Ǝbrəje 6:12 - Maktub gə́ To gə Kəmee

¹² Bèe ɓa seḭ a kya̰je gée yɔgɔ el ləm, seḭ a ndajije kəm deḛ gə́ mbɔl dɔ meekun gə meekai sam-sam ɓa taa ne né gə́ ndukun ɓa wɔji gə mba kar dee lé ləm tɔ.

Ǝbrəje 6:12 ပူးပေါင်းရင်းမြစ်များ

Gosota-Kəmkàrje 12:24

Ji dəwje gə́ rɔ dee wɔilɔ pélé-pélé loo kula’g lé Ar dee d’o̰ ne loo, Nɛ ji dəw gə́ ra kula gə rɔkas lé Aree si ne dan ɓər’g.

Gosota-Kəmkàrje 13:4

Dəw gə́ njedab ndiŋga néje Gə́ yeḛ askəm kiŋga el, Nɛ dəwje gə́ rɔ dee wɔilɔ loo kula’g lé D’a kiŋga né gə́ as dee nag-nag.

Gosota-Kəmkàrje 15:19

Rəw-kaw njedab lé To asəna gə ŋgalaŋ kunje, Né kila-rəwkaw dəwje gə́ njéra nédanaje lé To asəna rai-rai.

Gosota-Kəmkàrje 18:9

Yeḛ gə́ ra kula ləa gə jiŋgaombadə lé Yeḛ to ŋgoko̰ njetuji né.

Gosota-Kəmkàrje 2:20

I lé a njaa togə́bè rəw-kaw dəwje’d Gə́ njéra némajije ləm, I a ŋgəm kila-rəw-kaw njémeekarabasurje ləm tɔ.

Gosota-Kəmkàrje 26:14

To gə́ tabidi-rəw kəi gə́ tɔ gə kag-lar aw yo gə́ nee lé Njedab kara nduburu gururu-gururu dɔ tira’g ləa togə́bè tɔ.

Gosota-Kəmkàrje 28:10

Yeḛ gə́ ar dəwje gə́ njéra nédanasurje ndəm dan rəw gə́ majel’g lé Oso mee bwa gə́ yeḛ nja uru’g, Nɛ dəwje gə́ ra né gə goo rəbee lé D’iŋga meemaji gə́ nénduba lə dee.

Pa gə́ ur dɔ paje 1:8

Ǝi, i dené gə́ ma̰də ur dɔ marije’g, Ɓó lé i gər el ndá Maji kari un dɔ gɔl badje, Aw gə bya̰je ləi ar dee d’o̰ mu Mbɔr kəije’g lə njékulbadje ya.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Matiyo 22:32

Ma m’to Ala lé lə Abrakam ləm, gə Ala lé lə Isaak ləma, gə Ala lé lə Jakob ləm tɔ. Bèe ndá Ala lé to ka̰ njé gə́ d’isi kəmba lé ɓó to ka̰ njé gə́ d’wəi lé el.

Matiyo 25:26

Ɓéeje lé tel ilá keneŋ pana: I to kura gə́ yèr ləm, gə njerɔkas gə́ majel ləm tɔ. Ɓó lé i gərm gə́ dəw gə́ m’dubu kó ɓa m’inja el ləm, gə m’unda kó ɓa mbo̰ el ləm tɔ

Lugu 16:22

Njendoo lé wəi ndá kuraje lə Ala gə́ dara ree d’unee d’aw d’unda mbɔr Abrakam’g. Bao lé kara wəi tɔ ndá deḛ dubee tɔ.

Lugu 8:15

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Njé gə́ Rɔmə 12:11

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

Njé gə́ Rɔmə 4:12

Tɔɓəi yeḛ to bɔ njékḭja tamɔd deeje, deḛ gə́ d’inja tamɔd deeje goo kára ba el nɛ d’un dɔ gɔl ka síjeḛ Abrakam lad-lad, taa ne meekun ləa gə́ un loo gə́ yeḛ lal kinja tamɔdee ɓəi lé ya tɔ.

1 Njé gə́ Tesalonikə 1:3

Tɔgərɔ ya, meḛ sí olé dɔ sí’g ta-ta no̰ Ala Bɔ síje’g loo gə́ j’ə̰ji dɔ meekun lə sí gə́ ra née ləm, gə nojimeenda gə́ seḭ waje gə mar síje ləma, gə kaar gə́ seḭ aarje njaŋg undaje ne meḛ sí yel gə́ dɔ Mbaidɔmbaije’g lə sí Jeju Kristi lé ləm tɔ.

2 Njé gə́ Tesalonikə 1:4

Gelee gə́ nee ɓa, jeḛ n’ti ne rɔ sí dɔ sí’g j’wa sí ne j’wɔji ne Eglisəje lə Ala mbata meekun lə sí gə́ seḭ síje ne gə meekai sam-sam dan nékəmndooje gə némeekonje gə́ ra sí lé.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Ǝbrəje 10:36

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

Ǝbrəje 13:7

Arje meḛ sí olé dɔ njékɔrno̰ síje gə́ tɔji sí ta lə Ala, la̰jije dɔ ndɔ kwəi’g lə dee ləm, ndajije ne meekun lə dee ləm tɔ.

Ǝbrəje 5:11

J’isi gə ta yaa̰ gə́ wɔji dɔ ta neelé, to kədərə mba ndoo sí mbata kəm sí kara inja dɔ’g njaŋg el.

Ǝbrəje 6:15

Bèe ɓa Abrakam ai ne mée sam-sam ɓa iŋga ne né gə́ wɔji dəa ɓəi.

Maktub gə́ Jak ula ne ar ngan-Allaje 1:3

mbata seḭ gərje gao, né gə́ naa meekun lə sí lé ar meekila lə sí ḭ ne dɔ maree’g gə́ kédé-kédé.

2 Piɛrə 1:10

Gelee gə́ bèe ɓa ŋgakɔmje, maji kar sí oreeje meḛ sí més-més dɔ ɓar gə́ deḛ ɓar sí’g ləm, gə dɔ mbər gə́ deḛ mbər sí’g ləm tɔ, mbata ɓó lé seḭ a raje togə́bè ndá né a kun gɔl sí kar sí làmje ne rɔ sí el.

1 Ja̰ 2:25

Ndukun gə́ yeḛ un ar sí lé yee ɓa gə́ kəmə gə́ gə no̰ lé.

Loo gə́ killa rea kəm Ja̰’g 13:10

Ɓó lé dəw wa maree ɓər ndá yeḛ kara a to ɓər ya tɔ, ɓó lé dəw tɔl maree gə kiambas ndá yeḛ kara a kəi yoo-kiambas ya tɔ. Yee ɓa gə́ gin meekai sam-sam gə gin meekun lə deḛ gə́ to gə kəmee.