Ǝbrəje 6:17 - Maktub gə́ To gə Kəmee

¹⁷ Gelee gə́ nee ɓa loo gə́ Ala ndigi kar deḛ gə́ d’a gə kiŋga né gə́ wɔji dɔ dee lé d’oo gao to gə́ yeḛ wɔji njaŋg ɓó a tel gə ndia el ndá yeḛ man ne rəa

Ǝbrəje 6:17 ပူးပေါင်းရင်းမြစ်များ

Gḭ-Néje 26:28

Deḛ d’ilá keneŋ pana: Jeḛ j’oo gao to gə́ Njesigənea̰ nai səi. Gelee gə́ nee ɓa jeḛ m’pana: Maji kar ta manrɔ to mbuna síjeḛ seḭje’g ləm, kar síjeḛ kara manje rɔ sí j’ari ləm tɔ.

Pakɔsje 110:4

Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

Pakɔsje 33:11

Néje gə́ Njesigənea̰ wɔji mée’g gə mba ra lé To saar gə no̰ ləm, Néje gə́ yeḛ wɔji-kwɔji ra lé Yeḛ ra mbata lə njéboakojije lə na̰ gə goo na̰ goo na̰ ya ləm tɔ.

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Teḛ-Raga 22:11

Ɓó lé nékul neelé deḛ ɓogee mee kəi’g ləa ndá yeḛ a kuga njenékul neelé gə́ kuga ya.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Pa gə́ ur dɔ paje 5:1

Kɔnanəm, njemɔr ləm, Ma m’andə loo-ma̰a-kagje’g ləm, Ma m’ti timbá gə néje gə́ ə̰də sululu ləm, Ma m’usɔ mba̰ tə̰ji gə ubee na̰’d ləma, Ma m’ai mán-nduú gə mbà na̰’d ləm tɔ. Baokuraje ləm, sɔje gə aije, Arje mal ndigi na̰ ra sí!

Esai 14:24

Njesigənea̰ gə́ njeboo-néje man rəa pa ne pana: Tɔgərɔ ya, né gə́ m’wɔji lé a teḛ ya, Né gə́ m’wɔji njaŋg lé a kaw lée’g béréré ya tɔ.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Malasi 3:6

Ma kara m’a tel ree mbata ma lé m’to Njesigənea̰ ɓó m’tel rɔm ɓəd el. Bèe ɓa seḭ ŋgaka Jakob lé seḭ tujije ne el.

Tagə́maji gə́ Ja̰ ndang 10:10

Yeḛ gə́ njeɓogo lé yeḛ ree mba ɓogo dee ləm, mba tḭja gwɔs dee ləma, mba busu dee ləm tɔ. Ma lé m’ree mba kar badje d’isi gə kəmə lé ləm, kar dee d’isi dan nékulrɔ dee’g ləm tɔ.

Njé gə́ Rɔmə 11:29

Mbata nénojije gə́ Ala wɔji gə mba kwa gə dəwje ləm, gə kɔr gə́ yeḛ ɔr dee unda dee gə kəmee ləm tɔ lé yeḛ a tel ne ndia el.

Njé gə́ Rɔmə 8:17

Ɓó lé jeḛ n’to ŋganeeje ndá jeḛ n’to njékiŋga nédɔji síje lé. Ɓó lé jeḛ j’ula rɔ sí ndubu gə Kristi na̰’d gə mba kiŋga səa rɔnduba na̰’d ndá j’a to njékiŋga nédɔjije lə Ala na̰’d gə Kristi tɔ.

Njé gə́ Galati 3:29

Ɓó lé seḭ toje gə́ ka̰ Kristi ndá seḭ toje ŋgaka Abrakam ləm, seḭ a toje njékiŋga nédɔjije gə goo ndukun gə́ un aree lé ləm tɔ.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Ǝbrəje 11:9

Meekun lé ɓa yeḛ aw ra ne ɓee gə́ Ala un ndia gə mba karee. Yeḛ si keneŋ asəna gə njekwagirloo. Kəi-surumje gə́ la gə kubu ɓa yeḛ si keneŋ ar Isaak, deḛ gə Jakob gə́ to njékwa-néndubaje səa na̰’d lé kara d’isi səa keneŋ gə́ njékwagirlooje tɔ.

Ǝbrəje 6:12

Bèe ɓa seḭ a kya̰je gée yɔgɔ el ləm, seḭ a ndajije kəm deḛ gə́ mbɔl dɔ meekun gə meekai sam-sam ɓa taa ne né gə́ ndukun ɓa wɔji gə mba kar dee lé ləm tɔ.

Ǝbrəje 6:16

Mbata dəwje manrɔ dee gə ri njekur dɔ dee’g ndá manrɔ lé to né gə́ tɔl ne tamaḭ lə dee bém.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

1 Piɛrə 1:3

Maji kar dɔ ri Ala Bɔ Jeju Kristi Mbaidɔmbaije lə sí lé ai səgərə. Yeḛ ar mée oso lemsé dɔ sí’g oji sí ne sigi, tɔɓəi teḛ gə́ yeḛ ar Jeju Kristi teḛ dan njé gə́ d’wəi’g lé ar meekundayel lə sí to ne kəmba tɔ.

1 Piɛrə 3:7

Seḭ diŋgamje kara maji kar sí sije gə denéje lə sí gə majee mbata seḭ gərje gao deḛ to denéje ba, siŋga dee as gə ka̰ sí el. Maji kar sí tədjekag dee mbata deḛ d’a kiŋga sə sí kəmə lé gə́ Ala wa ne sə sí noji, bèe ɓa oo deeje gə́ kankəm néje kəm sí’g mba kar né kára kara ɔg rəw tamaji lə sí el.