije el Ndá yeḛ lé to njemeenda londoŋ njaŋg gə no̰ Ɓó yeḛ askəm tel rəa raŋg el.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Ǝbrəje 3:11

Meem ḭ səm jugugu am m’pa gə ndum njaŋg m’pana: D’a kaw loo-kwa-rɔ’g ləm lé nda̰ el.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

Ǝbrəje 6:17

Gelee gə́ nee ɓa loo gə́ Ala ndigi kar deḛ gə́ d’a gə kiŋga né gə́ wɔji dɔ dee lé d’oo gao to gə́ yeḛ wɔji njaŋg ɓó a tel gə ndia el ndá yeḛ man ne rəa

Ǝbrəje 7:19

Mbata godndu gə́ ləw lé ar dəw kára kara maji ne ɔr njoroŋ el. Nɛ nékunda mee yel dɔ’g gə́ maji undá ɓa teḛ, yee ɓa j’oo loo mba rəm ne pər gə́ rɔ Ala’g.

Ǝbrəje 7:21

Mbata Lebije lé loo gə́ deḛ tel to njékinjanéməsje ndá deḛ manrɔ dee dɔ dee’g el. Nɛ Jeju lé tel to njekinjanéməs gə goo ta manrɔ lə yeḛ gə́ ulá ta pana: Mbaidɔmbaije un ndia njaŋg gə rɔkubu ɓó a pəl ta el. I to njekinjanéməs gə no̰, gə goo ka̰ Melkisedek.

Jujé 20:3

mba kar dəw gə́ njetɔl maree gə́ yeḛ koma̰ mée’g el ləm, gə wa dɔ gɔl rəa gə mba tɔlee kédé el ləm tɔ ndá a kaskəm kaḭ kaw keneŋ, ɓee-booje neelé d’a to njo̰looje mbata lə sí mba kɔg njedalba̰ məs lé loo kandə keneŋ tɔ.

1 Ja̰ 1:10

Ɓó lé jeḛ m’pana: Jeḛ n’ra kaiya el ndá jeḛ j’undá gə njeŋgɔm ɓó ta ləa kára kara uba meḛ sí ndag el tɔ.

1 Ja̰ 5:10

Yeḛ gə́ ɔm mée dɔ Ŋgon-Ala’g ndá ta gə́ Ala teg ne gin Ŋgonee lé to mée’g ya. Yeḛ gə́ ɔm mée dɔ Ala’g el ndá yeḛ unda Ala gə́ njeŋgɔm mbata yeḛ ɔm mée dɔ ta gə́ Ala teggin Ŋgonee lé el tɔ.

1 Samel 15:29

Yeḛ gə́ to siŋgamoŋ lə Israɛlje lé pa taŋgɔm el ləm, yeḛ tel gə ndia ɓəd el ləm tɔ mbata yeḛ to dəw ɓa mba tel gə́ ndia bèe el tɔ.